09:10 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Նաիրա Զոհրաբյան

Ինչն է մտահոգել Նաիրա Զոհրաբյանին. նա զինվորական հոսպիտալ է այցելել

© Sputnik / Asatur Yesayants
Հասարակություն
Ստանալ կարճ հղումը
226 0 0

Նաիրա Զոհրաբյանը պաշտպանության նախարարին կհրավիրի քննարկման։ 

ԵՐԵՎԱՆ, 20 օգոստոսի — Sputnik.  ՀՀ ԱԺ «Բարգավաճ Հայաստան» խմբակցության անդամ, Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանին մտահոգել է հոսպիտալում բուժվող հոգեկան և տարբեր հոգեբանական շեղումներով զինվորների հարցը։ Այս մասին Facebook սոցիալական ցանցի իր էջում գրել է Զոհրաբյանը։

Նա այսօր այցելել է Երևանի կայազորի հոսպիտալ։

«Հոգեկան եւ տարբեր հոգեբանական շեղումներով զինվորների թիվը չեմ հրապարակի։ Ինձ դիմած բազմաթիվ ծնողներ վստահեցնում են, որ իրենց որդիները զորակոչվել են բանակ բացարձակապես առողջ, և հետո ոմանք ծեծի, կամ անձը նվաստացնող այլ հանգամանքների պատճառով ստացել են հոգեկան ակնհայտ շեղումներ, կամ էլ  այլեւս անդառնալի հոգեկան խանգարումներ»,–գրել է նա։

Նրա խոսքով` մասնագետ բժիշկների մեկնաբանությունն այլ է եղել։  Ըստ նրա` այս հարցում քննարկելու եւ նաեւ օրենսդրական նոր լուծումներ առաջարկելու լուրջ խնդիր ունենք, որն ինքը` որպես պատգամավոր, կանի պաշտպանության ոլորտի մասնագետների եւ առաջին հերթին՝ նախարարի հետ քննարկելուց հետո։ Զոհրաբյանը կարծում է, որ կա նաև կառավարության մի շարք որոշումներում փոփոխություն անելու անհրաժեշտություն, իսկ մինչ այդ՝ ոչ միայն այս, այլ նաեւ բանակի հետ կապված մի շարք այլ օպերատիվ խնդիրներ քննարկելու համար մարդու իրավունքների պաշտպանության եւ հանրային հարցերի մշտական հանձնաժողովը կհրավիրի պաշտպանության նախարար Դավիթ Տոնոյանին։

Նիկոլ Փաշինյանն այցելել է ՊՆ կենտրոնական կլինիկական զինվորական հոսպիտալ
Զոհրաբյանը հավելել է նաև, որ բոլոր այն ծնողները, որոնց որդիներն այս պահին բուժում են ստանում հոսպիտալում, կարող են հանգիստ լինել, քանի որ պրոֆեսիոնալ բուժանձնակազմ է աշխատում, որը հոգատար վերաբերմունք է դրսևորում։

Ըստ թեմայի

12 տարվա մեջ նման բան առաջին անգամ է եղել. Զոհրաբյանը` ԵԽԽՎ–ում ստեղծված իրավիճակի մասին
Դեմ քվեարկելով՝ մնում ենք կառավարության և մեծամասնության համախոհը. Նաիրա Զոհրաբյան
Ինչպե՞ս կարող է 10 հազար հոգու կրճատումը Հայաստանի շահերից բխել. Զոհրաբյան
թեգերը:
հիվանդանոց, Զինվոր, Նաիրա Զոհրաբյան

Գլխավոր թեմաներ