05:25 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հասարակություն
Ստանալ կարճ հղումը
373 0 0

«Մասիվցի Անդիկի» սպանությանն օժանդակողն ընտանիքով Ռուսաստանում է ապրում, սակայն քիմիոթերապիա ստանալու համար պարբերաբար այցելել է Հայաստան։

ԵՐԵՎԱՆ, 29 օգոստոսի - Sputnik. «Օրենքով գող» Անդրանիկ Հարությունյանի` «Մասիվցի Անդիկի» սպանությանն օժանդակելու մեջ կասկածվողը առողջական լուրջ խնդիրներ ունի` 50–ամյա տղամարդը տառապում է քաղցկեղով։ Այս մասին Sputnik Արմենիային հայտնեց կասկածյալի պաշտպանը` Վահե Մնացականյանը։

Մասիվցի Անդիկի սպանությունը
Արդեն հայտնել էինք, որ «Մասիվցի Անդիկի» սպանության մեջ մեղադրվողի` ՌԴ Չեչնիայի Ինքնավար Հանրապետության 32-ամյա բնակչի նկատմամբ հետախուզում է հայտարարվել, իսկ սպանությանն օժանդակելու մեջ կասկածվողը ձերբակալվել է։ ՀՔԾ–ն հայտնում էր, որ «Մասիվցի Անդիկի» սպանության մեջ մեղադրվողն ու նրան օժանդակողը պարբերաբար հանդիպել են Երևանում։

«Պաշտպանյալս ընտանիքով Ռուսաստանում է ապրում, սակայն քիմիոթերապիա ստանալու համար պարբերաբար այցելել է Հայաստան։ Մենք ունենք անհրաժեշտ բոլոր փաստաթղթերն ապացուցելու համար, որ վերջին ամիսներին պաշտպանյալս բուժման համար է Հայաստան եկել»,–ասաց պաշտպանը։

Փաստաբանը տեղեկացրեց նաև, որ «Մասիվցի Անդիկի» սպանությունից հետո էլ  իր պաշտպանյալը Հայաստան էր եկել քիմիոթերապիայի հերթական կուրսը ստանալու, սակայն նրան ձերբակալել են։

Մնացականյանը նշեց, որ արդեն դիմել է ՀՀ քննչական ծառայություն ու միջնորդություն ներկայացրել, որպեսզի հանձնաժողով կազմվի ու նրա բուժման հարցը լուծվի։

Փաստաբանը վստահեցնում է, որ իր պաշտպանյալը լսած էլ չի եղել, թե ով է «Մասիվցի Անդիկը»։ Հենց սա է պաշտպանական կողմի գլխավոր փաստարկներից մեկը։

Նա նշեց նաև, որ իր պաշտպանյալը չի ճանաչում նաև «Մասիվցի Անդիկի» սպանության մեջ մեղադրվողին, ում, ինչպես ասում է Քննչականը՝ օժանդակել է։ Մնացականյանի խոսքով` քրգործով ներկայացված նյութերից էլ չի երևում, որ պաշպանյալը կապ է ունեցել այդ անձի հետ։

Վահե Մնացականյանը  հայտնեց նաև, որ իր պաշտպանյալը Մոսկվայում է ապրում, 2 երեխա ունի, իսկ 3–րդը պետք է 2 ամսից ծնվի։

«Նա հանցավոր աշխարհի հետ որևէ կապ չունի, շինարարական ընկերությունում է աշխատում ու իր ընտանիքի ապրուստը հոգում»,–վստահեցնում է փաստաբանը։

Հիշեցնենք, որ 2019-ի հուլիսի 2-ին՝ ժամը 23:10-ին, «Սուրբ Գրիգոր Լուսավորիչ»  բժշկական կենտրոնից ոստիկանության Նոր Նորքի բաժին ահազանգ էր ստացվել, որ հրազենային վնասվածքով իրենց մոտ է բերվել Անդրանիկ Հարությունյանի դին:

Մեղադրյալը` ՌԴ Չեչնիայի ինքնավար հանրապետության 32-ամյա բնակիչը, 2019թ. հունիսի 25-ին ՌԴ-ից ժամանել է ՀՀ և  հուլիսի 2-ին` ժամը 23:00-ի սահմաններում, Երևանի Նոր Նորքի 5-րդ զանգվածի շենքերից մեկի բակում ապօրինի ձեռք բերված հրազենի՝ ատրճանակի գործադրմամբ կրակոցներ արձակելով սպանել է Անդրանիկ Հարությունյանին:

Օսիպյանը մանրամասներ է ներկայացնում Մասիվցի Անդիկի սպանությունից

Օգոստոսի 20-ին ՌԴ-ից Հայաստան էր վերադարձել սպանությանն օժանդակելու մեջ կասկածվողը, որը հաջորդ օրը հայտնաբերվել, բերման էր ենթարկվել ոստիկանություն։ Նա ձերբակալվել էր:

Ըստ թեմայի

Մասիվցի Անդիկի սպանության վայրում հայտնաբերվել են պարկուճներ և փամփուշտ. մանրամասներ
Ոստիկանները խուզարկել են «օրենքով գողերի» և քրեական հեղինակությունների տները. տեսանյութ
Ինչպես են Երևանում սպանել «օրենքով գող» Մասիվցի Անդիկին. սպանության կադրերը
«Գործընկերներից» ում է հանդիմանել Մասիվցի Անդիկը, և ի՞նչ կապ ունի Վլադիմիր Գասպարյանը
Մասիվցի Անդիկի սպանության գործով քրեական հեղինակություններ են հարցաքննվել. «Ժողովուրդ»
թեգերը:
Մեղադրանք, Սպանություն, Մասիվցի Անդիկ

Գլխավոր թեմաներ