22:29 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Համահայկական 7-րդ խաղերի մասնակիցների այցը Ծիծեռնակաբերդի հուշահամալիր

Խնամիություն ենք անելու. Համահայկական խաղերի մասնակիցները կապեր են հաստատում իրար հետ

© Sputnik / Andranik Ghazaryan
Հասարակություն
Ստանալ կարճ հղումը
13320

Համահայկական խաղերի մասնակիցներն այցելեցին Ծիծեռնակաբերդի հուշահամալիր` հարգանքի տուրք մատուցելու Ցեղասպանության զոհերի հիշատակին։

ԵՐԵՎԱՆ, 13 օգոստոսի — Sputnik. Համահայկական խաղերի շրջանակում տարբեր երկրներից Հայաստան ժամանած երիտասարդներն արդեն «բարեկամական» կապեր են հաստատում իրար հետ։ Այս մասին լրագրողների հետ զրույցում ասաց Վիեննայի պատվիրակության պատասխանատու Սեպուհ Բաղդոյանը։

Представитель делегации города Вены Сепух Багдоян ответил на вопросы журналистов во время посещения мемориального комплекса Цицернакаберд (13 августа 2019). Еревaн
© Sputnik / Andranik Ghazaryan
Վիեննայի պատվիրակության պատասխանատու Սեպուհ Բաղդոյան

Համահայկական խաղերի մասնակիցներն այսօր այցելեցին Ծիծեռնակաբերդի հուշահամալիր` հարգանքի տուրք մատուցելու Ցեղասպանության զոհերի հիշատակին։

«Համահայկական խաղերի շնորհիվ մեր երեխաները ծանոթանում են իրար հետ, շփվում ու կապեր հաստատում։ Դեռ ո՞ւր եք` խնամիություն ենք անելու, ամուսնացնելու ենք մեր երիտասարդներին իրար հետ,  ոչ թե օտարների»,–ասաց Բաղդոյանը։

Արցախի հաղթական հողը ուժ էր տալիս. Հարություն Թահմազյանը`Համահայկական խաղերի մասին

Նրա խոսքով` Վիեննայի պատվիրակությունը 2003–ից մասնակցում է Համահայկական խաղերին և ամեն տարի պարտադիր այցելում Ծիծեռնակաբերդ։ Բաղդոյանն ասում է` չնայած այս տարի որոշ կազմակերպչական թերություններ կային, սակայն այն ավելի տպավորիչ անցավ, քանի որ բացումը տեղի ունեցավ Արցախում։

Համահայկական խաղերի համաշխարհային կոմիտեի նախագահ Իշխան Զաքարյանն էլ նշեց, որ ամեն տարի միջոցառման  շրջանակում  այցելում են Ծիծեռնակաբերդ։ Նրա խոսքով` Համահայկական խաղերին մասնակցում են Ցեղասպանությունից մազապուրծ եղածների սերունդները, ուստի այդ այցելությունը  խորհրդանշական է։

Председатель 7-х Панармянских игр Ишхан Закарян ответил на вопросы журналистов во время посещения мемориального комплекса Цицернакаберд (13 августа 2019). Еревaн
© Sputnik / Andranik Ghazaryan
Председатель 7-х Панармянских игр Ишхан Закарян ответил на вопросы журналистов во время посещения мемориального комплекса "Цицернакаберд" (13 августа 2019). Еревaн

«Ցեղասպանությունից փրկվածների ժառանգները պետք է տեսնեն ամեն ինչ, անպայման այցելեն թանգարան։ Ջարդերի մասին գրքերում կարդալն այլ  բան է, հուշահամալիր այցելելն ու թանգարան գնալը` բոլորովին այլ։ Կարծում եմ` ամեն հայ պետք է իր պատմությունը շատ լավ իմանա»,–ասաց նա։

Համահայկական խաղերի մասնակիցներից Կիպրոսի Նիկոսիա քաղաքի պատվիրակության անդամ Անդրանիկ Ասճյանը նշեց, որ Ծիծեռնակաբերդ այցելությունը կարևոր է, որովհետև իրենք պարտավոր են նախնիների ուխտը` Ցեղասպանության ճանաչումն ու դատապարտումը շարունակեն։

Представитель делегации города Никосия Андраник Ашчеан ответил на вопросы журналистов во время посещения мемориального комплекса Цицернакаберд (13 августа 2019). Еревaн
© Sputnik / Andranik Ghazaryan
Կիպրոսի Նիկոսիա քաղաքի պատվիրակության անդամ Անդրանիկ Ասճյան

Ասճյանը նշեց, որ Կիպրոսում հայերի հանդեպ վերաբերմունքը շատ լավ է. այնտեղ երեխաները հայկական նախակրթարան են հաճախում ու անվճար սովորում ։ «Բոլոր հայ երեխաները հայկական դպրոց են գնում ու շատ լավ գիտեն իրենց ինքնությունը։ Բախտավոր երկրներից ենք, քանի որ մինչ օրս մեր տներում գերազանց հայերեն ենք խոսում»,–ասաց նա։

Ասճյանը նշեց նաև, որ Կիպրոսում ապրող մի շարք հայեր Հայաստան վերադառնալու ցանկություն ունեն, սակայն ուզում են ՀՀ–ի տնտեսական պայմանները մի փոքր էլ բարելավվեն։

Հիշեցնենք` Համահայկական խաղերի առաջին 3 օրը` օգոստոսի 5-8-ը  մրցումներն անցկացվել են Արցախի մայրաքաղաք Ստեփանակերտում, օգոստոսի 9-ից մինչև դրանք շարունակվում են  Երևանում: Փակումը տեղի կունենա օգոստոսի 17-ին` Երևանի Ազատության հրապարակում:

Համահայկական խաղերն այս տարի ընդգրկում են 17 մարզաձև։

Ի դեպ, Իրանի վոլեյբոլի «Սիփան» թիմը Ծիծեռնակաբերդի հուշահամալիրի մոտ գուսան Տոտիկի «Ախպերս ու ես» երգը կատարեց։

Ըստ թեմայի

Համահայկական 7–րդ ամառային խաղերն աննախադեպ էին. ամենամեծ պատվիրակությունը ժամանել է ՌԴ-ից
Արցախի հաղթական հողը ուժ էր տալիս. Հարություն Թահմազյանը`Համահայկական խաղերի մասին
Նիկոլ Փաշինյանը Համահայկական ամառային 7-րդ խաղերը հայտարարեց բացված. տեսանյութ
թեգերը:
Ծիծեռնակաբերդ, Հայոց ցեղասպանություն, Ցեղասպանություն, Արցախ, Համահայկական խաղեր, Հայաստան

Գլխավոր թեմաներ