03:25 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Բողոքի ակցիա՝ ընդդեմ ԼԳԲՏ համայնքի

Կոնվենցիան վտանգի տակ չի առնում ազգային ավանդույթներն ու արժեքները. նախարարություն

© Photo : Tatevik Azaryan
Հասարակություն
Ստանալ կարճ հղումը
Ստամբուլյան կոնվենցիա (19)
94 0 0

ՀՀ արդարադատության նախարարությունը կոչ է անում չտրվել մանիպուլյացիաների, ժամանակ գտնել ու կարդալ Ստամբուլյան կոնվենցիան:

ԵՐԵՎԱՆ, 29 հուլիսի - Sputnik. Կառավարությունը դիմելու է Սահմանադրական դատարան՝ միջազգային պայմանագրում ամրագրված պարտավորությունների՝ Սահմանադրությանը համապատասխանությունը որոշելու նպատակով:

Այս մասին հայտարարություն է տարածել ՀՀ արդարադատության նախարարությունը՝ նշելով, որ կոնվենցիայի շուրջ առաջացած մեծ հետաքրքրությունը հաշվի առնելով՝ հարկ են համարում պարբերաբար պարզաբանել թեման:

Եվ այսպես՝ Արդարադատության նախարարությունը հանրությանը հավաստիացնում է, որ Կոնվենցիան որևէ կերպ չի հակասում Սահմանադրությամբ նախատեսված ընտանիքի կամ սեռերի կոնցեպտին, Կոնվենցիան չի կարգավորում ընտանեկան կյանքը կամ ընտանիքի կառուցվածքը, և որևէ պետություն պարտավոր չէ ըստ Կոնվենցիայի փոխել ընտանիքի մասին ավանդական պատկերացումները:

Կոնվենցիան միմիայն նշում է, որ ավանդույթները, մշակույթը և կրոնը չեն կարող կանանց նկատմամբ բռնությունն արդարացնելու հիմք հանդիսանալ։

Նշենք, որ Կոնվենցիան ուժի մեջ է մտել 2014 թվականի օգոստոսի 1-ին, Հայաստանի կողմից այն ստորագրվել է 2018թ. հունվարի 18-ին։

«Ընդհանրապես, այս կոնվենցիայի մասին խոսելիս, պետք է նկատի ունենալ, որ ՀՀ Սահմանադրության 86-րդ հոդվածով ամրագրված է, որ ՀՀ պետական քաղաքականության հիմնական նպատակներից է կանանց և տղամարդկանց միջև փաստացի հավասարության ապահովումը։

Այս տրամաբանությամբ ՀՀ կառավարության 16 մայիսի 2019 թվականի N 650–Լ որոշմամբ հաստատված հնգամյա միջոցառումների ծրագրի 11-րդ կետով նախատեսվել է «Կանանց նկատմամբ բռնության և ընտանեկան բռնության կանխարգելման և դրանց դեմ պայքարի մասին» ԵԽ կոնվենցիայի վավերացման գործընթացի կազմակերպումը։

Ուստի, Կոնվենցիայի վավերացման գործընթացի համար պատասխանատու գերատեսչություններն արդեն իսկ սկսել են տվյալ գործընթացը՝ ինչպես դա պահանջվում է «Միջազգային պայմանագրերի մասին» ՀՀ օրենքով»-նշվում է ՀՀ արդարադատության նախարարության հայտարարության մեջ։

Գերատեսչությունից վստահեցնում են, որ մինչ Ազգային ժողովի վավերացմանը ներկայացնելը, Կառավարությունը, Սահմանադրության 169-րդ հոդվածի 3-րդ մասի համաձայն, դիմելու է Սահմանադրական դատարան՝ միջազգային պայմանագրում ամրագրված պարտավորությունների՝ Սահմանադրությանը համապատասխանությունը որոշելու նպատակով:

«Կարծում ենք, որ «ավանդույթների պահպանությանը» միտված արշավն ընդամենը հանրությանը մոլորության մեջ դնելու փորձ է՝ անկախ այդ փորձերի իրական նպատակների տարբերությունների»-նշում են նախարարությունից։

Միաժամանակ, արդարադատության նախարարությունն օգտակար է համարել ստանալ նաև Եվրոպայի Խորհրդի սահմանադրական հարցերով մասնագիտացված խորհրդատվական կառույցի՝ Վենետիկի հանձնաժողովի կարծիքը մեր Սահմանադրության տեսանկյունից Կոնվենցիայի վավերացման ազդեցության հարցի վերաբերյալ (constitutional implication of the Convention) և հատկապես շահարկվող հարցերին անդրադառնալու տեսանկյունից։ Կարծիքը ստանալուն պես այն կհանրայնացվի։

Մինչ այդ, նախարարությունn առաջարկում է օգտվել հայտարարությանը կից տեղադրված հակափաստարկների տեղեկանքից, որը շարունակվում է լրացվել՝ ներառելով հակափաստարկներ նոր շրջանառվող փաստարկների վերաբերյալ։

ՀՀԿ–ն նախկինում ինչ–որ չէր հիշում ԼԳԲՏ համայնքի մասին. Փաշինյան

թեմա:
Ստամբուլյան կոնվենցիա (19)

Ըստ թեմայի

Դանիելյան. «Ստամբուլյան կոնվենցիայի վավերացմամբ կարող ենք ունենալ ծայրահեղ զարգացումներ»
Եթե Ստամբուլյան կոնվենցիան վավերացվի, այս իշխանությունը կտապալվի. Սարգսյան
Միասեռ ամուսնությունից մինչև ծառայությունից խուսափել. Ստամբուլյան կոնվենցիայի վտանգները
Ստամբուլյան կոնվենցիայի հարցով նախարարը դիմել է Վենետիկի հանձնաժողովին
Զոհրաբյան. «Մեր կոչը վարչապետին, ՍԴ-ին, ԱԺ-ին՝ մերժել Ստամբուլյան կոնվենցիայի վավերացումը»
Բադալյան. «Ստամբուլյան կոնվենցիան PR զենք է իշխանության և ընդդիմության համար»
թեգերը:
ԼԳԲՏ, ՀՀ արդարադատության նախարարություն, Ստամբուլյան կոնվենցիա

Գլխավոր թեմաներ