ԵՐԵՎԱՆ, 30 հուլիսի — Sputnik. ՀՀ վարչապետ Նիկոլ Փաշինյանը ընտանիքի հետ շարունակում է իր հանգիստը։ Նա, Facebook-յան իր էջում նկարներ հրապարակելով, հետևորդներին պարբերաբար տեղեկացնում է, թե որտեղ և ինչպես է վայելում արձակուրդը։
«Մեր ավանդական տեղում փոքրիկ սիմինդ փարթի արեցինք»,–Տավուշի անտառոտ ճանապարհներին 06–ի կողքին եգիպտացորեն ուտելիս արված նկարի տակ բարբառային գրառում է արել Փաշինյանը:
Օգտատերերից ոմանք, նկատելով փոքրիկ Արփիի լուրջ կեցվածքը, ենթադրել են, որ աղջկան եգիպտացորեն չի հասել, ու նա նեղացել է։
Հիշեցնենք, որ այսօր Փաշինյանը մեկ նկար ևս հրապարակել էր` գրելով, որ արձակուրդի այս օրերին վայելում է երբեմնի կյանքի հաճույքները` ընտանիքով տեղաշարժվելով իրենց «բարի» «Nissan Qashqai»-ով»։
Հիշեցնենք` ՀՀ վարչապետ Նիկոլ Փաշինյանն արձակուրդում է լինելու հուլիսի 22-ից մինչև օգոստոսի 2-ը։
