16:29 19 նոյեմբերի 2019
Ուղիղ եթեր
  • USD476.98
  • GBP617.88
  • EUR527.92
  • RUB7.49
Արմեն Գրիգորյան

Հայաստանից արտագաղթը 2015թ.-ի համեմատ նվազել է 35 անգամ. Արմեն Գրիգորյան

© Sputnik / Aram Nersesyan ,
Հասարակություն
Ստանալ կարճ հղումը
80 0 0

Անվտանգության խորհրդի քարտուղարի խոսքով` արտագաղթի հարցը մնում է Հայաստանի ազգային անվտանգության սպառնալիքներից մեկը։

ԵՐԵՎԱՆ, 26 հուլիսի — Sputnik. Հայաստանից արտագաղթը 2015թ.-ից ի վեր նվազել է 35 անգամ: Այս մասին այսօր՝ հուլիսի 26-ին մամուլի ասուլիսում ասաց Հայաստանի անվտանգության խորհրդի քարտուղար Արմեն Գրիգորյանը։

«Արտագաղթը մեր անվտանգության միջավայրի ամենալուրջ սպառնալիքներից մեկն է, որը բացասաբար է ազդում առաջին հերթին բանակի վրա։ Մենք փորձում ենք հասկանալ, թե որոնք են այն ճանապարհները, որոնցով կկարողանանք լուծել խնդիրը: Այս հարցի լուծումը բազմաշերտ է և մեկ գործոնով լուծելու հնարավորություն չկա»,– նշեց Գրիգորյանը։

Գրիգորյանի խոսքով` այս թեմայի շուրջ ընթացել են բազմաթիվ քննարկումներ, այդ թվում` վարչապետ Նիկոլ Փաշինյանի մասնակցությամբ։ Ամենաբարձր մակարդակում քննարկվում է նաև ծնելիությունը բարձրացնելու հարցը։

Նա նշեց, որ դրական դինամիկայի մասին վկայում են ոչ միայն Ռուսաստանի վերաբերյալ թվերը («Ռուսաստանի տնտեսական իրավիճակի մոնիտորինգը», որն արձանագրում է Հայաստանից Ռուսաստան միգրանտների աճը), այլ նաև Հայաստանի կառավարության հրապարակած տվյալները։

«Ցուցանիշներից մեկը վկայում է, որ 2015թ.-ի համեմատ արտագաղթը նվազել է 35 անգամ»,-ասաց Գրիգորյանը։

Գրիգորյանի խոսքով՝ 2018թ.-ի վերջին Հայաստանից մեկնողների և Հայաստան ժամանողների ցուցանիշում  դրական սալդո է գրանցվել, բայց ասել, որ ներգաղթ է եղել՝ դեռ վաղ է, քանի որ անհրաժեշտություն կա ուսումնասիրելու և  հասկանալու՝ այդ մարդիկ որպես զբոսաշրջի՞կ են եկել, թե՞ հաստատվելու:

Անվտանգության խորհրդի քարտուղարի խոսքով՝ այդ ուղղությամբ աշխատանք է տարվում, օրինակ՝ Լիբանանի հայերը ցանկություն են հայտնել տեղափոխվել Հայաստան։ Ավելացել է նրանց թիվը, ովքեր ցանկանում Հայաստանի քաղաքացիություն են ստանալ։

Ամեն դեպքում, զարգացման միտումները դրական են։

Արտագաղթի գումարները մեր քաղաքացիները ծախսում են Հայաստանում տնավորվելու վրա. Փաշինյան

Ըստ թեմայի

Բնակչությունը միայն Երևանում է աճում․ որքան մարդ է «խլել» արտագաղթը 2017 թվականին
Հայ ժողովրդի արտագաղթի հազարամյա անիվն ի վերջո պետք է կանգ առնի և ետ պտտվի. Նիկոլ Փաշինյան
Հայերի արտագաղթը և հնդիկների ներգաղթը. 2019թ-ի կանխատեսումներ
«Ուզո՞ւմ են արտագաղթենք». գրավատների համար պետտուրքը նախատեսում են ավելացնել 60 անգամ
թեգերը:
արտագաղթ, Հայաստան, Անվտանգության խորհուրդ, Անվտանգության խորհրդի քարտուղար, Արմեն Գրիգորյան

Գլխավոր թեմաներ