16:32 08 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Հասարակություն
Ստանալ կարճ հղումը
213 0 0

Սևանի էնդեմիկ ձկնատեսակների պոպուլյացիան գրեթե զրոյի է հասցվել, ինչը հանգեցրել է լճի էկոլոգիական շղթայի խախտմանը։

ԵՐԵՎԱՆ, 31 հուլիսի — Sputnik. Սևանա լճի էկոհամակարգի վերականգնումը համալիր մոտեցում է պահանջում։ Պատկան մարմինները դեռ վճռական քայլերի չեն դիմել, նրանց գործողությունները կիսատ են ու թույլ չեն տալիս հուսալ, որ այդ խնդիրը կլուծվի։ Այս մասին այսօր կայացված մամուլի ասուլիսի ժամանակ ասաց «Հայ ձկնարտադրողների և ձկնարտահանողների միություն» հասարակական կազմակերպության նախագահ Արթուր Աթոյանը։

Նրա ղեկավարված կազմակերպությունը տարիներ շարունակ զբաղվում է Սևանի էնդեմիկ ձկնատեսակների պոպուլյացիայով, բարձրաձայնում է արդիական խնդիրները, որոնք կապված են տարածաշրջանում խոշորագույն քաղցրահամ ջրի պաշարի էկոհամակարգի հետ։

Աթոյանը կարծում է, որ ջրի աղտոտումը, ջրիմուռների մեծ քանակը, որի պատճառով լիճը մի քանի շաբաթ առաջ կանաչել էր, ձկնային պաշարների կրճատման հետևանքով է նաև։ Հայտնի է, որ մոտակա բնակավայրերի կոյուղաջրերը լիճն են թափվում։

Ովքեր են թույլ տվել Սևանից սիգ արդյունահանել. ԱԱԾ–ի բացահայտումը

 

Այդ ջրերի մեջ պարունակվող միկրոօրգանիզմները լավ սնունդ են ձկների որոշ տեսակների, մասնավորապես` իշխանի, բեղլուի համար։ Սակայն այդ տեսակների պոպուլյացիան վերջին տարիներին գրեթե ոչնչացել է, ինչը հանգեցրել է լճի էկոլոգիական շղթայի խախտմանը։ Նրա կարծիքով` ևս մեկ խնդիր է ցանցավանդակային ձկնաբուծությունը։ Ձկնաբուծական ցանցերի մնացորդները (դրանք քիմիապես տարբեր նյութերից ու միացություններից են) նստում են լճի հատակին, ինչը նույնպես հանգեցնում է աղտոտման։

Փորձագետները կոչ են անում արգելել ցանցավանդակային ձկնաբուծությունն ու նախևառաջ զբաղվել ձկան պաշարների վերականգնմամբ։

Այս տարի կրկին «ծաղկած» Սևանա լճի վիճակն անհանգստացրել է բնապահպաններին, նրանք պահանջում են փրկել լիճը։ Փորձագետները կարծում են, որ լիճը գույնը փոխել է կապտականաչավուն ջրիմուռների ծաղկելու հետևանքով։ Որպես մեկ այլ պատճառ նրանք նշում են ջրի մակարդակի իջեցումը։ Անոմալ գործընթացները հանգեցրել են զբոսաշրջիկների քանակի պակասին։ Դա իր հերթին մասնավոր լողափների սեփականատերերի դժգոհության առիթ է դարձել։

Ըստ թեմայի

Սևանը վերականգնելն անիրական չէ. 4 քայլ, որը կփրկի լիճը
Ինչո՞ւ է Սևանը «ծաղկում». պատճառներն ու հետևանքները
Սևանը երես է թեքել իրեն աղտոտողներից. ով է ավելի շատ տուժում լճի կանաչ գույնից
թեգերը:
ձուկ, Սևանա լիճ, Սևան, Հայաստան

Գլխավոր թեմաներ