17:17 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Ճանապարհ

Վայոց ձորում և Տավուշում կվերականգնվի երկու կարևոր ճանապարհահատված

© Sputnik / Laura Sarkisian
Հասարակություն
Ստանալ կարճ հղումը
682 0 0

Վայոց ձորում և Տավուշում երկու ճանապարհահատվածի վերականգնման համար արդեն իսկ պայմանագիր է կնքվել։

ԵՐԵՎԱՆ, 29 օգոստոսի — Sputnik. Վայոց ձորի և Տավուշի մարզերում կվերականգնվի կենսական նշանակության ևս երկու ճանապարհահատված։ Այս մասին հայտնում է ՀՀ տարածքային կառավարման և ենթակառուցվածքների նախարարությունը։

«Կվերականգնվեն Տավուշի մարզում Մ4-Գետահովիտ մոտ 1.4 կմ և Վայոց ձորի մարզում՝ Մ2-Գետափ մոտ 2.76 կմ երկարությամբ ճանապարհահատվածները։ Պայմանագիր է կնքվել «Տրանսպորտային ծրագրերի իրականացման կազմակերպություն» ՊՈԱԿ-ի և շինարարական աշխատանքների մրցույթը շահած ընկերությունների միջև»,–նշված է հաղորդագրության մեջ։

Շինարարական աշխատանքները կմեկնարկեն արդեն առաջիկա օրերին։ Իսկ աշխատանքների ավարտը, ըստ պայմանագրի, նախատեսված է 2020 թվականի ամռանը։

Ճանապարհները կվերականգնվեն ՀՀ կառավարության և Համաշխարհային բանկի ֆինանսավորմամբ իրականացվող «Կենսական նշանակության ճանապարհացանցի բարելավման ծրագրի» լրացուցիչ ֆինանսավորման շրջանակներում։

Հիշեցնենք, որ այս պահին պայթեցման աշխատանքներ են կատարվում Մ6 Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակներում։

Ըստ թեմայի

Բաղդասարյան․ «Լարսում գոյացած հերթերը վրացական կամրջի վերանորոգման պատճառով են»
Օդով, ջրով և ցամաքով` դեպի Ռուսաստան
Հայ–վրացական ճանապարհի վերանորոգումը շուտով կավարտվի
թեգերը:
Ճանապարհ, Վայոց Ձոր, Տավուշ, Հայաստան

Գլխավոր թեմաներ