02:17 29 հոկտեմբերի 2020
Ուղիղ եթեր
  • USD492.71
  • GBP638.90
  • EUR578.69
  • RUB6.31
Հասարակություն
Ստանալ կարճ հղումը
Մանվել Գրիգորյանի շուրջ ծավալված իրադարձությունները (235)
690 0 0

Գեներալը նշեց, որ Մանվել Գրիգորյանի գործի հետ կապված նոր տեղեկություններ ունի։

ԵՐԵՎԱՆ, 20 օգոստոսի — Sputnik. ԱԺ նախկին պատգամավոր, գեներալ Սեյրան Սարոյանը ՀՀ վարչապետ Նիկոլ Փաշինյանի հետ խոսել է գեներալ Մանվել Գրիգորյանի առողջական վիճակի մասին։ Այս մասին Սարոյանը հայտնեց Էջմիածնի իր տանն անցկացվող մամուլի ասուլիսի ժամանակ։

Հիշեցնենք, որ այսօր մամուլում լուրեր էին հայտնվել, թե ոստիկանները հետախուզել են Սարոյանի տունը, իսկ նա հասցրել է փախչել հետնամուտքով։ Սարոյանը հենց այս առիթով էլ ասուլիս էր հրավիրել ու հերքել այդ լուրերը։

«Երբ Մանվելի տան նկարները ցույց տվին, նամակները տեսանք զինվորների, սաղ էլ շոկի մեջ էինք, էդ թվում նաև ես։ Ես տնական ձևով գիտեմ, որ լիքը բաներ կան, որ պետք է բացվի ու իմանանք` էդ ամենը ոնց է հայտնվել Մանվելի առանձնատանը։ Բայց մինչ էդ ես խոսել եմ Փաշինյանի հետ ու ասել, որ ազատ արձակեն Գրիգորյանին, որ հանկարծ էդ մարդը չմեռնի բերդում, խայտառակ լինենք ամբողջ աշխարհում»,–ասաց Սարոյանը։

Նրա խոսքով` Փաշինյանն իրեն պատասխանել է` ասելով, թե «գեներալ ջան, կա քննություն, կա բժշկություն և եթե կտեսնեն՝ իրոք վատ է Գրիգորյանի վիճակը, կփորձեն հարցին լուծում տալ»։

Սարոյանը նշեց, որ Մանվել Գրիգորյանի գործի հետ կապված՝ ինքն արդեն շոկից դուրս է եկել, քանի որ նոր լուրեր է իմացել։

«Ես մի բան գիտեմ` տարբեր մարդիկ Մանվելի պահեստներում արենդավատ են արել, ու դատարանը պետք է պարզի` որտեղից են էդ գույքը, նամակները հայտնվել այդտեղ։ Բայց մինչ էդ Մանվելին պետք է ազատ արձակեն։ Հիմա, որ Մանվելը բերդում չեղավ, գնաց տուն` ո՞ւր պետք է փախնի, կարո՞ղ է փախնի երկրից»,–ասաց նա։

Սարոյանի խոսքով` իր հետ կապված էլ են անընդհատ լուրեր պտտվում, թե երկրից հեռացել է։ Նա նշեց, որ երբ մեկնում է ԱՄՆ բուժման, ասում են` երկրից փախել է, իսկ երբ վերադառնում է տուն, մամուլը գրում է` տնից է փախել։

Մանվել Գրիգորյանն ի վիճակի չի եղել դատարան գալ. նիստը հետաձգվել է
Հիշեցնենք` Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Դատական իշխանությունը գործադիրի կոշիկի տակ է. Մանվել Գրիգորյանի պաշտպան

թեմա:
Մանվել Գրիգորյանի շուրջ ծավալված իրադարձությունները (235)

Ըստ թեմայի

«Պատիվ են տալիս ձախ ձեռքով». ի՞նչ արժեն գեներալի ուսադիրները Հայաստանում
Սեյրան Սարոյանի ու Նիկոլ Փաշինյանի հանդիպումն արդյունք չի տվել. «Հրապարակ»
«Մեր վառոտներից մի հատ ոստիկան չի մտել». Սեյրան Սարոյան
թեգերը:
Նիկոլ Փաշինյան, գեներալ, Մանվել Գրիգորյան, Սեյրան Սարոյան

Գլխավոր թեմաներ