10:28 21 փետրվարի 2020
Ուղիղ եթեր
  • USD478.37
  • GBP617.34
  • EUR516.69
  • RUB7.50
Հասարակություն
Ստանալ կարճ հղումը
247 0 0

Դեպքից շուրջ 20 օր անց ՔԿ-ն հեռախոսակապ է հաստատել Վ.Գալոյանի հոր հետ և առաջարկել հարցաքննել որպես վկա՝ իրենց բնակության վայրում, սակայն վերջինս հրաժարվել է: Այնուհետև նա հրավիրվել է ՀՀ ՔԿ զինվորական քննչական գլխավոր վարչություն, սակայն կրկին հրաժարվել է ներկայանալ:

ԵՐԵՎԱՆ, 30 օգոստոսի — Sputnik. ժամկետային զինծառայող  Վոլոդյա Համլետի Գալոյանի մահվան դեպքի առթիվ քննվող քրեական գործով նրա հայրը հրաժարվել է ներկայանալ ՀՀ ՔԿ զինվորական քննչական գլխավոր վարչություն՝ հայտնելով, որ ցուցմունք կտա միայն տուժողի իրավահաջորդի կարգավիճակ ստանալուց հետո:

Այս մասին հայտնում է ՀՀ քննչական կոմիտեն՝ պարզաբանելով, թե ինչու Վոլոդյա Համլետի Գալոյանի մահվան դեպքի առթիվ քննվող քրեական գործով վերջինիս կարգավիճակ չի տրվել:

Քննչական կոմիտեի տարածած հաղորդագրության մեջ նշվում է, որ Վ.Գալոյանի կողմից կատարվել է ՀՀ քրեական օրենսգրքի 34-104-րդ հոդվածի 1-ին մասի հատկանիշներով նախատեսված հանցագործություն, այն է՝ ապօրինաբար մեկ ուրիշին կյանքից զրկելու՝ սպանելու ուղղակի դիտավորությամբ՝ Վ.Գալոյանը մարտական դիրքի գետնատնակի հարակից տարածքում իրեն ամրակցված «ԱԿ-74» տեսակի ինքնաձիգից կրակահերթ է արձակել մարտական դիրքի ավագի ուղղությամբ, սակայն Վ.Գալոյանի հանցագործությունն ավարտին չի հասցվել՝ վերջինիս կամքից անկախ հանգամանքներում:

«Հաշվի առնելով վերոգրյալը՝ Վ.Գալոյանը քրեական գործով տուժող չի ճանաչվել, և քննարկվում է նրա կողմից կատարած հանցավոր արարքին իրավական գնահատական տալու հարցը»,-ասվում է ՀՀ ՔԿ հաղորդագրության մեջ:

Հիշեցնենք, որ դիրքի ավագի սպանությունն ավարտին չհասցնելուց որոշ ժամանակ անց գտել էին Վոլոդյայի դիակը՝ ծնոտի ստորին շրջանում հրազենային վնասվածքով:

Մամուլը գրել էր, որ զինվորների` դիտորդ դիրք բարձրանալուց առաջ դիրքի ավագը նկատել է, որ ժամկետային զինծառայող Վոլոդյա Գալոյանի գրպանը ուռած է։ Ավագը զինծառայողին հարցրել է, թե ինչու է գրպանն ուռած, ինչ կա մեջը: Զինվոր Գալոյանը պատասխանել է, թե զինգրքույկն է: Դիրքի ավագը նրան ասել է, որ գրպանը դատարկի, և նա դատարկելու ժամանակ զինվորի գրպանից հանել է հեռախոս, որից հետո էլ վիճաբանություն է սկսվել։

Քրեական գործով նախաքննությունը շարունակվում է:

Ըստ թեմայի

Բանակում մթնոլորտն իդեալական չէ. փոխնախարարը` ինքնասպանությունների մասին
Զինծառայողի մահվան դեպքով հարուցվել է քրգործ` ինքնասպանության հասցնելու հոդվածով
Մարտական դիրքում մահացած զինծառայողը վեց ամիս առաջ էր զորակոչվել բանակ
թեգերը:
ՀՀ քննչական կոմիտե, Զոհ, Զինվոր, Վոլոդյա Գալոյան

Գլխավոր թեմաներ