14:20 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Էրիկ Առստամյան

Ռեսպեկտ օդաչուներին. հրաշքով փրկված Էրիկ Առստամյանը` Ա-321–ի կոշտ վայրէջքի մասին

© Photo: vk / Эрик Арстамян
Հասարակություն
Ստանալ կարճ հղումը
Վթար, պատահար, սպանություն, գողություն (1700)
201920

Օգոստոսի 15-ին Ժուկովսկի օդանավակայանի մոտ հարկադիր վայրէջք կատարած «Մոսկվա–Սիմֆերոպոլ» չվերթի ուղևորների ցուցակում հայեր կային։ Sputnik Արմենիա գործակալությունը զրուցել է դեպքի ականատեսներից Վլադիմիր քաղաքի բնակիչ Էրիկ Առստամյանի հետ։

ԵՐԵՎԱՆ, 15 օգոստոսի — Sputnik, Լև Ռիժկով.  Էրիկ Առստամյանը մեկ ամսից կդառնա 17 տարեկան։ Նա սովորում է Վլադիմիր քաղաքի դպրոցներից մեկում և փոխադրվել է 11-րդ դասարան։ Էրիկը մոր և ավագ եղբոր` Արթուրի հետ Սիմֆերոպոլ էր մեկնում հարազատներին տեսակցության, նաև` հանգստանալու։

«Երբ պայթյուն լսվեց, ուղևորները հասկացան, որ ինչ–ոչ մի բան այն չէ, կամ, գուցե, ինչ–որ ճռռոց։ Ավելի ճիշտ դա շարժիչներից մեկում փոքր պայթյունի էր նման։ Եվ հանկարծ ես սկսեցի նկատել, որ ինքնաթիռի շարժիչը խափանումներով է աշխատում, և ինքնաթիռը ներքև է իջնում։ Հետո առջևումս դաշտ տեսա։ Եվ, պարզապես, արտակարգ վայրէջք»,– պատմեց Էրիկը Sputnik Արմենիային տված հարցազրույցում։

Այնուհետև տղաներն իմացան, որ իրենք առանց շասսիի են վայրէջք կատարել։

«Պարզապես հրաշք է, որ բոլորս ողջ ենք, և ռեսպեկտ օդաչուներին, որոնք ավելի քան 200 մարդկանց կյանք են փրկել», – ասաց նա։

Էրիկի խոսքով` ստյուարդեսաներն իրենց շատ խիզախ էին դրսևորում. նրանք հանգստություն էին պահպանում և ուղևորներին խնդրում` խուճապի չմատնվել։

Նյու Յորքում վերելքի ժամանակ ուղևորատար Boeing-ից պահեստամաս է ընկել

«Երբ սկսեցին դռները բացել արտակարգ վայրէջքի համար և օդանավի սանդուղքը փչել, ինքնաթիռում գտնվող տղամարդկանցից շատերն անմիջապես սկսեցին թռնել` չսպասելով, որ սանդուղքը բացվի։ Սկսեցինք իջնել, իսկ հետո արդեն ով` ոնց կարող էր, ոմանք նույնիսկ բոբիկ էին փախչում։ Արդյունքում բոլորս դաշտ դուրս եկանք, այնուհետև դուրս եկանք ճանապարհի վրա, որտեղ մեզ արդեն շտապօգնության բազմաթիվ մեքենաներ, ոստիկաններ և հրշեջներ էին սպասում։ Իսկ օդանավին մոտենալ մեզ չէին թողնում, քանի որ վառելիք էր թափվել և այրման վտանգ կար», – մանրամասնում է Էրիկը։

Նրա խոսքով` ամենաշատն իր մայրիկն էր ուրախացել, քանի որ պատահարից շատ էր հուզվել։ Իսկ Էրիկը հիացած է օդաչուների պրոֆեսիոնալիզմով, որոնք հիանալի կատարեցին իրենց աշխատանքը։

Առստամյանի ընտանիքը չի հրաժարվել Սիմֆերոպոլ մեկնելու մտքից։ Չվերթը կկայանա օգոստոսի 15-ի երեկոյան։ Մեր զրույցի պահին հիմնական խնդիրը ձեռքի ուղեբեռն ստանալու հարցն էր, որը մնացել էր օդանավի սրահում և անհրաժեշտ է դիմում լրացնել ուղեբեռի փոխհատուցումն ստանալու  համար։

Ինչպես Sputnik  Արմենիային հայտնեց Ռուսաստանում Հայաստանի դեսպանատան խորհրդական Արթուր Խաչատրյանը, օդանավում գտնվող ՀՀ քաղաքացիների մասին տվյալներ դիվանագիտական ներկայացուցչությունը դեռ չի ստացել։

Հուրգադայի չեղարկված չվերթերի հետքերով. կառավարությունը որոշ չարաշահումներ է գտել

Հիշեցնենք` «Մոսկվա–Սիմֆերոպոլ» չվերթն իրականացնող «Ուրալյան ավիաուղիների» Ա-321 ինքնաթիռն այսօր կոշտ վայրէջք էր կատարել Մոսկվայից քիչ հեռու գտնվող եգիպտացորենի դաշտում։ Ինքնաթիռը Սիմֆերոպոլից թռչում էր Մոսկվա, երբ երկու շարժիչների մեջ թռչուններ են ընկել, շարժիչներից մեկն այրվել էր։

թեմա:
Վթար, պատահար, սպանություն, գողություն (1700)

Ըստ թեմայի

Ե՞րբ կբացվի Կապանի օդանավակայանը. պատասխանում է Տաթևիկ Ռևազյանը
Թուրքիայից Նախիջևան ուղիղ չվերթեր կգործեն
Բարսելոնա– Երևան չվերթը հետաձգվում է. օդանավի անիվներում խնդիր է հայտնաբերվել
թեգերը:
օդանավակայան, Օդաչու, հայեր, հայ, Հայաստան, Մոսկվա

Գլխավոր թեմաներ