09:12 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Երևանի քաղաքապետարան, արխիվային լուսանկար

Բողոքի ակցիա Երևանի քաղաքապետարանի դիմաց. ոստիկանությունը 3 քաղաքացու է բերման ենթարկել

© Sputnik / David Galstyan
Հասարակություն
Ստանալ կարճ հղումը
53 0 0

Հանրահավաքի նախաձեռնողը ավագանու նախկին անդամ Սոնա Աղեկյանն է, որը վստահեցնում է`քաղաքապետարանը ոչինչ չի անում աղբահանության հարցը լուծելու համար։

ԵՐԵՎԱՆ, 8 օգոստոսի — Sputnik. Մի քանի տասնյակ մարդիկ այսօր առավոտյան հավաքվել էին Երևանի քաղաքապետարանի դիմաց ու պահանջում էին լուծել աղբահանության խնդիրը։

Հանրահավաքի նախաձեռնողը ավագանու նախկին անդամ Սոնա Աղեկյանն էր։ Նրա խոսքով` քանի դեռ քաղաքը թաղված է աղբի մեջ, քաղաքապետարանն անգործության է մատնված։

Ավելի ուշ ակտիվիստների ու ոստիկանների միջև վիճաբանություն ծագեց։

Sputnik Արմենիայի թղթակցի հետ զրույցում ոստիկանության մամուլի ծառայությունից հայտնեցին, որ երեք մարդու բերման են ենթարկել։

«Նրանցից մեկը բերման է ենթարկվել ոստիկանության պահանջներին չենթարկվելու համար, երկուսը` ծեծի կասկածանքով», – նշեցին ոստիկանությունում։

Հիշեցնենք` Երևանում աղբահանության խնդիրը սրվեց անցած տարվա ամռանը։ Աղբահանությամբ զբաղվող «Սանիթեք» ընկերությունը մի քանի անգամ տուգանվեց, բայց հարցն այդպես էլ չլուծվեց։

Ապրիլի 18–ի կառավարության նիստում վարչապետ Նիկոլ Փաշինյանը քաղաքապետ Հայկ Մարությանից բացատրություն պահանջեց աղբահանության վիճակի համար։ Վերջինս, ներկայացնելով իրավիճակը, խնդրեց թույլ տալ կազմակերպել աղբատարների գնման լրացուցիչ գործընթաց։

Հուլիսի սկզբին հայտնի դարձավ, որ ընկերությունը դատի է տվել Երևանի քաղաքապետարանին` պահանջելով վերադարձնել որպես տուգանք վճարած գումարը։

Աղբը թափիր ու բոնուս ստացիր. Երևանում ուզում են «խելացի» աղբամանների նախագիծ գործարկել

«Սանիթեքը» մտադիր է միջազգային արբիտրաժային դատարան դիմել, եթե քաղաքապետարանը չհամաձայնվի ճգնաժամի կարգավորման իր պայմաններին։

Աղբարկղ ունենալը՝ համաքաղաքային ուրախություն. երևանցիներին երջանկացնելու նուրբ արվեստը

Ըստ թեմայի

«Կամազային» տենդեր և աղբով լցված Երևան. քաղաքապետարանը խնդիրը կրիտիկականի է հասցրել
Հայկ Մարությանը կրկին խոստանում է մաքրել աղբը. Երևանը աղբահանության նոր մարմին կունենա
Աղբահանությունից մինչև բնակֆոնդ. Երևանի նախկին քաղաքապետը` խնդիրների և մեղավորների մասին
թեգերը:
Բողոքի ակցիա, Ոստիկանություն, Երևանի քաղաքապետարան, Հայաստան

Գլխավոր թեմաներ