14:22 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Ինքնաթիռ

«Խուճապ չկար, որոշ ուղևորներ ճչում էին». ուղևոր Հակոբյանը` A-321–ի կոշտ վայրէջքի մասին

© Sputnik / Евгений Епанчинцев
Հասարակություն
Ստանալ կարճ հղումը
2627 0 0

Ուղևորների թվում հայեր կան. վայրէջքի ժամանակ ոչ ոք չի մահացել, 23 մարդ վնասվածք է ստացել.

ԵՐԵՎԱՆ, 15 օգոստոսի — Sputnik. «Ուրալյան ավիաուղիների» Մոսկվա–Սիմֆերոպոլ  ինքնաթիռի ուղևորների շարքում հայեր կան, օդանավում եղած մարդկանց անունների ամբողջական ցուցակը հրապարակել է «Կոմսոմոլսկայա պրավդան»։

«Ուրալյան ավիաուղների» A-321 ինքնաթիռը կոշտ վայրէջք է կատարել Մոսկվայից ոչ հեռու` եգիպտացորենի դաշտում։ Ինքնաթիռը Սիմֆերոպոլից թռչում էր Մոսկվա, երբ երկու շարժիչների մեջ թռչուններ են ընկել, մի շարժիչն այրվել է։

226 ուղևորների թվում 7 հայ կա` Ստեփան Հակոբյան, Արթուր Առստամյան, Էրիկ Առստամյան, Կարինե Ավետիսյան, Գլիան Մուրադյան, Վերա Ստրոկյան, Լիանա Դավիդյան։

Պարբերականը նաև հաղորդում է, որ հաջող վայրէջքից հետո ուղևորները սկսել են գրկել և համբուրել բորտուղեկցորդներին և բորտուղեկցորդուհիներին։

«Բոլորը ողջ են, օդաչուն հանճար է։ Եթե հնարավորություն լինի, մեր հարգանքի հավաստիքը հայտնեք ուղևորների կողմից։ Վայրէջքի ժամանակ երկու կտրուկ հարված եղավ, և բոլորին միանգամից դուրս բերեցին։ Ի դեպ, թռչունների մասին։ Չգիտեմ, թե ինչու են ասում, որ դրանք ընկել են երկու շարժիչի մեջ։ Երբ մենք վայրէջք կատարեցինք, ամբողջ ինքնաթիռը ծափահարում էր։ Մենք մոտեցանք բորտուղերկցորդներին և ուղեկցորդուհիներին ու համբուրեցինք նրանց», – պատմել է չվերթի ուղևորներից մեկը` Օլգան։

Ուղևոր Ստեփան Հակոբյանը հաղորդել է, որ Մերձմոսկվայում կոշտ վայրէջք կատարած ինքնաթիռում խուճապ չի եղել, որոշ ուղևորներ ճչացել են։ Նրա խոսքով` կոշտ վայրէջքի պահից մինչև արտակարգ ծառայությունների ժամանումն անցել է մոտ 40 րոպե։

Հակոբյանը հասցրել է ինքնաթիռից տարհանումից հետո սելֆի անել ուղեկցորդների հետ, ինչպես նաև նկարել, թե ինչ է կատարվել վայրէջքից հետո։

Նա ուղեբեռ չի ունեցել, ծրագրում է մեկնել մեկ այլ օդանավակայան և դեպի Սիմֆերոպոլ առաջիկա չվերթի տոմս գնել։

Աղետից հաջողվել է խուսափել թիմի երկու օդաչուների շնորհիվ` օդանավի հրամանատար Յուսուպով Դամիրի և Գեորգի Մուրզինի։

«Պոբեդան» կշարունակի՞ թռիչքներ իրականացնել Գյումրիից. հայտարարություններն իրարամերժ են

«Եղբայրս ասաց, որ երկու շարժիչների մեջ թռչուններ են ընկել։ Շարժիչները խափանվել են։ Մինչև օդանավակայան անհնար էր հասնել։ Ստիպված են եղել արտակարգ վայրէջք կատարել դաշտում։ Դամիրի ծնողները շոկի մեջ են, բոլոր ազգականներն են շոկի մեջ։ Նա ընդամենը մեկ տարի առաջ է դարձել հրամանատար։ Ավիացիայում ութ տարի է», – «Կոմսոմոլսկայա պրավդային» պատմել է Դամիր Յուսուպովի եղբայրը։

Ինքնաթիռում եղած 226 ուղևորներից վեցը երեխա են։ Բոլոր ուղևորները ողջ են, 23 հոգի վնասվածք է ստացել։ Նրանց հոսպիտալացրել են։

 

Ըստ թեմայի

Հայտնի է Երևան–Մոսկվա հետաձգված չվերթի ժամը
Կգործարկվի Մոսկվա-Երևան ավտոբուսային նոր երթուղի
Նյու Յորքում վերելքի ժամանակ ուղևորատար Boeing-ից պահեստամաս է ընկել
թեգերը:
Մոսկվա, թռիչք, ուղևոր, ինքնաթիռ, Ռուսաստան, հայեր, հայ, Հայաստան

Գլխավոր թեմաներ