15:53 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Դավիթ Տոնոյան

«Ինքն ուղղակի մոլորվել է». Տոնոյանը` Ադրբեջանի տարածք անցած զինվորի մասին

© Sputnik / Asatur Yesayants
Հասարակություն
Ստանալ կարճ հղումը
146 0 0

Պաշտպանության նախարար Դավիթ Տոնոյանը մեկնաբանել է Արցախում զինծառայողի հետ տեղի ունեցած միջադեպը։

ԵՐԵՎԱՆ, 13 օգոստոսի — Sputnik. Ադրբեջանական կողմ անցած զինծառայողն ամենայն հավանականությամբ, մոլորվել է։ Այդ մասին այսօր լրագրողներին ասաց Հայաստանի պաշտպանության նախարար Դավիթ Տոնոյանը «Միջազգային բանակային խաղեր-2019»–ի փակման արարողության ժամանակ։

Հիշեցնենք` Արցախի ՊԲ–ն հայտնել էր, որ օգոստոսի 12–ին ժամը 12:00-ի սահմաններում ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքներում, մարտական դիրքը լքել է զինծառայող, 2000թ. ծնված Արայիկ Ղազարյանը։

«Այս փուլում դեռ իրականացվում է հետաքննություն, ես անձամբ կարծում եմ, որ մեր զինծառայողը աշխարհագրորեն մոլորվել է»,- ասաց Տոնոյանը։

Ինչ վերաբերում է Բաքվի ԶԼՄ–ների հայտարարություններին` իբր  զինծառայողը ճնշումների է ենթարկվել զորամասում, Տոնոյանը կոչ արեց կուլ  չգնալ ադրբեջանական քարոզչամեքենային, առավել ևս՝ չտարածել այդ տեղեկությունները:

Տոնոյանի խոսքով`  զինվորի հոգեբանական վիճակի մասին դեռ վաղ է խոսել։

Նախարարը նշեց, որ արդեն դիմել են տարբեր կառույցների, այդ թվում` Կարմիր խաչի միջազգային կոմիտեին զինվորին վերադարձնելու հարցով։

Sputnik Արմենիայի տեղեկություններով` զինծառայողն այս տարվա հունվար ամսին էր զորակոչվել բանակ։ Արայիկը մեկ եղբայր ունի, որը պայմանագրային զինծառայող է։

Մեր տեղեկություններով` Արայիկը վերջերս էր արձակուրդ եկել տուն, նրան տեսնողներն ասում են, որ շատ լավ տրամադրություն ուներ, չէր դժգոհում ծառայությունից։ Անգամ խոսում էր ապագայի ծրագրերի մասին, որոշել էր ծառայությունից հետո կրթություն ստանալ և ծրագրավորող դառնալ։

Ըստ թեմայի

Ինժեներական աշխատանքների ժամանակ մարտական դիրքերի առավելություն ենք ձեռք բերել. Բալայան
Ովքեր են Ադրբեջանում պահվող հայերն ու հայկական կողմում պատիժ կրող ադրբեջանցիները
Հակառակորդի անսպասելի հարձակումը բացառված է. ինչ է փոխվել առաջնագծում 2016-ից հետո
Ադրբեջանում հայտնված զինծառայողի հարցով Թաթոյանը խոսել է Կարմիր խաչի ներկայացուցչի հետ
թեգերը:
ՀՀ Պաշտպանության նախարարություն (ՊՆ), Դավիթ Տոնոյան, հայ-ադրբեջանական, Ադրբեջան, Զինվոր, Հայաստան

Գլխավոր թեմաներ