12:24 14 նոյեմբերի 2019
Ուղիղ եթեր
  • USD477.46
  • GBP613.63
  • EUR526.02
  • RUB7.42
Սոուս

Հայ խոհարարը ձեռնոց է նետել «պեստոյին». «Հայկական թավիշը» կհայտնվի վաճառասեղանին

CC0 / Einladung_zum_Essen / Soup
Հասարակություն
Ստանալ կարճ հղումը
27110

Չի բացառվում, որ «հայկական թավիշ» կոչվող սոուսը շուտով դրվի ոչ միայն Հայաստանի, այլև Եվրոպայի վաճառասեղաններին։

ԵՐԵՎԱՆ, 30 հուլիսի — Sputnik. Հայաստանում մարտահրավեր են նետել հայտնի իտալական «պեստո» սոուսին և սեփականը ստեղծել` անվանելով «հայկական թավիշ»։ Սոուսի հեղինակը շեֆ խոհարար Արթուր Ազատյանն է։ Նա համոզված է` հայկական սոուսը իտալականին չի զիջում, և հուսով է, որ իր «ստեղծագործությունը» մոտ ապագայում կգրավի ոչ միայն Հայաստանի, այլև «դրսի» վաճառակետերը։

«Հայկական թավիշը» բաց կանաչ սոուս է, որը պատրաստում են 7 մթերքից։ Արտաքուստ հիշեցնում է իտալական «պեստո» սոուսը։ Բաղադրությունը` թարխուն, ֆետա պանիր, մայրի ծառի ընկույզներ, առանց կորիզի կանաչ ձիթապտուղ, նշի զտված յուղ, սխտոր, լայմի հյութ։

«Սոուսն իր որակով ոչնչով չի զիջում պեստոյին։ Այն կարելի է մատուցել բանջարեղենի, ձկան հետ։ Միակ բանը, որ չի կարելի անել, ջերմային մշակման ենթարկելն է, քանի որ սոուսը կարող է փոխել համը», – Sputnik Արմենիային ասաց Ազատյանը։

Սոուսը պատրաստելու համար պետք է մի փոքր տապակել ընկույզը և հարել մյուս բաղադրիչների հետ, մինչև միասեռ զանգվածի վերածվի։ Ազատյանն արդեն պատենտավորել է իր արտադրանքը և մտադիր է սկզբում ներառել որոշ հաստատությունների ճաշացանկում, իսկ հետո բաղադրատոմսը վաճառել նրան, ով կստանձնի սոուսի արտադրությունը։

Ի դեպ, սոուսի անվանումը պատահական չէ։ Այն նվիրված է 2018 թվականի ապրիլ–մայիս ամիսներին տեղի ունեցած «թավշյա հեղափոխությանը»։ Այստեղից էլ անվանումը` «հայկական թավիշ»։

Սա Ազատյանի արդեն երկրորդ նման փորձն է։ Իր առաջին սոուսը նա պատենտավորել է 2017 թվականին և անվանել կնոջ` Տաթևի պատվին։ Այն պատրաստելու համար օգտագործում են ծիտրոն, չինական ընկույզ, կիտրոնի հյութ, արևածաղկի չզտված յուղ, ընկույզի յուղ, աղ, չիլի պղպեղ։

««Տաթև» սոուսն անհնար է ուտել գդալներով։ Ավելի հարմար է ուտել մանանեխի պես», – պարզաբանում է Ազատյանը։

Ազատյանը Հայաստանում առաջին շեֆ խոհարարներից է, որ պատենտավորել է իր սոուսը։ Նրանից առաջ միայն «Հայկական խոհարարական ավանդույթների զարգացում և պահպանում» ՀԿ նախագահ Սեդրակ Մամուլյանն էր ֆիրմային սոուս ստեղծել և անվանել «Աշտարակ»։

Ազատյանը կարծում է, որ հայկական խոհարարության այս ուղղությունը վատ է ներկայացված։ Հիմնականում մեր խոհարարներն աշխատում են փոխառած սոուսներով։

Համով Հայաստան․ հեշտ պատրաստվում է, հեշտ` մարսվում. թեթև, ամառային և համեղ աղցան

Նա մտադիր է զարգացնել այս ուղղությունն ու աշխարհի խոհարարական քարտեզի վրա ավելացնել Հայաստանը։

«Այս ոլորտում աշխատելու ընթացքում մշտապես բախվել եմ մի խնդրի, այն է` հայրենական սոուսների պակասը։ Այդ պատճառով էլ որոշեցի իմ լուման ներդնել», – ասաց Ազատյանը։

Ազատյանը վերջին երեք տարիներին է շեֆ խոհարար աշխատում։ Առաջին մասնագիտությամբ երաժիշտ է։ Սովորել է Երևանի պետական կոնսերվատորիայում, բայց հիմա շեղվել է երաժշտական ճանապարհից և լիովին նվիրվել խոհարարությանը։

Համով Հայաստան. այսպիսի տոլմա չեք համտեսել. ավանդական ուտեստը` ոչ ավանդական բաղադրատոմսով

Ըստ թեմայի

Մուրազաբեր ձվիկներ, ավանդական խորոված, ջենգյալով հաց ու ոչ միայն. «Ուտեստ ֆեստը» Երևանում
«Խմում ես, հետո էլի ես խմում». Միշա Գալուստյանը Սևանում լողալու իր մեթոդն ունի
Հայկական խոհանոցը կարող է մի ամբողջ ճանապարհորդության առիթ դառնալ. ռուսական պարբերական
թեգերը:
սոուս, հայ, խոհանոց, խոհարար, Հայաստան

Գլխավոր թեմաներ