09:14 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Մեծամորում Ապրիլյան քառօրյայի զոհերի հիշատակը հավերժացնող հուշակոթողի բացման հանդիսավոր արարողությունը

«Ես Սաշին խոսք եմ տալիս...». Մեծամորում Ապրիլյանի զոհերին նվիրված հուշարձան բացվեց

© Sputnik / Asatur Yesayants
Հասարակություն
Ստանալ կարճ հղումը
261 0 0

Ապրիլյան քառօրյայի զոհերից Սաշա Գալստյանի հայրն ասում է, որ բանակին տվել է 1 տղա, «վերցրել» 106–ին։

ԵՐԵՎԱՆ, 12 օգոստոսի - Sputnik. Ապրիլյան քառօրյայի զոհերից Սաշա Գալստյանի տան առջև` Մեծամորում, այսօր բացվեց Ապրիլյան քառօրյայի զոհերի հիշատակը հավերժացնող հուշակոթող։ Հուշակոթողի բացման օրը պատահական չի ընտրվել. Սաշան այսօր կդառնար 23 տարեկան։

Открытие памятника героям апрельской войны (12 августа 2019). Мецамор
© Sputnik / Asatur Yesayants
Ապրիլյան քառօրյայի զոհերի հիշատակը հավերժացնող հուշակոթողը՝ Մեծամորում

Հերոսի հայրը` Վաչագան Գալստյանը նշեց, որ հուշարձանը, ճիշտ է, իրենց տան առջևում է, սակայն այն Ապրիլյան քառօրյայի բոլոր զոհերի հիշատակն է հավերժացնում։

«Սաշայի ֆիզիկապես կենդանության օրոք ես մեկ տղա ունեի, իսկ նրա ու տղաների զոհվելուց հետո` բոլորն իմն են։ Սաշան մենակ չի արել իր գործը, և ես չէի կարող անել մի բան, որտեղ իր եղբայրների անունները չլինեին։ Միակ բանը, որ պետք է անեմ եզակիորեն իր համար` իր շիրմաքարն է։ Այսօր Սաշան իմ տղան չէ, ազգի տղան է, ու նույն ձևով` մնացած տղաներն իմն են»,–ասաց նա։

Отец Саши Галстяна Вачаган на открытии памятника героям апрельской войны (12 августа 2019). Мецамор
© Sputnik / Asatur Yesayants
Ապրիլյան պատերազմում զոհված Սաշա Գալստյանի հայրը՝ Վաչագան Գալստյանը

Վաչագան Գալստյանի խոսքով` ինքը մեկ տղա է տվել Զինված ուժերին, վերցրել` 106 տղա։ Հենց միասնությունն էլ, ըստ նրա, մեր ազգի հիմքն է: Պետք է մտածենք ընդհանուրի շահի մասին։ Սաշայի հայրն ասում է, որ իր տղան էլ է այդպես վարվել` արհամարհել է սեփական անձի շահն ու ընտրել  ընկերների մեջքը պահելու տարբերակը։

Նախկինում երազելով էի ապրում. զրույց` ապրիլյան քառօրյայի մասնակից Սաշա Գալստյանի մոր հետ

Հուշարձանի բացմանը մասնակցում էին նաև Ապրիլյան քառօրյային զոհված մյուս տղաների ծնողները։ Նրանցից «Կապանցի Նորոյի»` Նորայր Գալստյանի մայրը` Նունե Աթաջանյանը, նշեց, որ շնորհակալ է Սաշա Գալստյանի ընտանիքին, որ հուշարձանի միջոցով Սաշայի գլխավորությամբ հավերժացնում են 106 տղաների հիշատակը։

Мама Норайра Гаспаряна Нуне Атаджанян на открытии памятника героям апрельской войны (12 августа 2019). Мецамор
© Sputnik / Asatur Yesayants
«Կապանցի Նորոյի»` Նորայր Գալստյանի մայրը

Տիկին Նունեն նշեց, որ չնայած այսօր շատ հուզված է, բայց նաև հպարտ է, որ ապրեցնում են մեր զինվորներին։

Սաշայի մայրը` Սոֆի Գալստյանը, նշեց, որ տղան իր ծնունդը տոնել շատ էր սիրում ու միշտ խնջույք էր կազմակերպում։ Տիկին Սոֆին նշում է, որ տղայի զոհվելուց հետո երկու տարի ողբով է նշել Սաշայի ծննդյան օրը, սակայն այս տարի այլ կերպ է ամեն ինչ։

