05:49 16 նոյեմբերի 2019
Ուղիղ եթեր
  • USD477.57
  • GBP614.78
  • EUR526.28
  • RUB7.48
Ստեփանակերտ, Ստեփան Շահումյանի հանրապետական մարզադաշտ

Մուսա լեռում վառված ջահը հասավ Արցախ. Ստեփանակերտում մեկնարկեց «Համահայկական խաղեր»-2019

© Photo: Facebook / Andrey Ghukasyan
Հասարակություն
Ստանալ կարճ հղումը
140 0 0

Ստեփանակերտում մեկնարկած խաղերի ավարտը կազդարարվի Երևանում։ Համահայկական խաղերի խորհրդանշական ջահն անցել է նաև Հայաստանի պատմական մայրաքաղաքներով։

ԵՐԵՎԱՆ, 6 օգոստոսի — Sputnik. Ստեփանակերտում՝ Ստեփան Շահումյանի անվան հանրապետական մարզադաշտում, հանդիսավոր արարողությամբ տրվեց Համահայկական ամառային 7-րդ խաղերի մեկնարկը։ Բացման արարողությանը մասնակցում են Հայաստանի ու Արցախի ղեկավարները, կառավարության ու խորհրդարանի անդամները։

Համահայկական 7-րդ խաղերի ջահն այս տարի վառվել է Կիլիկիո թագավորության հերոսական վայրերից մեկում՝ Մուսա լեռան գագաթին` ներկայիս Թուրքիայի տարածքում, Միջերկրական ծովի ափին։

Այստեղից համահայկական մարզական միասնությունը խորհրդանշող ջահն անցել է պատմական Հայաստանի Վան, Անի, Մուշ, Իգդիր և Ղարս քաղաքներով, որոնց քաղաքապետերը նույնպես հրավիրվել են  ներկա գտնվելու Համահայկական խաղերին։

Մուշ-Անի ճանապարհին պատվիրակության անդամները համահայկական խաղերի ջահը խոնարհել են հայ ազգային –ազատագրական շարժման հերոս Գևորգ Չաուշի գերեզմանին, ապա փոխանցավազքով հասել Արցախի մայրաքաղաք Ստեփանակերտ։

Համահայկական խաղերի առաջին 3 օրը մրցումները կանցկացվեն Արցախի մայրաքաղաք Ստեփանակերտում, օգոստոսի 9-17-ը՝ Երևանում: Փակումը տեղի կունենա օգոստոսի 17-ին` Երևանի Ազատության հրապարակում:

Համահայկական խաղերն այս տարի ընդգրկում են 17 մարզաձև։

Հիշեցնենք` Համահայկական առաջին խաղերի կրակը Գառնիի հեթանոսական տաճարից փոխանցավազքով Երևանի Հրազդան մարզադաշտ էր բերվել 1999 թվականի օգոստոսին ու վառվել օլիմպիական խաղերի չեմպիոն Ալբերտ Ազարյանի ձեռամբ։

Հայաստանի և Սփյուռքի միջև կապն ամրապնդելու մարզական մտահղացումը ծնվել էր դեռ ԽՍՀՄ տարիներին, բայց քաղաքական իրադարձությունները, ԽՍՀՄ փլուզումն ու արցախյան պատերազմը հետաձգեցին դրա իրականացումը։

Առաջին համահայկական խաղերն անցկացնելու որոշումն ընդունվեց 1999թ.–ին` Վազգեն Սարգսյանի վարչապետության օրոք։

Առաջին խաղերին մասնակցում էր 23 երկրների 1141 մարզիկ։

Պետք է կարողանանք համահայկականության գաղափարն ավելի ընդլայնել. Նիկոլ Փաշինյան

Համահայկական վեցերորդ խաղերին արդեն մասնակցում էր 6000 մարզիկ. նրանք մրցեցին 17 մարզաձևերում:

Առաջին երեք խաղերը անցկացվել  են երկու տարին մեկ անգամ, ապա`խաղերի անցկացման պարբերականությունը դարձել է չորս տարին մեկ։

Ձմեռային խաղեր են անցկացվում 2014թ.–ից սկսած։

Ըստ թեմայի

«Արցախն ու արցախցին շատ լավ գիտեն, թե ինչ է հաղթանակը». նախագահի ուղերձը
Փաշինյանը մի քիչ ճոխացրել է Սերժ Սարգսյանի խոստումները. Բադալյանը` վարչապետի ելույթի մասին
Նիկոլ Փաշինյանն իր գրած բանաստեղծությունը կարդաց Արցախում
Փաշինյանը Ստեփանակերտում հայտարարեց` Արցախը Հայաստանն է, և վերջ
թեգերը:
Արմեն Սարգսյան, Համահայկական խաղեր, Արցախ, Հայաստան

Գլխավոր թեմաներ