10:24 20 օգոստոսի 2019
Ուղիղ եթեր
  • USD475.91
  • GBP576.71
  • EUR528.16
  • RUB7.12
Երևան

Կարգազանց վարորդները պետք է հեռացվեն երթևեկությունից. Փաշինյանը խոսեց վերջին վթարներից

© Sputnik / Asatur Yesayants.
Հասարակություն
Ստանալ կարճ հղումը
147 0 0

ՀՀ վարչապետն անդրադարձել է վերջին ողբերգական ավտովթարներին։ Ոստիկանապետը պարզաբանել է, թե ինչու են դրանք ավելացել։

ԵՐԵՎԱՆ, 11 հուլիսի — Sputnik. Կարգազանց վարորդները պետք է հեռացվեն երթևեկությունից։ Այսօր կառավարության նիստում, անդրադառնալով վերջին ողբերգական վթարներին, ասաց ՀՀ վարչապետ Նիկոլ Փաշինյանը։

«Բոլորդ գիտեք, որ ոստիկանությունում օրենքի նոր նախագիծ է մշակվել, որի հիմնական նպատակն է պարբերաբար և չարամիտ խախտումներ թույլ տվող կարգազանց վարորդներին ընդհանրապես երթևեկությունից հեռացնելը»,– ասաց վարչապետը` հիշեցնելով, որ տվյալ նախագիծն ԱԺ–ում է, և այն պետք է հնարավորինս շուտ ընդունվի։

«Կարծում եմ, որ հիմա հատկապես ճանապարհային երթևեկության նկատմամբ պետք է լինի կրկնակի և եռակի ավելի վերահսկողություն», –ասաց Փաշինյանը` դիմելով ՀՀ ոստիկանապետ Վալերիյ Օսիպյանին։

Վարչապետը նաև ընդգծեց, որ ՀՀ–ում արդեն մեծ քանակով ավտոմեքենաներ կան և դրանց ներկրումները շարունակվում են, ուստի ոստիկանությունը պետք է հատկապես խիստ լինի ճանապարհային երթևեկության կանոնների պաշտպանության հարցում։

Ոստիկանապետ Օսիպյանը հայտնեց, որ նմանատիպ դեպքեր եղել են նաև անցած տարիներին` հիշեցնելով 2011թ.–ին Արցախի փողոցում 4 կյանք խլած , 2014թ.–ին Երևան–Գյումրի ավտոճանապարհին 7 զոհերի պատճառ դարձած վթարները, որոնց ընթացքում նույնպես վթարից հետո հրդեհ էր բռնկվել։

Վրաստանում տեղի ունեցած ավտովթարից տուժած վերջին երեխան տեղափոխվեց Երևան

«ՃՏՊ–ները վերջին տարիներին միտում ունեն աճելու, զուգահեռ աճում են նաև զոհերը։ Օրինակ` 2018թ.–ի ապրիլի 10-ի դրությամբ գրանցվել է 1861 ՃՏՊ, 150 զոհ, 2736 վիրավոր։ 2019թ.–ի նույն ժամանակահատվածում գրանցվել է 2203 ՃՏՊ, 169 զոհ և 3212 վիրավոր»,– ասաց Օրիպյանը։

Անդրադառնալով ավտոմեքենաների աննախադեպ արագ տեմպերով ավելացող քանակին` ոստիկանապետը հայտնեց, որ 2017թ.-ին Հայաստան է ներկրվել 38 000 տրանսպորտային միջոց, 2018թ.-ին` 73 562, 2019-ի 6 ամիսներին` 54 266 ավտոմեքենա։

Այսուհանդերձ, ոստիկանապետը հավելեց, որ ՃՏՊ–ների պատճառը ոչ միայն ոստիկանության աշխատանքով է սահմանափակվում, այլև փողոցների վատ լուսավորության, տեխնիկական թերի զննության, որը, նրա խոսքով, ուղղակի ձևական բնույթ է կրում։

«Տեխզննում չի իրականացվում։ Ես ամեն օր ամփոփագրեր եմ ստանում, որ տրանսպորտային միջոցն ուղիղ ճանապարհին կորցրել է կառավարումը և ընկել է ձորը։ Այսինքն` դրա պատճառը ինչ-որ մի դետալ է, որը մաշվել է, որովհետև մեր ավտովերանորոգողներն ընդամենը փայլեցնում են այն` տալով դրան նոր տեսք»,– ասաց Օսիպյանը։

Ոստիկանապետի պարզաբանումը լսելուց հետո ՀՀ վարչապետը շեշտեց, որ առաջին քայլը կարող է դառնալ վարորդների համար բալային համակարգի ներդրումը, բայց խնդրի ամբողջական լուծման համար անհրաժեշտ են համակարգային լուծումներ։

Ըստ թեմայի

Մահացածներից 2–ը երեխաներ են. նոր մանրամասներ` Վրաստանում տեղի ունեցած ավտովթարից
Կինն այրվել է ամուսնու աչքի առաջ. ովքեր են Արարատի ավտովթարից մահացածները. մանրամասներ
Ձերբակալվել է Արարատի Զոդի կամրջի ավտովթարի մասնակից «Տոյոտա Հիլուքսի» վարորդը
թեգերը:
վարորդ, Ոստիկանություն, Վիրավոր, Զոհ, ՀՀ կառավարություն, Վալերի Օսիպյան, Նիկոլ Փաշինյան, ավտովթար, Հայաստան

Գլխավոր թեմաներ