06:00 20 օգոստոսի 2019
Ուղիղ եթեր
  • USD475.91
  • GBP576.71
  • EUR528.16
  • RUB7.12
Արարատյան մաքսային կետ

Քանի՞ մեքենա է ՀՀ ներմուծվել 7 ամսում. Նորագավիթի բաժիններում կաշխատեն 7–օրյա գրաֆիկով

© Sputnik / Aram Nersesyan
Հասարակություն
Ստանալ կարճ հղումը
1396 0 0

Պետական եկամուտների կոմիտեի փոխնախագահը ավտոմեքենաների ներմուծման վերաբերյալ ցուցանիշներ է հրապարակել և հայտնել, որ մաքսային պահեստներում բեռնաթափման աշխատանքներ իրականացվելու են նաև շաբաթ-կիրակի օրերին։

ԵՐԵՎԱՆ, 22 հուլիսի – Sputnik. Եթե ամբողջ անցած տարվա ընթացքում Հայաստան է ներմուծվել 67000 ավտոմեքենա, ապա այս տարի հուլիսի վերջին այդ ցուցանիշն արդեն անցած կլինի։ Facebook սոցիալական ցանցի իր էջում այս մասին գրել է Պետական եկամուտների կոմիտեի փոխնախագահ Շուշան Ներսիսյանը։

«Այս ամսվա վերջին կունենանք մոտ 70000 ձևակերպում: Այս մեծաքանակ ներմուծումները պայմանավորված են 2020թ-ից ԵԱՏՄ միասնական մաքսային դրույքաչափին անցում կատարելու հանգամանքով»,– նշել է նա:

Փոխնախագահի խոսքով` կանխատեսելով ներմուծման աճը՝ 2019թ հունվարից Նորագավիթում տեղակայված բաժինների համար սահմանվել էր 6–օրյա աշխատանքային շաբաթ, ավելացրել էին 5 ձևակերպող տեսուչ: Այսօրվա դրությամբ օրական մոտ 700 ավտոմեքենա է ձևակերպվում ՀՀ-ում, որից մոտ 500–ը` Նորագավիթում:

«Օգոստոսի 1–ից Նորագավիթի բաժիններում աշխատելու են 7–օրյա գրաֆիկով և այս նպատակով ավելացվելու է ևս 6 աշխատակից։ Մաքսային պահեստներում բեռնաթափման աշխատանքներ իրականացվելու են նաև շաբաթ-կիրակի օրերին։ «Մետեքսիմ» մաքսային պահեստը կահավորվել է և շատ կարճ ժամկետներում ավտոմեքենաներ կձևակերպվեն նաև հենց այս պահեստում»,– գրել է Ներսիսյանը։

Ավտոմեքենաների գրանցման և հաշվառման հերթերը կթեթևանան. վարչապետն է խառնվել գործին

Ըստ ՊԵԿ փոխնախագահի` այս ամենին համալիր լուծում տալու նպատակով շատ կարևոր է ՀՀ վարչապետ Նիկոլ Փաշինյանի՝ ավտոմաքսատունը Գյումրի տեղափոխելու հանձնարարականը, որտեղ կապահովվեն բոլոր անհրաժեշտ պայմանները և կստեղծվեն համապատասխան ենթակառուցվածքներ ավտոմեքենան արագ և հեշտ մաքսազերծելու և հաշվառելու համար: Ներսիսյանը նշում է, որ հանձնարարականի առնչությամբ լայնածավալ աշխատանքներն արդեն մեկնարկել են, և մինչև տարեվերջ ավտոմաքսատունն արդեն տեղափոխված կլինի Գյումրի:

Երևանի ծայրամասում սփռված է ավտոմեքենաների հսկայական գերեզմանոցը. ֆոտոշարք

Ըստ թեմայի

Սերը տարիք չի հարցնում․ հին ջիփերը գրավում են հայերի սրտերը
Ի՞նչ մեքենաներ են ավելի շատ ներկրվում Հայաստան
Հայաստանում էլեկտրամոբիլներ ներմուծողները կազատվեն ԱԱՀ–ից
ՃՈ–ն պարզաբանեց Հայաստանում ՃՏՊ–ների աճի պատճառը
«Բոլոլա կլինի», թե՞ հասարակական տրանսպորտի նոր ցանցը կլուծի Ռուստամի խնդիրները
թեգերը:
Եվրասիական Տնտեսական Միություն (ԵԱՏՄ), Պետական եկամուտների կոմիտե (ՊԵԿ), ավտոմեքենա, Հայաստան

Գլխավոր թեմաներ