03:23 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Դավիթ Անանյան

Հայաստանում բոլո՞րը կհայտարարագրեն իրենց եկամուտները. պարզաբանում է ՊԵԿ ղեկավարը

© Photo / official site of the Prime minister of RA
Հասարակություն
Ստանալ կարճ հղումը
42 0 0

ՀՀ ՊԵԿ նախագահ Դավիթ Անանյանը մեկնաբանել է հանրապետությունում եկամուտների համընդհանուր հայտարարագրում ներդնելու մասին հարցը։

ԵՐԵՎԱՆ, 9 հուլիսի — Sputnik.  Եկամուտների համընդհանուր հայտարարագրումը կարող է օգտակար լինել, սակայն դրա համար իրավական մեխանիզմներ դեռ չկան։ Այս մասին այսօր մամուլի ասուլիսի ժամանակ ասաց ՊԵԿ նախագահ Դավիթ Անանյանը։

Եկամուտների համընդհանուր հայտարարագրումը թույլ կտա պայքարել հարկերը վճարել խուսափողների և գումար լվացողների դեմ։ ՊԵԿ–ը կկարողանա հետևել գումարի շրջանառության ամբողջ ցիկլին` և՛ բիզնեսի, և՛ նրա բոլոր կեղծ և իրական սեփականատերերի մոտ։

«Բուն տեխնիկական լուծումները հարկային ծառայությունը կարող է նախապատրաստել մի քանի շաբաթում, սակայն դրա իրականացման համար դեռ պատրաստ չեն իրավական հիմնավորումները»,-  նշեց Անանյանը։

Մասնավորապես, անհրաժեշտ է, որպեսզի հարկային ծառայությունում հաշվառման կանգնեն այն ֆիզիկական անձինք, որոնք դիվիդենդներ են ստանում  բիզնեսից։ Քանի որ ցանկացած բաժնետիրոջ հետևում, վերջին հաշվով, կոնկրետ մարդիկ են կանգնած։ Եվ այդ մարդիկ պետք է հայտարարագրեն իրենց եկամուտները։  Սակայն այդ նպատակով պետք է օրենք ընդունել, որը կպարտադրի նրանց դա անել։

Անանյանի խոսքով՝ ձեռնարկություններին պետք է պարտադրել, որպեսզի նրանք իրենց հաշվետվություններում նշեն իրենց վերջնական սեփականատերերին (նման կանոններ առայժմ մշակվում են միայն  բանկերի համար)։

Հրդեհ է բռնկվել ՊԵԿ–ի շենքում

Միևնույն ժամանակ ՊԵԿ ղեկավարը կարևոր տարբերություն ընդգծեց. եթե դուք հայտարարագրում եք եկամուտները, դա դեռ չի նշանակում, որ դուք դրանցից հարկ պետք է վճարեք։

«Բերեմ օրինակ, որը հետաքրքրում է շատերին։ Դրանք արտերկրից հարազատների դրամական փոխանցումներն են։ Մեր օրենսդրության համաձայն, եթե ընտանիքի անդամներն են միմյանց գումար փոխանցում, ապա հարկեր վճարելու կարիք չկա։ Օրինակ, եթե ամուսինը կնոջը գումար է ուղարկում։ Այդ եկամուտից հարկ վճարել պետք չէ։ Սակայն հայտարարագրել պետք է», – պարզաբանեց Անանյանը։

Եկամուտների համընդհանուր հայտարարագրման գաղափարը ՀՀ կառավարությունում քննարկվում էր անցած տարի (իշխանափոխությունից հետո)։ Եկամուտների հայտարարագրումը խթանելու համար ՊԵԿ–ն առաջարկել է հարկերի հետ կապված (եկամտահարկ, դեպոզիտների և դիվիդենդների հարկ) զեղչեր անել քաղաքացիների համար մեկ տարվա ընթացքում մանրածախ առևտրից (խանութներում, սուպերմարկետներում) «քեշբեքերի» (գումարի վերադարձ) տեսքով։

Ըստ թեմայի

Ավտոմեքենաների մաքսազերծումն առայժմ դուրս չի գա Երևանից. Անանյանը պարզաբանեց` ինչու
ՊԵԿ նախագահը մեկնաբանել է եղբոր պաշտոնանկությունն ու Ջանջուղազյանի հետ հարաբերությունները
ՊԵԿ նախագահն անձամբ է հաշվարկում յուրաքանչյուր աշխատողի պարգևատրման չափը
Մանվել Գրիգորյանը կմնա կալանքի տակ. դատարանը որոշում կայացրեց
Մանվել Գրիգորյանը դժվարությամբ է տարբերում դեմքերն ու դեպքերը. փաստաբան
Ի՞նչ խնդիրներ է բերում նվազագույն աշխատավարձի բարձրացումը. փորձագետի պարզաբանումը
թեգերը:
Պետական եկամուտների կոմիտե (ՊԵԿ), Դավիթ Անանյան, հայեր, Հայաստան

Գլխավոր թեմաներ