14:19 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Ամուլսարի հանքի շահագործման դեմ բողոքի ակցիա նախագահականի դիմաց

Փաշինյանն ընդունել է բնապահպաններին. Ամուլսարի հարցը քննարկվում է փակ դռների հետևում

© Sputnik / Asatur Yesayants.
Հասարակություն
Ստանալ կարճ հղումը
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (76)
0 0 0

Բաղրամյան 26–ում` նախագահական նստավայրի դիմաց, մեծ թվով ցուցարարներ են հավաքված։ Նրանք սպասում են ՀՀ վարչապետի հետ հանդիպման արդյունքներին։

ԵՐԵՎԱՆ, 19 օգոստոսի — Sputnik. ՀՀ նախագահական նստավայրում` Բաղրամյան 26-ում մեկնարկել է ՀՀ վարչապետ Նիկոլ Փաշինյանի հրավիրած հանդիպումը Ամուլսարի շահագործման դեմ պայքարող ակտիվիստների հետ։

Ինչպես Բաղրամյան 26-ից հայտնում է Sputnik Արմենիայի թղթակիցը, հանդիպումը փակ է, լրատվամիջոցները հանդիպմանը չեն մասնակցում։ Վարչապետի հետ հանդիպում են Ջերմուկի համայնքապետը, ավագանու անդամները, բնապահպան-ակտիվիստները և այլ շահագրգիռ անձինք:

Участники акции протеста против разработки Амулсарского месторождения (18.08.2019) Еревaн
© Sputnik / Asatur Yesayants.
Ամուլսարի հանքի շահագործման դեմ բողոքի ակցիա նախագահականի դիմաց

Մինչ հանդիպումն Ամուլսարի հանքի շահագործման դեմ պայքարող քաղաքացիներն այսօր առավոտից Երևան են հասել ավտոերթով, իսկ «Ազատության» հրապարակից դեպի Բաղրամյան 26` քայլերթով։

Այս պահին նախագահական նստավայրի դիմաց մեծ թվով ցուցարարներ են հավաքված, ովքեր սպասում են ՀՀ վարչապետի հետ հանդիպման արդյունքներին։

Участники акции протеста против разработки Амулсарского месторождения (18.08.2019) Еревaн
© Sputnik / Asatur Yesayants.
Ամուլսարի հանքի շահագործման դեմ բողոքի ակցիա նախագահականի դիմաց

Հիշեցնենք` Ամուլսարի ոսկու հանքը պաշարներով Հայաստանի երկրորդ հանքավայրն է։ Հանքավայրը շահագործելու համար արտոնագիր է ստացել Հայաստանում Lydian International դուստր ընկերություն` GeoTeam-ը, որը ավելի ուշ վերանվանվել է Lydian Armenia-ի։ Ամուլսարի լեռնագագաթը գտնվում է Վայոց Ձորի և Սյունիքի մարզերի սահմանագլխին՝ Ջերմուկ քաղաքից 10 կմ հեռավորության վրա:

Участники акции протеста против разработки Амулсарского месторождения (18.08.2019) Еревaн
© Sputnik / Asatur Yesayants.
Ամուլսարի հանքի շահագործման դեմ բողոքի ակցիա նախագահականի դիմաց

Հանքավայրի շինարարության պաշտոնական մեկնարկը տրվել էր 2016թ-ի օգոստոսի 19-ին: Ամուլսարը Հայաստանում այս պահին ամենախոշոր միջազգային ներդրումն է: Այն իրականացվել է Միջազգային ֆինանսական կորպորացիան (IFC) և Վերակառուցման ու զարգացման եվրոպական բանկի չափանիշներին համապատասխան, բնապահպանական և սոցիալական ազդեցությունների գնահատմամբ: Հանքի շահագործումը Հայաստանում իշխանափոխությունից հետո դադարեցվել է, հարուցվել է քրեական գործ` չարաշահումների և բնապահպանական օրենսդրության խախտումների փաստով։

Կառավարության հրավերով հանքի տարածքում միջազգային բնապահպանական փորձաքննություն իրականացվեց, որի արդյունքները հրապարակվեցին օգոստոսի 14-ին։

Ամուլսարի փորձագիտական եզրակացությունը ստանալուց հետո Քննչական կոմիտեն հայտարարեց, որ նախկին պաշտոնյաների նկատմամբ քրեական հետապնդման հիմքեր չկան։ Նրանց կողմից շրջակա միջավայրի աղտոտման մասին տեղեկությունները դիտավորյալ թաքցնելու փաստեր ձեռք չեն բերվել։

Քննչական մարմնի այս հայտարարությունը նոր կրքեր է բորբոքել Ամուլսարի հանքշահագործման դեմ պայքարող բնապահպանների շրջանում։ Ակտիվիստները Ջերմուկում բողոքի ակցիաների նոր ալիք էին սկսել։ Իսկ երեկ հայտարարել, որ օգոստոսի 19-ին գալու են Երևան` ՀՀ վարչապետ Նիկոլ Փաշինյանի հետ հանդիպելու։

թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (76)

Ըստ թեմայի

Ամուլսարի հարցով հրապարակված եզրակացությունը սպասելի էր. «Լիդիանի» տնօրեն
Ամուլսարի ոսկու հանքավայրերի ճանապարհը փակելու փաստով հարուցվել է քրեական գործ
Սերժ Թանկյանը միացել է Ամուլսարի հանքի շահագործման դեմ պայքարին
թեգերը:
Երևան, Վարչապետ, Նախագահ, Բողոքի ակցիա, Նիկոլ Փաշինյան, Լիդիան, Ամուլսար

Գլխավոր թեմաներ