19:06 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Իջևան

Իջևանի համայնքի ղեկավարին մեղադրանք է առաջադրվել

© Sputnik / Asatur Yesayants
Հասարակություն
Ստանալ կարճ հղումը
79 0 0

Իջևանի համայնքի ղեկավարի նկատմամբ որպես խափանման միջոց է ընտրվել ստորագրությունը չհեռանալու մասին:

ԵՐԵՎԱՆ, 29 Օգոստոս — Sputnik. Իջևանի համայնքի ղեկավարին մեղադրանք է առաջադրվել։ Այս մասին հայտնում է ՀՀ քննչական կոմիտեն։

«Պարզվել են Իջևանի համայնքապետարանում կատարված առերևույթ չարաշահումների դեպքի մի շարք հանգամանքներ: Մեղադրանք է առաջադրվել համայնքի ղեկավարին և ՓԲԸ բյուջետային հիմնարկի տնօրենին»,–նշված է հաղորդագրության մեջ:

Քննությամբ ձեռք բերված տվյալների համաձայն՝ Իջևան համայնքի ղեկավարը, 2011-ից զբաղեցնելով նշված պաշտոնը, 2016թ. իր ընկերոջ կնոջը նշանակել է ՓԲԸ բյուջետային հիմնարկի տնօրեն։ Նրան թույլատրել է 2017–ի հոկտեմբերի 1-ից մինչև 2018–ի հոկտեմբերի 1-ը աշխատանքի չներկայանալ և չիրականացնել աշխատանքային պարտականությունները, քանի որ վերջինս 2017–ին տեղափոխվել է Երևան:

Արդյունքում ՓԲԸ բյուջետային հիմնարկի տնօրենը, փաստացի աշխատանքի չներկայանալով և աշխատանքային պարտականությունները չկատարելով, յուրացրել է Իջևանի համայնքապետարանի կողմից նշված ընկերությանը հատկացված դրամական միջոցներից նախատեսված՝ տնօրենի աշխատավարձի խոշոր չափերի գումարը:

Բացի այդ, ՓԲԸ բյուջետային հիմնարկի տնօրենը, լիազորություն ունենալով ընկերության աշխատակցին աշխատանքից ազատելու, ինչպես նաև՝ իր պարտականությունները չկատարող աշխատողի հետ աշխատանքային պայմանագիրը լուծելու, ՓԲԸ-ում որպես լրագրող աշխատող անձի կողմից 2016-2018թթ. աշխատանքի չներկայանալու և պարտականությունները  չկատարելու պարագայում, հանձնարարել է հաշվարկել և լրագրողին վճարել է նշված ժամանակահատվածի համար սահմանված դրույքաչափերով աշխատավարձի գումարը:

Ձեռք բերված բավարար ապացույցների համակցությամբ՝ Իջևան համայնքի ղեկավարին մեղադրանք է առաջադրվել՝ ՀՀ քրեական օրենսգրքի 308-րդ հոդվածի 1-ին մասով, այն է` պաշտոնեական լիազորությունները չարաշահելը:  ՓԲԸ բյուջետային հիմնարկի տնօրենին մեղադրանք է առաջադրվել՝ ՀՀ քրեական օրենսգրքի 179-րդ հոդվածի 2-րդ մասի 1-ին և 3-րդ  կետերով (2 դրվագ)` յուրացնելը կամ վատնելը: Նրանց նկատմամբ որպես խափանման միջոց է ընտրվել ստորագրություն չհեռանալու մասին:

Գեղարքունիքում չարաշահումների դեպքերով հարուցված քրգործերով վերականգնվել է 37 մլն դրամ

Նախաքննությունը շարունակվում է:

Հիշեցնենք, որ 2011–ին Վարդան Ղալումյանը ընտրվել էր Իջևան համայքնի ղեկավար։ 2015–ին նա վերընտրվել էր։

Ըստ թեմայի

Խուզարկությունից հետո Գագիկ Խաչատրյանը բերման կենթարկվի. Վանեցյանը մանրամասներ հայտնեց
Փոխգնդապետը դիզվառելիք ու բենզին է հափշտակել. նա կալանավորվել է
«Մավշինի» տնօրենը «կերել է» Վայքի այգին ու մարզադաշտը նորոգելու փողերը և կեղծ թղթեր կազմել
թեգերը:
ՀՀ քննչական կոմիտե, համայնքի ղեկավար, Իջևան, Հայաստան

Գլխավոր թեմաներ