18:46 08 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
88 0 0

«Հայ ժողովրդի պատմության» նոր դասագրքի վերջնական տարբերակը դեռ պատրաստ չէ։ Խնդիրը վերջին տասնամյակի քաղաքական իրադարձությունները ներկայացնելու մեջ է։

ԵՐԵՎԱՆ, 20 օգոստոսի — Sputnik. Հայաստանի կրթության, գիտության, մշակույթի և սպորտի նախարարությունը մտադիր փոխել «Հայ ժողովրդի պատմության» դպրոցական դասագրքերի բովանդակությունը։ Այդ մասին երեքշաբթի լրագրողներին ասաց փոխնախարար Լուսինե Առաքելյանը։

Պատմության դասագրքերի շուրջ աղմուկը բարձրացավ նախարար Արայիկ Հարությունյանի այն հայտարարությունից հետո, որ նորագույն պատմության մի շարք իրադարձությունների մեկնաբանություններ պետք է փոխվեն։

Շուտով կսկսվի նոր ուսումնական տարին, սակայն 9–րդ դասարանի պատմության դասագրքերը դեռ պատրաստ չեն։ Կա երկու «աշխատանքային» տարբերակ, սակայն դասագրքերի հեղինակները հաճախ հակադիր կարծիքներ են ունենում իրադարձությունները մեկնաբանելիս, որոնք տեղի են ունեցել 1991թ.–ից ի վեր։ Հենց դա է պատճառը, որ դասագրքերի վերջնական տարբերակը դեռ պատրաստ չէ։

Առանցքային իրադարձություններից մեկը 2008թ.–ի նախընտրական գործընթացներն են։ Նախարարությունում հայտարարում են, որ նրանք պատմությունը փոխելու խնդիր չունեն։ Այստեղ նշում են, որ նոր դասագիրք ստեղծելու վերաբերյալ քննարկումները բարդ են, սակայն հույս ունեն, որ իրենց կհաջողվի հանգել միասնական որոշման։

Մարտի 1-ը դասագրքերում. մասնագետները վիճում են` ինչ գրել, դպրոցները` մնում առանց դասագրքի

Առաքելյանն այսօր հաղորդեց, որ գերատեսչության նախաձեռնությամբ կազմվել է 6–հոգանոց աշխատանքային խումբ։ Նրանք պետք է ուսումնասիրեն դասագրքերը և ծրագիրը, ինչպես նաև ներկայացնեն վերջնական առաջարկներ։

«Մենք ստացել ենք բովանդակալից և խմբագրական դիտողություններ ու առաջարկներ։ Այդ առաջարկներն ուղարկվել են Կրթության ազգային ինստիտուտ։ Այն ամենը, ինչ ենթակա է շտկման, հրատարակչությունները և հեղինակները շտկել են։ Խնդիր է ծագել այն ժամանակ, երբ առաջարկվել է դասագրքերում ներառել 2013-2018թթ. ժամանակահատվածը։ Սակայն այդ հարցը չի լուծվել», – նշեց փոխնախարարը։

Անհրաժեշտ է ուսումնասիրել նաև համաշխարհային փորձը և հասկանալ` ընդունված է արդյոք վերջին 15-20 տարիների իրադարձությունները ներառել դպրոցական ծրագրում։

Իր հերթին Պատմության ինստիտուտի տնօրեն Աշոտ Մելքոնյանը, որը դասագրքի քննարկվող տարբերակներից մեկի հեղինակն է, հայտարարեց, որ աճող սերունդը պետք է իմանա, թե ինչպես է ծնվել Հայաստանի Հանրապետությունը, իմանա նորագույն պատմության առանցքային սյուժեների մասին։

Ինչպես ավստրիացի դասախոսը 2 շաբաթ ապրեց Բանգլադեշում, մնաց Հայաստանում ու սովորեց հայերեն
Ինչ վերաբերում է քաղաքական բանավեճերի առիթ դարձած մեկնաբանություններին, ապա Մելքոնյանը կարծում է, որ լիովին չեզոք տեքստեր է կազմել։ Այսպես, նրա հեղինակած տարբերակում ընտրական գործընթացները մեկնաբանելիս նշվում է, որ «հասարակության մեջ խորացել է անվստահությունը ընտրությունների նկատմամբ»։

«Երկրորդ ճակատը» և ամերիկյան բանակի հայ մարտիկները. ի՞նչ է հայտնի

Մելքոնյանը կոչ արեց պատմաբանների վրա պատասխանատվություն չդնել անցյալի քաղաքական գնահատականներ հնչեցնելու համար։ Նրա խոսքով, ինչ տեղի է ունեցել 2008թ.–ին, պետք է առաջին հերթին որոշեն քննչական կառույցները, քաղաքական ղեկավարությունը և այլք, բայց որ պատմաբանները։

Ըստ թեմայի

Ինչպես ավստրիացի դասախոսը 2 շաբաթ ապրեց Բանգլադեշում, մնաց Հայաստանում ու սովորեց հայերեն
«Նա ստեղծել է մեր դիվանագիտությունը». նախագահը հետմահու պարգևատրեց Արման Կիրակոսյանին
«Մեր կյանքը կարճ է»․ անդադրում մարդ և մեծատառով նախարար Նիկոլ Աղբալյանի պատմությունը
թեգերը:
Կրթության և գիտության նախարարություն (ԿԳՆ), դասալիք, Հայոց պատմություն, հայեր, հայ, Հայաստան

Գլխավոր թեմաներ