00:49 12 նոյեմբերի 2019
Ուղիղ եթեր
  • USD477.22
  • GBP610.79
  • EUR526.33
  • RUB7.47
Նիկոլ Փաշինյան

Կատարված փորձաքննություններն ու ՇՄԱԳ–ը բավարար չեն հանքն ապահով շահագործելու համար. Էլարդ

© Sputnik / Asatur Yesayants.
Հասարակություն
Ստանալ կարճ հղումը
172210

ՀՀ վարչապետի նախաձեռնությամբ կայացած Skype-կոնֆերանսի ընթացքում Ամուլսարի հանքշահագործման ծրագրի փորձաքննությունն իրականացրած «Էլարդի» փորձագետները հայտարարել են, որ ուսումնասիրությունն արվել է 2016թ–ին կազմված ՇՄԱԳ–ի ու «Լիդիան»–ի ներկայացրած փորձաքննությունների հիման վրա։

ԵՐԵՎԱՆ, 30 օգոստոսի — Sputnik. Եթե բոլոր միջոցառումները պատշաճ նախագծվեն, իրականացվեն ու վերահսկվեն, Ամուլսարի հանքի շահագործումից ՀՀ ջրային ռեսուրսների վրա ազդեցությունը կլինի չնչին։ ՀՀ վարչապետի նախաձեռնությամբ կայացած Skype-կոնֆերանսի ընթացքում ասել են Ամուլսարի հանքշահագործման ծրագրի փորձաքննությունն իրականացրած «Էլարդի» փորձագետները։

Այդուհանդերձ, նրանք ևս նշեցին, որ այդ ամենում համոզվելու համար նոր փորձաքննություն պիտի իրականացվի։

«Պետք է շեշտենք, որ այս ամենը պետք է հաստատվի նաև թարմացված, նոր գնահատմամբ։ Նոր գնահատում է անհրաժեշտ կատարել` պատշաճ մուտքային տվյալներով։ Պատշաճ գնահատում պետք է կատարվի, որպեսզի հաստատվի այս պնդումը»,–ասաց փորձագետ Ռիկարդո Խուրին։

Նիկոլ Փաշինյանը կրկնակի պարզաբանում խնդրեց փորձագետից այդ կարծիքի վերաբերյալ։

«Ըստ էության «Լիդիան»–ի առաջարկած միջոցառումները թերի են, և որպեսզի դրանք ամբողջականացվեն, հարկ է, որ դուք, ըստ էության, վերանայեք գնահատումը և նոր ՇՄԱԳ–ի մշակմամբ պատշաճ կերպով իրականացնեք նոր մեղմացման միջոցառումներ»,– ասաց փորձագետը։

Շրջակա միջավայրի նախարար Էրիկ Գրիգորյանն էլ փորձագետներից հետաքրքվեց` ինչու է նրանց ներկայացրած աշխատանքն այդքան թերի և ինչո՞ւ այն չի պատասխանում բոլոր հարցերին։

Պետական մարմինները կարող են արգելել հանքի շահագործումն ու «Լիդիանին» զրկել լիցենզիայից. ՔԿ

«Տվյալ դեպքում այս պրոեկտի մեր պատվիրկատում ՀՀ Քննչական կոմիտեն էր, նրանց միջոցով էինք մենք ՀՀ մնացած մարմինների հետ կապ հաստատում հետազոտական կազմակերպությունների հետ։ Դրանից հետո մենք ներկայացրինք մեր հաշվետվության նախագիծը, կատարեցինք մի պրեզենտացիա` ելնելով մեր հաշվետվությունից, որում մենք վերհանել էինք բազում թերություններ։ Քննարկման ընթացքում հարց առաջացավ` կարո՞ղ է ընհանրապես աշխատել այդ հանքավայրը և շահագործվել հանքը։ Սա շատ ընդհանուր բնույթի հարց էր, ինչպես կարելի է բարելավել տարբեր ազդեցութունների հետևանքները և ինչը կարելի է բարելավել։ Սրանք ՔԿ հետ հանդիպման ընթացքում հնչած հիմնական հարցերն էին։ Դրանից հետո մենք ՀՀ վարչապետին ու կառավարության անդամներին ներկայացրինք ևս մեկ ներկայացում, որի ընթացքում մեզ դարձյալ հարցրեցին` կարո՞ղ է շահագործվել հանքավայրը` առանց ազդելու շրջակա միջավայրի վրա։ Մեր պատասխանը հետևյալն էր` հաշվի առնելով տվյալների թերությունները և անորոշության աստիճանը, շահագործման ու մեղմացման միջոցառումները դառնում են խիստ անվստահելի»,–ասաց փորձագետը։

ՀՀ կառավարության անդամների հարցին, թե տեսակապի ընթացքում արված հայտարարությունները արձանագրված եղե՞լ են «Էլարդի» ներկայացրած եզրակացության մեջ, փորձագետներից մեկը պատասխանեց. «Մեր թիմը և փորձագետներն այն կարծիքին են, որ 2016թ–ին կատարված փորձաքննություններն ու ՇՄԱԳ–ը բավարար չեն հանքն ապահով շահագործելու համար։ Եվ սա հստակ փաստաթղթավորված է մեր գնահատման եզրակացության մեջ»։

Ինչ վերաբերում է հանքշահագործողի առաջարկած մեղմման միջոցներին, փորձագետները դրանք ևս արժանահավատ չեն համարում, քանի որ արվել են 5 տարի առաջ ու այսօր արդեն թերի են։

«Էլարդի» փորձագետների հետ տեղի ունեցած Skype-կոնֆերանսը տեղի է ունեցել օգոստոսի 29-ի երեկոյան։ Վարչապետի Facebook-ի պաշտոնական էջում այն հրապարակվել է այսօր վաղ առավոտյան` մոնտաժվելուց հետո։

Վայոց Ձորի նախկին մարզպետը վարչապետին ներկայացրեց Ամուլսարի մասին իր դիտարկումները

Փորձագետների հետ տեսակապի նպատակն էր պատասխանել հարցին, թե արդյոք Ամուլսարի ոսկու հանքի նախագիծը նոր ՇՄԱԳ անցնելու կարիք ունի, թե ոչ:

Տեսակոնֆերանսին մասնակցել են նաև Ազգային ժողովի «Իմ քայլը» և «Բարգավաճ Հայաստան» խմբակցությունների ներկայացուցիչները, կառավարության անդամները, շահագրգիռ մարմինների ղեկավարները, ինչպես նաև «Լիդիան Արմենիա» ընկերության ներկայացուցիչները:

Նշենք, որ Ամուլսարի շահագործման ծրագրի վերջնական եզրակացությունը պետք է տա շրջակա միջավայրի նախարարությունը` մինչև սեպտեմբերի 4-ը:

Ըստ թեմայի

Իշխանությունն արդյոք պե՞տք է մտածի և որոշի միայն վարկանիշից ելնելով. Միրզոյանը` Ամուլսարի մասին
Նիկոլ Փաշինյանը կրկին զայրացել է. այս անգամ թիրախում դեսպաններն են. «Հրապարակ»
«Չի՛ կարելի դուխով ոչինչ չանել». Կարեն Քոչարյան
թեգերը:
Նիկոլ Փաշինյան, փորձաքննություն, հանք, Ամուլսար, Հայաստան

Գլխավոր թեմաներ