09:58 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Արտակ Մարկոսյան

Մարկոսյան. «Մենք կանգնած ենք խնդրի առաջ. այո՛, դեպոպուլյացիա սպասվում է»

© Photo: Facebook / Artak Markosyan
Հասարակություն
Ստանալ կարճ հղումը
53 0 0

Ժողովրդագետ Արտակ մարկոսյանը կարծում է, որ Հայաստանը կանգնած է դեմոգրաֆիական լուրջ խնդրի առաջ։ Ժամանակն է, որ պետությունը քայլեր ձեռնարկի, որպեսզի մեր երկրում մահացողների թիվը ծնվածներին չգերազանցի։

Հայաստանի Հանրապետությունում ծնելիության նվազման խնդիրը առաջ է եկել հիմնականում արտագաղթի, գյուղերն անտեսելու և այլ պատճառներով։ Այս մասին Sputnik Արմենիայի հետ զրույցում ասաց  ժողովրդագրագետ Արտակ Մարկոսյանը:

«Նախորդ ժամանակահատվածում շատ անբարենպաստ ժողովրդագրական իրավիճակ ենք ունեցել՝ անկախությունից ի վեր ամբողջությամբ խախտվել է բնակչության սեռատարիքային կազմը։ Այսօր գյուղական բնակավայրերում ծննդյան գումարային գործակիցը ավելի ցածր է քան քաղաքում»,- նշեց նա։

 Մարկոսյանի խոսքով` 2017 թվականի տվյալներով` Հայաստանում ծնելիության գումարային գործակիցը 1.575 է, այսինքն`մեկ կինը միջինում այդքան երեխա է ծնում, սակայն անրաժեշտ է 2.150, որպեսզի հաջորդ սերունդը ծնողից շատ վերարտադրություն ապահովի:

«Մենք կանգնած ենք խնդրի առջև՝ այո՛, դեպոպուլյացիա սպասվում է, որովհետև ամուսնական տարիք է մուտք գործել նախորդ դարի 90-ականների սերունդը, իսկ այդ տարիներին ծնելիության մակարդակը զգալիորեն ցածր էր։ Այժմ մահացողների թիվը կարող է գերազանցել ծնունդներին։ Այս դեպքում անհրաժեշտ է, որ պետությունը միջամտի՝ ծնելիությունը խրախուսող ծրագրերով»,- ասաց նա։

Ըստ վիճակագրության՝ Հայաստանում 41% ծնելիության անկում է գրանցվել, այսինքն` եթե 1982-1992թթ. միջին հաշվով ծնվել է 77.000 երեխա, ապա 1992-2002թթ.՝ 46.000 երեխա:

Ո՞ր մասնագետներն են ամենապահանջվածը շուկայում. ՀՀ 4 մարզում երիտասարդներին կվերապատրաստեն

Հիշեցնենք` ՄԱԿ-ի բնակչության հիմնադրամի զեկույցում նշված է, որ մինչև 2050 թվականը Հայաստանի բնակչության թիվը կպակասի 150.000-ով:

Ըստ թեմայի

Հայաստանի ամենաաղքատ մարզը Շիրակն է
Ի՞նչ է պետք երջանիկ կին լինելու համար․ Լիլիթ Մուրադյանը նոր լուսանկար է հրապարակել
Հոգեկան խանգարումներով անձինք բանակ չեն զորակոչվի. ՊՆ–ն ուղղեց սխալը
թեգերը:
ծնելիություն, հայեր, Հայաստան

Գլխավոր թեմաներ