09:40 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Սուսաննա Ստեփանյան

Գոտեմարտել է տղաների հետ և բոլորին հաղթել. ինչի շնորհիվ է 15-ամյա Սուսիկը չեմպիոն դարձել

© Sputnik / Armenuhi Mkhoyan
Հասարակություն
Ստանալ կարճ հղումը
236030

Ձյուդոյի Եվրոպայի պատանիների չեմպիոնը ոչ միայն իր ծննդավայրի՝ Արևիկ գյուղի, այլ նաև ողջ Շիրակի մարզի պարծանքն է:

ԵՐԵՎԱՆ, 16 հուլիսի - Sputnik, Արմենուհի Մխոյան.  Եվրոպայի մինչև 18 տարեկանների գավաթի խաղարկությունում հաղթած 15-ամյա Սուսաննա Ստեփանյանը չի պատրաստվում բավարարվել իր հաղթնականերով և ուզում է ավելի մեծ հաջողությունների հասնել։  Նա այս մասին ասաց Sputnik Արմենիային և պատմեց ձյուդո մարզաձևի առանձնահատկությունների, իր հաջողության գաղտնիքների և ապագա ծրագրերի մասին:

«Երբ առաջին անգամ իմացա ձյուդոյի մասին, 9 տարեկան էի: Հիմա  արդեն շատ ուրախ եմ, որ այս մարզաձևն եմ ընտրել: Ձյուդոյի մեջ կա արագաշարժություն. սա է ամենաշատն ինձ  գրավում»,- նշում է Սուսաննան՝ խոստովանելով, որ ուզում է իր մարզչին նմանվել, որովհետև նվիրվածության ու ճիշտ աշխատանքի արդյունքում է, որ ինքը հաղթանակներ է գրանցում:

Чемпионка Европы по дзюдо Сусанна Степанян с тренерским составом
© Photo : provided by Susanna Stepanyan
Чемпионка Европы по дзюдо Сусанна Степанян с тренерским составом

Ինքը՝ մարզիչ Արտյոմ Բաղդասարյանն անկեղծանում է՝ Սուսաննան միակն է, ում առաջին իսկ հաճախումները խոստումնալից  էին: «Հենց առաջին օրվանից եմ հավատացել նրա հաղթանակներին: Զգում էի՝ իր նպատակասլացությամբ ու աշխատասիրությամբ հաջողությունների  կհասնի: Չեմպիոն դառնալու ցանկությունը Սուսիկի մեջ շատ է և հենց այդ ցանկության, աշխատասիրության ու հավատի շնորհիվ է նա  հաղթում»,-նշեց մարզիչը:

Այսօր արդեն Սուսաննային հաղթելը շատ դժվար է: Հայաստանում քիչ են աղջիկ ձյուդոիստները և ստիպված մրցումների ժամանակ նա ուժերը չափում է տղաների հետ: Բայց վստահեցնում է՝ դա միայն գոտեմարտերի ժամանակ. մարզումներից դուրս դեռ իր ուժն ու ճարպկությունը տղաներին ցույց չի տվել:

«Հայաստանում իմ քաշային կարգում աղջիկ ձյուդոիստ չկա և այդ պատճառով գոտեմարտել եմ տղաների  հետ և բոլորին հաղթել: Միջազգային մրցումների ժամանակ դա չի թույլատրվում»,-ասաց Սուսաննան:

Чемпионка Европы по дзюдо Сусанна Степанян с медалью
© Photo : provided by Susanna Stepanyan
Чемпионка Европы по дзюдо Сусанна Степанян с медалью

Պատանի մարզուհին պարապում է շաբաթը 6 օր, օրական 2-2,5 ժամ: Հետևում է սննդակարգին, ի տարբերություն իր շատ հասակակիցների՝ սոցիալական ցանցերում երկար ժամանակ անցկացնելու փոխարեն սիրում է դիտել ձյուդոյի տարբեր գոտեմարտեր:

«Ամբողջովին նվիրված եմ այս սպորտաձևին ու մինչև վերջ գնալու եմ՝ մինչև օլիմպիադա: Եղած հաղթանակներով չեմ սահմանափակվի: Ամեն ինչ անելու եմ նպատակիս հասնելու համար»,-ասում է Սուսաննան:

Чемпионка Европы по дзюдо Сусанна Степанян в финальном поединке с венгерской дпортсменкой Л.Мамирой (27 июня 2019). Варшава
© Photo : provided by Susanna Stepanyan
Чемпионка Европы по дзюдо Сусанна Степанян в финальном поединке с венгерской дпортсменкой Л.Мамирой (27 июня 2019). Варшава

Առջևում սեպտեմբերի 25-28-ը Ղազախստանում կայանալիք  աշխարհի  առաջնությունն է: Այս  անգամ ևս պատանի մարզուհու երազանքը միայն մեկն է՝ հաղթանակ:

Սուսաննա Ստեփանյանը` ձյուդոյի Եվրոպայի գավաթի խաղարկության հաղթող

Հիշեցնենք, որ հունիսի 27-ին Լեհաստանի մայրաքաղաք Վարշավայում անցկացված Եվրոպայի պատանեկան առաջնությունում, որին մասնակցում էր 30 երկրի ավելի քան 400 ձյուդոիստ, Սուսաննա Ստեփանյանը 4 հաղթանակ է տարել: Հայաստանը նմանատիպ հաղթանակ մինչ այս չի ունեցել: Մասնագետները վստահեցնում են՝ Սուսաննայի հաղթանակի շնորհիվ մարզաձևի  զարգացումը նոր թափ կստանա:

Ըստ թեմայի

«Տոկիո 2020»–ից կես տարի առաջ ձյուդոիստ Ֆերդինանդ Կարապետյանը կանջատի նույնիսկ հեռախոսը
Ձյուդոիստ Արամ Գրիգորյանը երկրորդ տեղն է գրավել Չինաստանի Գրան–պրիում
Ինչու Փաշինյանը վերադարձրեց ձյուդոյի Եվրոպայի չեմպիոնի ոսկե մեդալը
Սարգսյանների ընտանեկան մարզաձևը` ձյուդո
թեգերը:
Եվրոպա, Սուսաննա Ստեփանյան, ձյուդո

Գլխավոր թեմաներ