00:11 21 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Երևանի քաղաքապետարան

Պաշտոնյաները գրասենյակները գնել ու վարձակալությամբ են տվել նոտարներին. քրգործ է հարուցվել

© Sputnik / Asatur Yesayants
Հասարակություն
Ստանալ կարճ հղումը
59 0 0

Երևանի Բաղրամյան և Բագրատունյաց պողոտաներում գտնվող նոտարները վարձավճար են տվել իրենց իսկ գրասենյակների համար։

ԵՐԵՎԱՆ, 22 Օգոստոս — Sputnik.  ՀՀ արդարադատության նախարարության և Երևանի քաղաքապետարանի մի շարք պաշտոնատար անձինք պաշտոնեական դիրքը չարաշահելով` նոտարական գրասենյակները գնել ու դրանք վարձով են տվել նոտարներին։ Այս մասին հայտնում է ՀՀ ոստիկանությունը։

«Արդարադատության նախարարության և Երևանի քաղաքապետարանի մի շարք պաշտոնատար անձինք  անձնական շահագրգռվածությունից ելնելով` կազմակերպել են Երևանի Բաղրամյան և Բագրատունյաց պողոտաներում գտնվող անշարժ գույքերի օտարումը»,–նշված է հաղորդագրության մեջ։

Մասնավորապես, պարզվել է, որ արդարադատության նախարարության նախկին բարձրաստիճան պաշտոնատար անձը Երևանի քաղաքապետարանի մի շարք պաշտոնատար անձանց հետ 2012-2013 թթ. Բաղրամյան պողոտայի նոտարներին տվել է բանավոր կարգադրություններ, որոնք չկատարելու դեպքում խոստացել խոչընդոտել նրանց մասնագիտական գործունեությանը կամ ազատել աշխատանքից:

Իսկ Բագրատունյաց պողոտայում գործող նոտարին գցել են մոլորության մեջ: Այդպիսով, զրկել են նոտարներին Երևան քաղաքի սեփականություն հանդիսացող նոտարական գրասենյակների տարածքները տնօրինելու իրավունքից:

Այնուհետև իրենց հետ փոխկապակցված քաղաքացիների ներգրավմամբ՝ փաստացի կազմակերպել են աճուրդներ և շուկայականից անհամեմատ ցածր արժեքներով գնահատելով՝ քաղաքապետարանից առուվաճառքի պայմանագրով ձեռք են բերել նշված անշարժ գույքերը: Հետագայում նույն քաղաքացիների անունից կնքված վարձակալության պայմանագրերի հիման վրա, շուկայականից անհամեմատ բարձր գներով նույն տարածքները վարձակալությամբ հանձնել են նոտարներին: Ապօրինությունների հետևանքով Երևան համայնքին և նոտարներին պատճառվել է առանձնապես խոշոր չափերի վնաս:

Ոստիկանության կազմակերպված հանցավորության դեմ պայքարի գլխավոր վարչությունում հարուցվել է քրեական գործ, որն ուղարկվել է քննչական կոմիտե՝ նախաքննության:

Ըստ թեմայի

Մանվել Գրիգորյանը կմնա կալանքի տակ. դատարանը մերժեց պաշտպանների միջնորդությունը
Արաքսում հողը փչացնելու համար քրգործ է հարուցվել
Գնդեվազի նախկին ղեկավարի «քաջագործություններից» նոր դրվագներ են բացահայտվել
թեգերը:
Քրեական գործ, նոտարական գրասենյակ, Հայաստան

Գլխավոր թեմաներ