04:49 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Ինքնաթիռ

Հայ զբոսաշրջիկները մնացել էին Կիպրոսում. օդանավն արդեն ճանապարհին է

© Sputnik / Aram Nersesyan
Հասարակություն
Ստանալ կարճ հղումը
555 0 0

Երևանից մեկնած ինքնաթիռը պետք է Լառնակայի օդանավակայանում վայրէջք կատարի  տեղի ժամանակով ժամը 22:00–ին։

ԵՐԵՎԱՆ, 30 օգոստոսի — Sputnik. Հայ զբոսաշրջիկները մնացել են Կիպրոսի Լառնակա քաղաքում։

Ինչպես Facebook սոցցանցի իր էջում նշել է Հայաստանի ֆուտբոլի ֆեդերացիայի նախագահ Արթուր Վանեցյանի խորհրդական Զոհրապ Եգանյանը, Լառնակայի օդանավակայանում ՀՀ քաղաքացիներ են մնացել, ովքեր չեն կարողանում վերադառնալ Երևան։

«Չարթերային թռիչք իրականացնող ընկերությունը, ըստ ուղևորների, չի արձագանքում զանգերի։ Մարդիկ չգիտեն` գալո՞ւ է ինքնաթիռ, թե՞ ոչ։ Խայտառակ վիճակ է ավիացիայում»,-գրել է Եգանյանը։

Օգտատերերից մեկը` Քրիստինա Մնացականյանը գրել է, որ օդանավակայանում մի քանի ժամ է անցկացրել, սակայն նա որևէ տեղեկություն չունի այն մասին՝ թռիչք լինելու է, թե՝ ոչ։

Նա նշել է, որ 3 ժամ ուշացումը, որի մասին իր էջում հայտնել է Sputnik Travel զբոսաշրջային ընկերությունը, արդեն վաղուց անցել է։

Օգտատերերից մեկն էլ` Արմինե Կարապետյան–Դիքրանյանը, հայտնել է, որ իրենք  Լառնակայի օդանավակայանում են գտնվում 14:30–ից և ոչինչ հասկանալի չէ։

«Ոչ ոք կոնկրետ  պատասխան չի տալիս», – գրել է Կարապետյան–Դիքրանյանը։

Նշենք, որ  Sputnik  Արմենիան պարզել է, որ խոսքը չարթերային չվերթի մասին է։  Այն իրականացնում է Armenia ավիաընկերության օդանավը։

Ինչպես հայտնեցին ավիաընկերությունից, ինքնաթիռն արդեն դուրս է եկել և Լառնակա կհասնի տեղի ժամանակով ժամը 22:00–ին (Երևանի ժամանակով ժամը 23:00–ին)։ 

Ավիաընկերությունից հայտնեցին նաև, որ տեղի է ունեցել օդանավի փոփոխություն։

Ըստ թեմայի

Փոքր երեխաների հետ օդանավակայանում ենք. հայ զբոսաշրջիկները կրկին մնացել են Եգիպտոսում
Armenia ավիաընկերությունը Մոսկվայից Թբիլիսի չվերթ կիրականացնի Երևանով
Մոսկվայի օդանավակայաններում 31 չվերթ է հետաձգվել, 12-ը՝ չեղարկվել
թեգերը:
չվերթ, ինքնաթիռ

Գլխավոր թեմաներ