01:39 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Sputnik Армения выясняет причины инцидента с лифтом в Ереване

Ինչու են երևանյան վերելակներն ավելի հաճախ խափանվում. ԱԻՆ–ն ունի հարցի պատասխանը

© Sputnik / Лаура Саркисян, Арам Нерсисян
Հասարակություն
Ստանալ կարճ հղումը
48 0 0

Արտակարգ իրավիճակների նախարարության ներկայացուցիչ Լուսինե Հովհաննիսյանի խոսքով՝ վերելակների մեծ մասն անցել է հետազոտություն և այն վերելակները, որոնք չեն համապատասխանել փորձագիտական խմբի չափորոշիչներին, ստացել են բացասական եզրակացություն:

ԵՐԵՎԱՆ, 13 հուլիսի – Sputnik. Վերջին շրջանում վերելակների խափանումների հիմնական պատճառը հոսանքի տատանումներն ու մասսայական հոսանքազրկումներն էին: Այս մասին Sputnik Արմենիայի հետ զրույցում ասաց Արտակարգ իրավիճակների նախարարության Տեխնիկական անվտանգության ազգային կենտրոնի վերելակների տեխնիկական անվտանգության բաժնի պետ Լուսինե Հովհաննիսյանը:

«Գաղտնիք չէ, որ ամբողջ հանրապետությունում տեղի են ունենում մասսայական հոսանքազրկումներ և հոսանքի տատանումներ: Երևան քաղաքում հոսանքի հաճախակի տատանումների պատճառով ունենք բազմաթիվ խափանված վերելակներ, ընդհուպ՝ շարժիչներ են վառվել»,- ասաց նա:

Հովհաննիսյանի խոսքով՝ Արտակարգ իրավիճակների նախարարությունն իրականացնում է ամենամյա տեխնիկական անվտանգության փորձաքննություն, և այս պահին 4666 վերելակից 1800-ն արդեն  անցել են վերջնական քննություն, որից 31-ին տրվել է բացասական եզրակացություն:

«Հուսամ՝ մինչև տարեվերջ մնացած վերելակները նույնպես կանցնեն փորձաքննություն: Եթե փորձագիտության ընթացքում վերելակներն ունենում են որոշակի խնդիրներ, որոնք կապված են անվտանգության հանգույցների հետ և դրանց շահագործումը կարող է հանգեցնել դժբախտ դեպքերի ու պատահարների, միանշանակ փորձագիտական խումբը տալիս է բացասական եզրակացություն»,- ասաց Հովհաննիսյանը:

Ըստ նրա՝ այժմ վերելակների թարմացման նպատակով ձևավորված աշխատանքային խմբում ներգրավված է նաև Տեխնիկական անվտանգության ազգային կենտրոնը: Առաջիկա համատեղ քննարման ընթացքում կհստակեցվեն անելիքները:

Հիշեցնենք՝ հունիսի 24-ին Երևանի ավագանու նիստում Երևանի փոխքաղաքապետ Հայկ Սարգսյանը նշել էր, որ սեպտեմբեր-հոկտեմբեր ամիսներին մայրաքաղաքի  տասը վարչական շրջաններից յուրաքանչյուրում 2-ական նոր՝ եվրոպական չափանիշներին համապատասխան վերելակ կգործարկվի:
 

Ըստ թեմայի

«Սև չորեքշաբթի» Հայաստանում. փչացած տեխնիկայի համար մարդիկ կարող են փոխհատուցում ստանալ
Իրանական տատանումներից կախված հայկական լույսը. անվտա՞նգ է արդյոք ՀՀ էներգետիկ համակարգը
Ատոմակայանն անջատված է ցանցից. որևէ տեխնածին աղետ տեղի չի ունեցել
Երևանի քաղաքապետարանը հերքում է Տիգրան Հեքեքյանի պնդումները. գնդակն ո՞ւմ դաշտում է
Մի թքիր, եթե չես կարող նորոգել. ի՞նչ անել Երևանի «մարդասպան» վերելակների հետ
թեգերը:
ՀՀ արտակարգ իրավիճակների նախարարություն (ԱԻՆ), վերելակ, Երևան, Հայաստան

Գլխավոր թեմաներ