ԵՐԵՎԱՆ, 12 հուլիսի – Sputnik. Tesla ընկերությունն իր անվարորդ բեռնատարը փորձարկում է ԱՄՆ–ի մայրուղիներում։ Փողոցում երթևեկող տարօրինակ բեռնատարը տեսանկարել է նույն փողոցով ընթացող մեկ այլ վարորդ։
Դեռ մայիսի սկզբին նկարված տեսագրությունը նոր է սկսել տարածվել համացանցում։
Տեսանյութում երևում է, որ Tesla Semi բեռնատարը շարժվում է բավականին ծանրաբեռնված փողոցով, իսկ այն հատվածում, որտեղ պետք է նստած լիներ վարորդը, մարդ չկա։
#Tesla #Semi on the 101 pic.twitter.com/2s4cw7DsU0
— Spencer Uttley (@spenceyou) 1 мая 2019 г.
Նշենք, որ նման բան անելու համար հատուկ թույլտվություն է պետք։ Տեսանյութն ուշադիր դիտելու դեպքում վարորդի նստատեղի վերին հատվածում երկու փայլող կետեր են երևում։ Չի բացառվում, որ փորձարկվող բեռնատարի ղեկի դիմաց, այնուամենայնիվ, ինչ–որ մեկը նստած է։ Հաշվի առնելով այն հանգամանքը, որ բեռնատարը մի քանի անգամ մեծ է թեթև մարդատար մեքենաներից, կարելի է ենթադրել, որ ընկերությունը դժվար թե ռիսկի գնար և մեքենան փորձարկեր առանց վարորդի ներկայության։
Tesla-ն ներկայացրել է իր նոր ամենագնաց էլեկտրամեքենան. տեսանյութ և լուսանկար
Հիշեցնենք` բեռնատարի թողարկումը նախատեսված է այս տարի, իսկ անցյալ տարվա հունվարին տեղեկություն էր տարածվել, որ Sunnyvale ընկերությունը ընդհանուր օգտագործման մայրուղիներում սկսել է Tesla Semi-ի փորձարկումները։
Tesla-ի մեքենաներն ավելի խելացի են դարձել. ի՞նչ նորություն է մոգոնել Իլոն Մասկը
