17:00 20 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Մաթեմատիկայի միջազգային օլիմպիադայի հայ մասնակիցները բացման արարողության ժամանակ (2019թ հուլիսի 15): Բաթ

Մեդալներ ունենք. հայ երեխաները արծաթ ու բրոնզ են նվաճել Մեծ Բրիտանիայում

© Photo : press office of the International Mathematical Olympiad
Հասարակություն
Ստանալ կարճ հղումը
69 0 0

Ֆիզմաթ դպրոցի սաները հայրենիք կվերադառնան երկու արծաթե ու մեկ բրոնզե մեդալներով։

ԵՐԵՎԱՆ, 20 հուլիսի – Sputnik. Հայ պատանի մաթեմատիկոսները Մեծ Բրիտանիայում անցկացված օլիմպիադայում նվաճել են երկու արծաթե մեդալ, մեկ բրոնզե մեդալ և երկու գովասանագիր են ստացել: Facebook սոցիալական ցանցի իր էջում այս մասին գրել է ՀՀ կրթության, գիտության, մշակույթի և սպորտի նախարար Արայիկ Հարությունյանը։

«Նախորդ տարվա համեմատ երեք բրոնզե մեդալ պակաս ունենք, ինչը պայմանավորված է թիմի թարմացմամբ: Մեդալների որակը պահում ենք, և արդեն հաջորդ տարի ոսկու խնդիր պետք է դնել: Շնորհավոր մեր թիմի անդամներին և նրանց մարզիչներին»,– գրել է նախարարը:

Հարությունյանը հիշեցրել է, որ մի քանի օր առաջ պատանի ֆիզիկոսներն էին օլիմպիադայից վերադարձել հինգ բրոնզե մեդալով:

«Սպասում ենք մյուս թիմերի արդյունքներին` քիմիայից, կենսաբանությունից, աստղագիտությունից»,– նշել է պաշտոնյան:

«Մաթեմատիկա» առարկայի դպրոցականների միջազգային օլիպիադային մասնակցել են Ֆիզմաթ դպրոցի աշակերտներ Դիլանյան Վաչագանը (11-րդ դասարան), Չթչյան Տիգրանը (11-րդ դասարան), Բաղդասարյան Նորայրը (12-րդ դասարան), Մաղաքյան Գագիկը (12-րդ դասարան), Մուրադյան Նատալին (12-րդ դասարան), Փանոսյան Լյովան (12-րդ դասարան)։ Նրանց ղեկավարներն են եղել ԿԳՆ Բարձրագույն որակավորման կոմիտեի նախագահ Սմբատ Գոգյանն ու Հայաստանի պետական մանկավարժական համալսարանի դասախոս Գուրգեն Ասատրյանը։

Երևանի դպրոցներում նոր կանոններ կգործեն. կհսկվեն հաճախումները և ոչ միայն

Օլիմպիադան մեկնարկել է հուլիսի 15-ին և կավարտվի 22-ին։

Կապանի դպրոցի անմխիթար վիճակը. նախարարը ելքեր է փնտրում. լուսանկարներ

Ըստ թեմայի

Արայիկ Հարությունյանը խոսել է աշխատավարձերի բարձրացման ու դասագրքերը փոխելու մասին
Ի՞նչ է արվել կրթության ոլորտում 6 ամսում. Sputnik–ի հյուրն է Արայիկ Հարությունյանը
Նախարարը Թումանյանի քառյակն անգիր չգիտի. Արայիկ Հարությունյանի խոստովանությունը
թեգերը:
Արայիկ Հարությունյան, մաթեմատիկա, օլիմպիադա, մեդալ, երեխա, Հայաստան

Գլխավոր թեմաներ