15:30 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
ՀՀ քննչական կոմիտե

Գեղարքունիքում չարաշահումների դեպքերով հարուցված քրգործերով վերականգնվել է 37 մլն դրամ

© Photo: official site of the President of RA
Հասարակություն
Ստանալ կարճ հղումը
7610

Գեղարքունիքում չարաշահումների դեպքերի առթիվ 6 անձի մեղադրանք է առաջադրվել։

ԵՐԵՎԱՆ, 29 օգոստոսի — Sputnik. Գեղարքունիքի  մարզպետարանի և  համայնքապետարանների աշխատակիցների կողմից  կատարված առերևույթ չարաշահումների քրգործով պետությանը պատճառված վնասից վերականգնվել է 37 մլն դրամ: Այս մասին հայտնում է ՀՀ քննչական կոմիտեն։

«Քննությամբ ձեռք բերված տվյալների համաձայն՝ նշված աշխատակիցների կողմից 2008 – 2018թթ կատարված առերևույթ չարաշահումների արդյունքում պետությանը պատճառված վնասի չափը կազմում է 39 մլն դրամ: Ձեռք բերված բավարար ապացույցների հիման վրա՝ մեղադրանք է առաջադրվել 6 անձի»,–նշված է հաղորդագրության մեջ։

Մեղադրանք է առաջադրվել Գավառի սոցիալական աջակցության տարածքային գործակալության տեսուչին՝ ՀՀ քրեական օրենսգրքի 311.1-րդ հոդվածի 3-րդ մասի 2-րդ կետով (պաշտոնատար անձ չհանդիսացող հանրային ծառայողի կողմից խոշոր չափերով ապօրինի վարձատրություն ստանալը),  Գավառի սոցիալական աջակցության տարածքային գործակալության գլխավոր մասնագետին՝ ՀՀ քրեական օրենսգրքի 311.1-րդ հոդվածի 1-ին մասով (պաշտոնատար անձ չհանդիսացող հանրային ծառայողի կողմից ապօրինի վարձատրություն ստանալը), Արծվանիստ համայնքի ղեկավարին՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացում), Սարուխանի համայնքապետարանի աշխատակազմի քարտուղարին՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացում), Սարուխանի համայնքապետարանի առաջին կարգի մասնագետին՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացում) և Սարուխան համայնքի ղեկավարի պաշտոնակատարին՝ ՀՀ քրեական օրենսգրքի 308-րդ հոդվածի 1-ին մասով (պաշտոնեական լիազորությունները չարաշահելը)  և 314-րդ հոդվածի 1-ին մասով (պաշտոնեական կեղծիք): 

50 միլիոն դոլարի խախտումներ. ո՞վ է «խաղում» գազի ճնշման վրա

Նրանց նկատմամբ որպես խափանման միջոց կիրառվել է ստորագրություն չհեռանալու մասին:

Նախաքննությունն ավարտվել է, և քրեական գործերը՝ մեղադրական եզրակացությամբ, ուղարկվել են դատարան:

Ըստ թեմայի

«Գործի համար նշանակություն ունեցող փաստաթղթեր էին ման գալիս, չգտան». Խաչատրյանի պաշտպան
Հագեք ինչ ուզում եք ու փող չհավաքեք. քաղաքապետարանը զգուշացրել է դպրոցների տնօրեններին
«Մավշինի» տնօրենը «կերել է» Վայքի այգին ու մարզադաշտը նորոգելու փողերը և կեղծ թղթեր կազմել
թեգերը:
ՀՀ քննչական կոմիտե, կալանավորել, չարաշահում, Մեղադրանք, Գեղարքունիքի մարզ, Հայաստան

Գլխավոր թեմաներ