09:10 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
«Միսս տիեզերք Արմենիա» մրցույթի մասնակիցները

Ինքնավստահ և գեղեցիկ. հայտնի է` հայ գեղեցկուհիներից ով կմասնակցի «Միսս տիեզերք» մրցույթին

© Photo : EDGAR MARTIROSYAN
Հասարակություն
Ստանալ կարճ հղումը
314 0 0

Կազմակերպիչները նման մրցույթների միջոցով առաջին հերթին զարգացնում են հայուհիների ինքնավստահությունը։

ԵՐԵՎԱՆ, 10 հուլիսի — Sputnik. Մոդել Դայանա Դավթյանն արժանացավ «Միսս Տիեզերք Արմենիա» հեղինակավոր տիտղոսին, իսկ առաջին փոխմիսս դարձավ Անետա Գաբրիելյանը։

Победительница конкурса Мисс Вселенная-Армения Даяна Давтян
© Photo : EDGAR MARTIROSYAN
Դայանա Դավթյան

Մրցույթը, որին մասնակցում էին 15 գեղեցկուհի, կայացավ Հայաստանի հյուսիսային մայրաքաղաքում` Գյումրիում։

Ժյուրիի անդամներից մեկը` երգիչ Արամոն, Sputnik Արմենիայի թղթակցին ներկայացրեց իր տպավորությունները։

«Կարծում եմ, որ մենք ճիշտ ընտրություն ենք արել, և հմայիչ Դայանա Դավթյանը հիրավի արժանի էր այդ տիտղոսին։ Թեև չեմ կարող չնշել, որ բոլոր աղջիկներն են հիասքանչ, սակայն նրանցից միայն մեկը կներկայացնի մեր երկիրը միջազգային մրցույթում», – ասաց նա։

Участницы конкурса Мисс Вселенная-Армения (9 июля 2019). Гюмри
© Photo : EDGAR MARTIROSYAN
«Միսս տիեզերք Արմենիա» մրցույթի մասնակիցները

Արամոյի խոսքով` բոլոր աղջիկները շատ լավ պատասխաններ են տվել ինտելեկտուալ հարցերին։

«Ես հիացած էի, թե ինչպես էին մեր գեղեցկուհիները հստակ և տրամաբանված պատասխանում հարցերին։ Դա ինձ շատ ուրախացրեց», – ավելացրեց երգիչը։

«Միսս Տիեզերք Արմենիա» մրցույթի նախագահ, «Միսս Հայաստան 1998» Գոհար Հարությունյանն էլ Sputnik Արմենիային հայտնեց, որ այդ մրցույթի միջոցով կազմակերպիչները փորձում են առաջին հերթին նպատակասլացություն, ինքնավստահություն և արիություն քարոզել։

Победительница конкурса Мисс Вселенная-Армения Даяна Давтян
© Photo : EDGAR MARTIROSYAN
Դայանա Դավթյան

«Ինձ համար շատ կարևոր է հենց այս մրցույթը, քանի որ կարգախոսն է` «Ինքնավստահ գեղեցկություն»։ Մենք փորձում ենք աղջիկների մեջ ինքնավստահություն զարգացնել ։ Հայտնի է, որ մեր կանայք շատ նվիրված են ընտանիքին և երեխաներին։ Մենք հավատում ենք, որ հենց ուժեղ և կայացած կինը կարող է դաստիարակել ապագա սերնդին, ավելի շատ բան տալ իր ընտանիքին», – ասաց նա։

Мисс Армения-1998 Гоар Арутюнян на конкурсе Мисс Вселенная-Армения (10 июля 2019). Гюмри
© Photo : EDGAR MARTIROSYAN
Գոհար Հարությունյան

Գոհարի խոսքով` աղջիկներից շատերն ընտրական փուլում շատ փակ ու անվստահ են լինում, բայց նախապատրաստական փուլում կերպարանափոխվում են։

«Մենք օգնում ենք նրանց ազատվել բարդույթներից, սովորեցնում ենք ճիշտ կեցվածք ընդունել, քայլել։ Մի խոսքով` ամեն ինչ անում ենք, որ աղջիկներն իրենց սիրեն այնպիսին, ինչպիսին կան և գնահատեն բնական գեղեցկությունը։ Աղջիկները կարճ ժամանակում փոխվում են մեր աչքի առաջ», – նշեց նա։

Участницы конкурса Мисс Вселенная-Армения в национальных костюмах (9 июля 2019). Гюмри
© Photo : EDGAR MARTIROSYAN
«Միսս տիեզերք Արմենիա» մրցույթի մասնակիցներ

Նա հավելեց նաև, որ «Միսս Տիեզերք Արմենիան» անցկացվում է արդեն երկրորդ անգամ։ Մրցույթի կանոնները շատ խիստ են, և եթե բաց թողնեն թեկուզ մեկ տարի, ապա կարող են զրկվել արտոնագրից։ Անցած տարի մրցույթն անցկացվել է Երևանում, սակայն կազմակերպիչներն ամեն անգամ մրցույթը կանցկացնեն Հայաստանի տարբեր քաղաքներում։

Մրցույթ անցկացնելու արտոնագիր ունեն միայն 95 երկիր։

Դայանա Դավթյանը ծնվել է Մոսկվայում։ Ընտանիքի հետ տեղափոխվել է Երևան, երբ չորս տարեկան է եղել։ Սովորել է «Ատեքս» մոդելային գործակալությունում։ 17 տարեկանում Հայաստանը ներկայացրել է օրերս ավարտված «Միսս մոլորակ 2015» միջազգային գեղեցկության մրցույթում և արժանացել «Միսս էլեգանտ» տիտղոսին։

Ըստ թեմայի

Բիլզերյանի 11 «ծտերը»․ ամերիկահայ մեծահարուստը կրկին շրջապատված է կիսամերկ գեղեցկուհիներով
Ֆանտաստիկ գեղեցկություն. հայ նկարչուհին զարդարել է Պալացո Կոնտարինին. լուսանկարներ
Հանուն գեղեցկության մարդը պատրաստ է ամենախենթ վիրահատությունների՝ ոտքերից մինչև պորտ
Գեղեցկությունը զոհեր է պահանջում. չափանիշներ, որոնք մահվան դուռ էին տանում աղջիկներին
թեգերը:
հայ, Գեղեցկության մրցույթ, Հայաստան

Գլխավոր թեմաներ