09:59 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Մանվել Գրիգորյան

Մանվել Գրիգորյանն անդամալույծ է դարձել, ավելին` նրա մոտ սթրեսային խանգարում կա. պաշտպան

© Sputnik / Asatur Yesayants.
Հասարակություն
Ստանալ կարճ հղումը
587 0 0

Մանվել Գրիգորյանի պաշտպան Լևոն Բաղդասարյանը վստահեցնում է, որ իր պաշտպանյալն այժմ այն վիճակում է, որ անգամ բժիշկը խորհուրդ չի տալիս նրա հետ խոսել քրգործին առնչվող ինչ-ինչ հարցերի շուրջ։

ԵՐԵՎԱՆ, 28 հունիսի — Sputnik. Կալանքը կրելու ժամանակ գեներալ Մանվել Գրիգորյանն անդամալույծ է դարձել և չի կարողանում քայլել, ավելին` նրա մոտ սթրեսային խանգարում կա: Այսօր` լրագրողների հետ հանդիպման ժամանակ, այս մասին ասաց Գրիգորյանի պաշտպան Լևոն Բաղդասարյանը։

«Այն, որ Գրիգորյանի առողջական վիճակը կալանքի ժամանակ վատացել է, ու հիմա նրա կյանքին վտանգ է սպառնում, այդ մասին ասում են ոչ միայն  դրսի, այլ նաև տեղացի բժիշկները։ Կարծում եմ` նրան միտումնավոր են կալանքի տակ փորձում պահել, քանի որ նրա պաշտպանական կողմը քանիցս բարձրաձայնել է, որ կալանքն անհամատեղելի է նրա հիվանդությունների հետ»,–ասաց պաշտպանը։

Բաղդասարյանի խոսքով` Գրիգորյանն այժմ այն վիճակում է, որ անգամ բժիշկը խորհուրդ չի տալիս  նրա հետ խոսել քրգործին առնչվող ինչ-ինչ հարցերի շուրջ։

Պաշտպանը նշեց նաև, որ հունիսի 21–ին ՄԻԵԴ–ը կրկին որոշում է կայացրել, ըստ որի` ՀՀ–ն պարտավորվում է Գրիգորյանի բուժումը կազմակերպել  հիվանդանոցային պայմաններում: Բաղդասարյանը հիշեցրեց, որ ՄԻԵԴ–ն Գրիգորյանի հետ կապված արդեն իսկ երկու նման որոշում կայացրել է` ՀՀ–ին պարտավորեցնելով  Գրիգորյանի բուժումն իրականացնել քաղաքացիական հիվանդանոցում, ոչ թե դատապարտյալների։

Անվասայլակով ու թթվածնի սարքով. Մանվել Գրիգորյանը ներկա է դատական նիստին

«Եթե դատարանը Գրիգորյանի խափանման միջոց կալանավորումը չփոխի, մենք նորից ստիպված կլինենք ՄԻԵԴ դիմել»,–ասաց Բաղդասարյանը։

Հիշեցնենք, որ Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Մանվել Գրիգորյանի որդու չարաշահումները բացահայտվել են

Ըստ թեմայի

«Հերոսը չի սողում, իսկ շոու սարքելը հեշտ է». Նազիկ Ամիրյանը`Մանվել Գրիգորյանի մասին
Մանվել Գրիգորյանի կնոջը պատկանող հողատարածքն այրվել է
Մանվել Գրիգորյանին սայլակով տեղափոխել են մեկուսարան. 24News. տեսանյութ
թեգերը:
Մարդու Իրավունքների Եվրոպական դատարան (ՄԻԵԴ), հիվանդանոց, բժիշկ, Դատարան, կալանավոր, Մանվել Գրիգորյան, Հայաստան

Գլխավոր թեմաներ