16:15 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Համահայկական խաղերի մասնակիցներ

Բարբառը դժվար է, բնությունը` գերող, արցախցիները` պարզ. սփյուռքում ապրողները` Արցախի մասին

© Sputnik / Andranik Ghazaryan
Հասարակություն
Ստանալ կարճ հղումը
118 0 0

Համահայկական խաղերի բացումն այս տարի տեղի ունեցավ Արցախում։ Sputnik Արմենիան խաղերի մասնակիցներից որոշների հետ զրուցել է` իմանալու նրանց տպավորություններն Արցախի մասին։

ԵՐԵՎԱՆ, 16 օգոստոսի — Sputnik. Ռուսաստանում ապրող 35–ամյա Կարեն Մկրտչյանը գրեթե ամեն տարի այցելում է Հայաստան, սակայն առաջին անգամ էր Արցախում և իր համար մի կարևոր բան բացահայտեց։

«Արցախում, տեսնելով տեղի բնակիչներին, հասկացա, որ Արցախը հակառակորդը երբեք չի կարող գրավել` այնքան ամուր են արցախցիներն իրենց հողերի վրա կանգնած»,–ասաց նա։

Участник 7-х Панармянских игр из Таганрога Карен Мкртчян с сыном
© Sputnik / Andranik Ghazaryan
Участник 7-х Панармянских игр из Таганрога Карен Мкртчян с сыном

Նա, ի դեպ, Տագանրոգից է, և Հայաստանում է Համահայկական խաղերի շրջանակում։ Մկրտչյանը «Կոբարթ» ֆուտբոլային թիմի նախագահն է։ Նշենք, որ Համահայկական խաղերի բացումը տեղի էր ունեցել Արցախում` օգոստոսի 6–ին։

Կարեն Մկրտչյանի թիմում շատերն էին առաջին անգամ այցելում ինչպես Արցախ, այնպես էլ Հայաստան։ Նրա խոսքով` Արցախ այցելելով` դրսի հայերն իրենց հայ լինելն ավելի շատ են զգում, քանի որ թարմանում է տատ ու պապերի պատմածներն Արցախի մասին։ Հայերը, ըստ նրա, մյուս ազգերից տարբերվում են նրանով, որ որքան էլ հայրենիքից հեռու ապրեն, ինչքան էլ օտարացած լինեն, սրտի ինչ-որ անկյունում մնում է հայ լինելու ֆենոմենը։ Դա, Մկրտչյանի խոսքով, երբեք չի մեռնում։

Համահայկական խաղերի մեկ այլ մասնակից էլ` ֆրանսիացի 14–ամյա լողորդ Ակսել Սամվելյանը, 3-4 տարի առաջ է առաջին անգամ Արցախ այցելել։ Խոստովանում է` նախորդ այցից շատ բան չէր հիշում, իսկ այս անգամ ավելի շատ է տպավորվել։

Участник 7-х Панармянских игр из Парижа Аксель Самвелян
© Sputnik / Andranik Ghazaryan
Ակսել Սամվելյանը

«Արցախում փոփոխությունները նկատելի են, գնալով ավելի է բարեկարգվում ու գեղեցկանում։ Ինձ դուր է գալիս Արցախը, պարզ արցախցիները, գերող ու հիասքանչ բնությունը»,–ասաց նա` հավելելով, որ ամենակարևորը` ընկերներ է ձեռք բերել, ինչը նշանակում է` նորից է Արցախ այցելելու։

Մենք գալիս ենք ոչ թե մեդալի, այլ սփյուռքի և Հայաստանի երիտասարդությանն իրար կապելու համար

Ակսելը, սակայն, խոստովանեց` արցախցիների բարբառը դժվար էր հասկանում, կային բառեր, որոնք արտաբերելը ջանքեր էր պահանջում։

Համահայկական խաղերի մասնակիցներից հալեպահայ Գևորգ Մավյանի խոսքով էլ` իրականում շատ կարևոր ու խորհրդանշական էր, որ Համահայկական խաղերի բացումը տեղի ունեցավ Արցախում։ Ըստ նրա` հարյուրավոր հայեր էին հավաքվել Արցախում, որը նաև հայերի միասնականության գաղափարն էր խորհրդանշում։

Участник 7-х Панармянских игр из Алеппо Геворг Мавян
© Sputnik / Andranik Ghazaryan
Գևորգ Մավյանը

«Որքան էլ ամեն մեկս մի երկրում է հաստատվել, սակայն մենք միասնական ենք ամենակարևոր հարցերում ու հենց սա էլ խորհրդանշում էր Արցախում այդքան հայերի լինելը։ Միասնականությունը միայն գեղեցիկ բառ չէ, միասնականությունը բոլորիս` հայրենիքի հետ ամուր թելերով կապված ու անհրաժեշտ պահին միասին լինելն է»,–ասաց Մավյանը։

«Այստեղ օդն ուրիշ է». ինչպես վրացին սիրեց Հայաստանն ու Արցախը, իսկ մյուսները տուն գտան

Հիշեցնենք, որ Համահայկական խաղերին մասնակցում էր շուրջ 7000 մարզիկ Հայաստանից, Արցախից և Սփյուռքից: Խաղերի փակման արարողությունը տեղի կունենա Երևանի Ազատության հրապարակում։

Ըստ թեմայի

Խնամիություն ենք անելու. Համահայկական խաղերի մասնակիցները կապեր են հաստատում իրար հետ
Համահայկական խաղերի մասնակիցներն այցելել են Ծիծեռնակաբերդի հուշահամալիր. տեսանյութ
«Մենք չգիտեինք՝ համահայկական խաղերը տեղի կունենան, թե ոչ». Միսակ Նաջարյան
թեգերը:
Սփյուռք, Համահայկական խաղեր, Լեռնային Ղարաբաղ, Արցախ, Հայաստան

Գլխավոր թեմաներ