22:30 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Էդուարդ Սարիբեկյան

Սարիբեկյան․ «Որսագողությունն ու քաղաքացու ունեցվածքի գողությունն իրարից չեն տարբերվում»

© Sputnik / Hayk Petrosyan
Հասարակություն
Ստանալ կարճ հղումը
38410

Հայաստանի որսորդական հասարակական կազմակերպությունների և նախաձեռնությունների ղեկավարների խորհրդի անդամ Էդուարդ Սարիբեկյանը կարծում է, որ Հայաստանում որսագողությունը կանխելու նպատակով պետք էայն քրեականացնել: Բացի այդ նաև վերահսկողությունը պետք է ուժեղացնել:

Որսագողության դեմ պատժամիջոցների խստացումն ընդունելի է։ Ավելին, անհրաժեշտ է նույնիսկ քրեականացնել այն: Այս մասին Sputnik Արմենիայի հետ զրույցում ասաց Սարիբեկյանը:

«Որսագողությունն ու քաղաքացու ունեցվածքի գողությունն ինձ համար իրարից ոչնչով չեն տարբերվում, սկզբունքորեն՝ երկուսն էլ գողություն են»,- նշեց նա։

Սարիբեկյանի խոսքով՝ վերջին տարիներին պատկան մարմինների կողմից ոլորտում տարվող  քաղաքականությունը բարձիթողի վիճակում է, որսագողերի դեմ տարվող պայքարը՝ անբավարար։

«Որսագողերի նկատմամբ պատիժը պետք է խստագույն լինի»,- ասաց նա։

Սարիբեկյանն անդրադարձավ նաև ԱԱԾ տնօրեն Արթուր Վանեցյանի՝ որսը մի քանի տարով արգելելու առաջարկին․  նրա կարծիքով տարբերություն չկա, թե որքան ժամանակով այն կարգելվի։

Վտանգը կա ու շարունակվում է. ինչպե՞ս պայքարել կենդանիների ապօրինի որսի ու վաճառքի դեմ

«Կարևոր է ոչ թե արգելքի սահմանումը, այլ որսի արգելված ժամանակահատվածում վերահսկողության իրականացումը»,- նշեց Սարիբեկյանը։

Ըստ նրա՝ վերահսկողության բացակայության պարագայում արդյունքը զրոյական է լինելու։

Ըստ թեմայի

Հայաստանի հարավի զբոսաշրջային գանձերը. հատուկ հետաքրքրասերների համար
Վտանգը կա ու շարունակվում է. ինչպե՞ս պայքարել կենդանիների ապօրինի որսի ու վաճառքի դեմ
Պատկերասրահից գողացված արժեքավոր կտավները հայտնաբերվել են. ԱԱԾ
թեգերը:
որս, որսագողություն, գողություն, Հայաստան, հայ

Գլխավոր թեմաներ