17:44 19 նոյեմբերի 2019
Ուղիղ եթեր
  • USD476.98
  • GBP617.88
  • EUR527.92
  • RUB7.49
Ստենտավորում

Վանաձորի ԲԿ-ում կատարվել է սրտի առաջին ստենտավորումը

© Sputnik / Арам Нерсесян
Հասարակություն
Ստանալ կարճ հղումը
43 0 0

Հայաստանի հյուսիսի բնակիչներն այլևս կարիք չեն ունենա սրտի վիրահատության համար Երևան հասնելու։

ԵՐԵՎԱՆ, 27 հուլիսի - Sputnik. Վանաձորի ԲԿ-ում այսօր կատարվել է սրտի առաջին ստենտավորումը։ 

Այս մասին Facebook սոցիալական կայքի իր էջում գրել է ՀՀ առողջապահության նախարար Արսեն Թորոսյանը։

«Վանաձորի ԲԿ-ում հենց նոր կատարվեց սրտի առաջին ստենտավորումը։ Այսուհետ ինվազիվ սրտաբանական ծառայությունները հասանելի կլինեն Հայաստանի հյուսիսի բնակիչների համար և կարիք չի լինի դրա համար գալ Երևան»,–գրել է նա։

Նախարարը նաև հայտնել է, որ սրտի վիրահատությունը պետպատվերի շրջանակներում կլինի անհետաձգելի Stent for Life ծրագրով, ինչպես նաև սոցիալական հատուկ խմբերի քաղաքացիների համար։

Հիշեցնենք, որ Stent for life ծրագիրը Հայաստանում գործում է 2015թ.-ի հունվարից: Ծրագրի չափանիշներին համապատասխանող հիվանդները ծրագրի շրջանակում (հիվանդը պետք է տարած լինի սրտամկանի ST ինֆարկտ, որը համարվում է սուր ինֆարկտի ամենածանր տեսակը՝ հայտնի որպես լայնածավալ ինֆարկտ) կարող են պետպատվերով ստենտավորում ստանալ, որը նրանց կյանքը կարող է փրկել: Ծրագրի մասնակիցներ կարող են դառնալ սոցիալական խմբերում ընդգրկված անձինք, որոնք անվճար բուժսպասարկման, այդ թվում՝ ստենտավորման իրավունք ունեն:

Ծրագիրը մեկնարկել էր Երևանի 4 բժշկական կենտրոններում, հետո ներգրավվել են այլ կլինիկաներ ևս, այդ թվում`  մարզային կլինիկաները:

Մասնագետները պնդում են, որ այդ ծրագրի ներդրումից հետո Հայաստանում ինֆարկտից մահացությունը նվազել է:

 

Ըստ թեմայի

Աղաջանյան. «Գլխուղեղի սուր և ենթասուր իշեմիկ կաթվածների բուժումը կիրականացվի պետպատվերով»
Բուհերում պետպատվերի տեղերը սահմանվում են «ավանդույթով»
Հիվանդի գրպանն ամբողջությամբ չի դատարկվի. ի՞նչ արժե ստենտավորումը
Երբ ստենտ է ներկրում շարքային քաղաքացին. Օրենսդրական բացի հետևանքները
թեգերը:
Արսեն Թորոսյան, սրտի ստենտավորում, Վանաձորի ԲԿ

Գլխավոր թեմաներ