11:44 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Кондиционер

Օդորակիչային փսիխո՞զ. ի՞նչ է կատարվում Հայաստանի տեխնիկայի խանութներում

© Sputnik / Aram Nersesyan ,
Հասարակություն
Ստանալ կարճ հղումը
40210

Այս օրերին օդորակիչները գովազդի կարիք չունեն, բնությունը մրցակցությունից դուրս է։ Արդյո՞ք կբավականացնեն բոլորին։

ԵՐԵՎԱՆ, 25 հուլիսի — Sputnik, Դավիթ Գալստյան. Անտանելի հուլիսյան շոգը ստիպել է Հայաստանի բնակիչներին փրկություն գտնել օդորակիչների միջոցով։ Մարդիկ շտապում են գնել տեխնիկայի այդ հրաշքը, իսկ խանութների ցուցափեղկերը և սոցիալական ցանցերում դրանց էջերը ողողված են զեղչերի մասին հայտարարություններով։

Վերջին շրջանում եղանակը կարծես նրանց օգտին է աշխատում։

Sputnik Արմենիան մի շարք խոշոր խանութներից փորձեց պարզել, թե հուլիսին որքան են աճել օդորակիչի վաճառքի ծավալները։

«Կարող եմ ասել, որ միայն այս շաբաթ վաճառքը կրկնակի աճել է», – հայտնեցին «Vega» տեխնիկայի խանութների ցանցից։

Ինչպես տեղեկացրեցին, մարդիկ հիմնականում վարկով են գնում օդորակիչներ։ Գնորդները հազվադեպ են ամբողջ գումարը միանգամից վճարում։

Նույնանման իրավիճակ է նկատվում «Beko» խանութ սրահներում, որտեղ նույնպես գրանցվել է օդորակիչների վաճառքի զգալի աճ։ Հուլիսի վիճակագրությունը խոսում է այն մասին, որ վաճառված օդորակիչների քանակն աճել է մոտավորապես 70-100 տոկոսով։ Այստեղ վարկով գնումները կազմում են գործարքների ընդհանուր թվի մոտ 50 տոկոսը։

«Էլդորադո» խանութում ասացին, որ հունիսի կեսերից վաճառքի ծավալները զգալի մեծացել են, թեև թվեր չնշեցին։

Ինչ վերաբերում է քաղաքացիների բողոքին այն մասին, որ օդորակիչները հաճախ են փչանում, ապա խանութում նման բան չեն նկատել։ Շատ բան վերջին հաշվով կախված է ծառայության որակից և ժամկետից, բայց խանութներում պնդում են, որ «որակյալ տեխնիկայի հետ խնդիրներ չեն ծագում»։

Օդորակիչների սպասարկման և վերանորոգման «Conditioner.am» մասնագիտացված կենտրոնից Sputnik Արմենիային ասացին, որ օդորակիչների վերանորոգման աճ չի նկատվել։ Դա վերաբերում է ոչ միայն վերանորոգմանը, այլ նաև տեղադրմանը։ Նրանք ավելի շատ պատվերներ էին ակնկալում։

«Ամենայն հավանականությամբ, շատ դեպքերում օդորակիչները գնում են տեղադրման ծառայության հետ մասին։ Անցած տարվա համեմատ ակտիվությունը զգալիորեն թուլացել է», – ասաց կենտրոնի աշխատակիցը։

Բացի դրանից, նրա կարծիքով, քանի որ շոգը միանգամից վրա չի հասել, շատերը հույս ունեն, որ ամռանը կդիմանան նաև առանց օդորակիչի։

Մասնավոր հիմունքներով աշխատող մեկ այլ վարպետ Sputnik Արմենիային ասաց, որ հիմա նա բացարձակապես ազատ ժամանակ չունի պատվերների քանակի պատճառով։ Խոսքը թե՛ վերանորոգելու, թե՛ տեղադրելու, թե օդորակիչներում ֆրեոնը փոխելու մասին է։

Տեխնիկայի բոլոր խանութներում նշում են, որ որքան երկար տևի շոգը, այնքան երկար կպահպանվի պահանջարկը։

Նույնպիսի հույսեր է փայփայում նաև ծանոթ անհատ վարպետը։

Ըստ թեմայի

Խելահեղ երթևեկության հետևանքները. ինչպե՞ս պայքարել դրա դեմ
Սուրճն օգնում է պայքարել շաքարախտի ու ճարպակալման դեմ. սենսացիոն բացահայտում
Սնունդի միջոցով է կարելի է պայքարել շոգի դեմ. սննդաբանի խորհուրդները
թեգերը:
վարկ, ամառ, շոգ, օդորակիչ, Հայաստան

Գլխավոր թեմաներ