16:55 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Էջմիածնի փողոցներից մեկում ընկած շունը

Շների մասշտաբային սպանդ Էջմիածնում. լուսանկարներ

© Photo: Facebook / Animal Lovers Կենդանասերներ
Հասարակություն
Ստանալ կարճ հղումը
160 0 0

Համացանցում տարածվում են լուսանկարներ, որոնցում սատկած շներ են պատկերված։ Քաղաքապետարանը խնդրի մասին տեղյակ է, ոստիկանությունը զբաղվում է այս հարցով։

ԵՐԵՎԱՆ, 19 հուլիսի — Sputnik. Կենդանիների պաշտպանները Facebook սոցիալական ցանցում լուսանկարներ են տարածում և վստահեցնում, որ Էջմիածնում առանց պետհամարանիշների մեքենայով անձինք սպանում են քաղաքի փողոցներում հանդիպած շներին:

«Այսօր արդեն 3-րդ օրն է, ինչ Էջմիածնի փողոցներում շների դիեր ենք հանդիպում: Ըստ դիերի` քանակի կարող ենք ասել, որ խոսքը 6 շան մասին է, բայց այս ամենի հետ մեկտեղ նաև 15-30 ստերջացված շուն է անհետացել»,- Sputnik Արմենիային այս մասին ասաց

«Դինգո թիմ» հասարակական կազմակերպության համակարգող Գոհար Մանուշակյանը:

Նա պատմեց, որ ինքն անձամբ է տեսել շների դիակները և ահազանգել ոստիկանություն։

«Ժամանած ոստիկանը հրաժարվեց նկարել դին` մեկնաբանելով, որ տեղակալը ասել է` դրա կարիքը չկա։ Ասաց` մոտեցեք ոստիկանության բաժանմունք ահազանգը գրանցելու համար»,– մեզ հետ զրույցում նշեց Գոհարը։

Էջմիածնի քաղաքապետարանի լրատվության բաժնի պետ Մարիամ Պողոսյանը Sputnik Արմենիայի թղթակցին հայտնեց, որ քաղաքապետարանում տեղյակ են դեպքի մասին, ահազանգեր են ստացել քաղաքացիներից: Նա նշեց, որ Էջմիածնի քաղաքապետարանը դեմ է շների սպանդին:

«Էջմիածինը առաջիններից էր, որ սկսեց շների ստերջացման գործընթացը, իսկ ինչ վերաբերվում է անհետացած շներին, մենք այդ մասին տեղեկություններ չունենք»,- ավելացրեց Մարիամ Պողոսյանը:

Այս հայի մասին գիտի ամբողջ Սիբիրը. ինչպես վագրը սկսեց մայր համարել բժիշկ Դալլաքյանին

ՀՀ ոստիկանության տեղեկատվության և հասարակայնության հետ կապերի վարչության աշխատակից Զարզանդ Գաբրիելյանն էլ Sputnik Արմենիային հայտնեց, որ ահազանգը ստուգման փուլում է:

Մարդամոտ քոթոթը. 6 ամսական գորշ արջին տեղափոխել են Երևանի Կենդանաբանական այգի

Հիշեցնենք` ապրիլին կենդանիների հանդեպ բռնությունը քրեականացնելու գործընթաց էր սկսվել։ Պատգամավոր Նաիրա Զոհրաբյանը շրջանառության մեջ էր դրել Քրեական օրենսգրքում շտկումներ անելու նախագիծը, որը, սակայն, նույնիսկ չընդգրկվեց ԱԺ օրակարգում։

Նշենք, որ տվյալ պահին կենդանիների նկատմամբ դաժան վերաբերմունքը պատժվում է վարչական օրենսգրքով և նվազագույն աշխատավարձի երեսնապատիկից մինչև հիսնապատիկի չափով, իսկ բարձրաստիճան անձանց դեպքում` նվազագույն աշխատավարձի ութսունից մինչև հարյուրապատիկի չափով։

Ըստ թեմայի

«Չաղբահանության» վտանգները. աղբի մնացորդով սնվող կենդանիները հիվանդություններ փոխանցող են
Վտանգը կա ու շարունակվում է. ինչպե՞ս պայքարել կենդանիների ապօրինի որսի ու վաճառքի դեմ
Գեղարքունիքում սատկած կովերի տերերը հատուկ են կենդանիներին տարել լճի ափ. նախարարի վարկածը
Էկոաղետ Գյումրիում. ի՞նչ վնաս կհասցնի կենդանիների բացօթյա գերեզմանոցը. լուսանկարներ
թեգերը:
Շուն, Էջմիածին, Հայաստան

Գլխավոր թեմաներ