07:30 17 սեպտեմբերի 2019
Ուղիղ եթեր
  • USD476.16
  • GBP592.63
  • EUR526.54
  • RUB7.43
Բնակարան

Զոհված զինվորի ընտանիքն այլևս անօթևան չէ. կառավարությունը բնակարան նվիրեց որդեկորույս մորը

© Sputnik / Asatur Yesayants
Հասարակություն
Ստանալ կարճ հղումը
23210

Հակատանկային նռնակի պայթյունից զոհված ժամկետային զինծառայող Հրանտ Մանգասարյանի մայրը` 2 երեխաների հետ, բնակարան կստանա։

ԵՐԵՎԱՆ, 22 օգոստոսի — Sputnik. Երևանի Քանաքեռ թաղամասում գտնվող 1–սենյականոց բնակարանը՝ 45.2 քմ մակերեսով, կառավարության որոշմամբ հատկացվեց հայրենիքի պաշտպանության ժամանակ զոհված զինվորի ընտանիքին։

Բնակարանը, որ մինչ այժմ գտնվում էր պաշտպանության նախարարության հաշվեկշռում և գնահատված է 10 620 000 դրամ, կառավարության որոշմամբ անհատույց կտրամադրվի ծառայողական պարտականությունները կատարելիս զոհված զինծառայող Հրանտ Խաչատուրի Մանգասարյանի մորը` Նունե Հակոբյանին։

Կառավարության որոշման նախագծում նշված է, որ այս ընտանիքն անօթևան է, և մայրը` երկու երեխաների հետ, մինչև այժմ ստիպված է եղել բնակվել վարձով։

Հիշեցնենք` 20–ամյա զինծառայող Հրանտ Խաչատուրի Մանգասարյանը զոհվել էր 2017թ.–ի նոյեմբերի 4-ին, ժամը 12:10-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունի հետևանքով։

թեգերը:
տուն, բնակարան, բնակարանաշինություն, մայր, Զինվոր, ՀՀ կառավարություն, Հայաստան

Գլխավոր թեմաներ