09:40 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Իջևանյան դեպքերի ակտիվիստներից

Բղավել են, հայհոյել, վնասել կանգառի թիթեղյա ծածկը. մանրամասներ իջևանյան դեպքերից

© Sputnik / Asatur Yesayants
Հասարակություն
Ստանալ կարճ հղումը
42 0 0

Քննչական կոմիտեն մանրամասներ է ներկայացրել հուլիսի 17-ին Իջևանում տեղի ունեցած դեպքերի մասին: Ի՞նչ մեղադրանքներ են առաջադրվել բողոքի ակցիայի մասնակիցներին:

ԵՐԵՎԱՆ, 22 հուլիսի - Sputnik. Իջևանում ծառահատումների դեմ բողոքի ակիայի ընթացքում տեղի ունեցած դեպքերով մեղադրվող 13 անձանց վերաբերյալ տարածած հաղորդագրության մեջ Քննչական կոմիտեն մանրամասնել է, թե ինչ արարքների համար են առաջադրվել մեղադրանքները։

«Հուլիսի 17-ին՝ ժամը 18-ից սկսած, մի խումբ անձինք, ապօրինի ծառահատումների դեմ պայքարի խստացման հետ կապված իրենց դժգոհություններն արտահայտելու նպատակով, փակել են Հայաստան-Վրաստան միջպետական ճանապարհի Իջևան քաղաքի Երևանյան ու Իջևանյան  փողոցների հատման խաչմերուկի հատվածը, խուլիգանական դրդումներով դիտավորությամբ կոպիտ կերպով խախտելով հասարակական կարգը, բացահայտ անհարգալից վերաբերմունք դրսևորելով Իջևան քաղաքի բնակիչների և երթևեկության մասնակիցների նկատմամբ, բղավել, հայհոյել են, վնասել նշված խաչմերուկում գտնվող հասարակական տրանսպորտի կանգառի թիթեղյա ծածկը»,-ասվում է հաղորդագրության մեջ։

Նշվում է նաև, որ բողոքի ակցիայի մասնակիցները բռնություն են գործադրել, որպես զենք օգտագործվող առարկաների՝ քարերի և մահակների գործադրմամբ մարմնական վնասվածքներ են պատճառել ծառայություն իրականացնող իշխանության ներկայացուցիչների` ոստիկանության աշխատակիցների նկատմամբ` չենթարկվելով հանցավոր գործողությունները դադարեցնելու՝ նրանց օրինական պահանջին։

Ըստ հաղորդագրության՝ ոստիկանների նկատմամբ գործադրվել է ինչպես կյանքի և առողջության համար ոչ վտանգավոր, այնպես էլ՝ վտանգավոր բռնություն:

Այս փաստերի հիմքով հարուցված քրեական գործի նախաքննության ընթացքում իրականացվել են մեծածավալ քննչական գործողություններ. կատարվել են հարցաքննություններ և առերեսումներ, օրենքով սահմանված կարգով իրականացվել են մոտ երեք տասնյակ խուզարկություններ:

Արդյունքում, ինչպես արդեն հայտնել ենք՝ մեղադրանք է առաջադրվել 13 անձի, որոնցից 10–ի նկատմամբ որպես խափանման միջոց է ընտրվել կալանավորումը, 2-ի նկատմամբ կիրառվել է այլընտրանքային խափանման միջոց գրավ, 1-ի նկատմամբ՝ ստորագրություն չհեռանալու մասին:

Վարույթն իրականացնող մարմինը որոշում է կայացրել ևս մեկ անձի (ծնված 1974թ.) ձերբակալման մասին:

Նախաքննությունը շարունակվում է:

Հիշեցնենք, որ հունիսի 17–ին փայտի գործով զբաղվողները փակել էին Մ4 միջպետական ճանապարհը` բողոքելով փայտի գնից։ Երեկոյան ոստիկանների և ցուցարարների միջև բախումներ էին տեղի ունեցել։ Ոստիկանությունը լրացուցիչ ուժեր էր տեղափոխել Իջևան` իրավիճակը վերահսկելու նպատակով։ Իջևան էր մեկնել նաև ոստիկանության ղեկավար կազմը` ոստիկանապետ Վալերի Օսիպյանի գլխավորությամբ։

Իջևանում տեղի ունեցած անկարգությունների համար 13 անձ ներգրավվել է որպես մեղադրյալ

Ըստ թեմայի

Ցուցարարները խոսում էին նախապայմանով. Օսիպյանը մեկնաբանել է Իջևանի միջադեպը
Մյուսներն ո՞ւր են. Փաշինյանը պահանջում է գտնել Իջևանի դեպքերի բոլոր մասնակիցներին
Իջևանում ևս երկու ակտիվիստի են ձերբակալել. «Ամենաազդեցիկներին են տանում»
Ձերբակալվածներն ապահով վայրում են. Օսիպյանը` Իջևանի դեպքերով ձերբակալվածների մասին
Խնդիրներն ավելի են խորանում` լուծվելու փոխարեն. քաղաքագետը` Փաշինյանի ու Իջևանի մասին
Իջևանի բողոքի ակցիայից հետո 22 անձ է բերման ենթարկվել. 11 անձի փորձում են հայտնաբերել

Գլխավոր թեմաներ