Мама Саши Галстяна Софи на открытии памятника героям апрельской войны (12 августа 2019). Мецамор
© Sputnik / Asatur Yesayants
Սաշա Գալստյանի մայրը` Սոֆի Գալստյանը

«Ես օրերս եմ Արցախից վերադարձել ու հպարտ եմ վերադարձել, քանի որ այնտեղ փողոցով քայլում էինք ու մեզ տեսնում–ասում էին` վայ, մեր զոհված տղաների ծնողը։ Ես Սաշին խոսք եմ տալիս, որ այսուհետ իր ծնունդներն ուրախ եմ դիմավորելու, քանի որ նա կա, նրանք Արցախում թևածում են»,–ասաց նա։

Խնդրում եմ, այնպես անես` մայրս չլացի. ապրիլյանի տղաներից Բագրատ Ալեքսանյանի վերջին տողերը

Ի դեպ, հուշարձանի քանդակագործը Արթուր Բաղդասարյանն է։ Հուշարձանը կյանքի է կոչվել Սաշայի հոր, նրա ընկերների ու Գալստյանների ընտանիքի բարեկամ Խորեն Քոթանջյանի աջակցությամբ։ Հուշարձանի բացման արարողությանը ներկա էր ՀՀ վարչապետ Նիկոլ Փաշինյանի կինը` Աննա Հակոբյանը, պաշտպանության փոխնախարար Գաբրիել Բալայանը և այլ բարձրաստիճան պաշտոնյաներ։

 

  • Մեծամորում Ապրիլյան քառօրյայի զոհերին նվիրված հուշարձանի բացման հանդիսավոր արարողությունը
    Մեծամորում Ապրիլյան քառօրյայի զոհերին նվիրված հուշարձանի բացման հանդիսավոր արարողությունը
    © Sputnik / Asatur Yesayants
  • Հուշարձանի քանդակագործ Արթուր Բաղդասարյանը
    Հուշարձանի քանդակագործ Արթուր Բաղդասարյանը
    © Sputnik / Asatur Yesayants
  • Մեծամորում Ապրիլյան քառօրյայի զոհերի հիշատակը հավերժացնող հուշակոթողը
    Մեծամորում Ապրիլյան քառօրյայի զոհերի հիշատակը հավերժացնող հուշակոթողը
    © Sputnik / Asatur Yesayants
  • Մեծամորում Ապրիլյան քառօրյայի զոհերի հիշատակը հավերժացնող հուշակոթողը
    Открытие памятника героям апрельской войны (12 августа 2019). Мецамор
    © Sputnik / Asatur Yesayants
  • Մեծամորում Ապրիլյան քառօրյայի զոհերի հիշատակը հավերժացնող հուշակոթողը
    Մեծամորում Ապրիլյան քառօրյայի զոհերի հիշատակը հավերժացնող հուշակոթողը
    © Sputnik / Asatur Yesayants
  • Մեծամորում բացվեց Ապրիլյան քառօրյայի զոհերի հիշատակը հավերժացնող հուշակոթող
    Մեծամորում բացվեց Ապրիլյան քառօրյայի զոհերի հիշատակը հավերժացնող հուշակոթող
    © Sputnik / Asatur Yesayants
  • Մեծամորում Ապրիլյան քառօրյայի զոհերի հիշատակը հավերժացնող հուշակոթողի բացման արարողությունը
    Մեծամորում Ապրիլյան քառօրյայի զոհերի հիշատակը հավերժացնող հուշակոթողի բացման արարողությունը
    © Sputnik / Asatur Yesayants
1 / 7
© Sputnik / Asatur Yesayants
Մեծամորում Ապրիլյան քառօրյայի զոհերին նվիրված հուշարձանի բացման հանդիսավոր արարողությունը

Ըստ թեմայի

«Ապրիլյան պատերազմն ինձ համար վերածնունդ էր ու մեծ ուսուցիչ». Ժորա Աֆրիկյան
Ապրիլյան քառօրյան. տեսանյութ՝ առանց մեկնաբանությունների
Բաց նամակ ՀՀ վարչապետ Նիկոլ Փաշինյանին` ապրիլյան պատերազմի հերոս Հրանտ Սարկիսովից
Ապրիլյան պատերազմի հանգամանքները կքննարկվեն փակ դռների հետևում
Ովքե՞ր են ՔՊ–ից մասնակցել ապրիլյան քառօրյային. բացահայտում է Փաշինյանը
թեգերը:
Մեծամոր, Հուշարձան, Ապրիլյան քառօրյա պատերազմ

Գլխավոր թեմաներ