04:18 05 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97
Հասարակություն
Ստանալ կարճ հղումը
31110

Գագիկ Գոզեյանը որոշել էր Ապրիլյան պատերազմի հերոսների հիշատակին նվիրված մի յուրահատուկ քայլ անել։ Երկար մտածելուց հետո նա գտել է անելիքը` ափից ափ լողալով հատել է Սևանա լիճը։

Sputnik Արմենիա, Կարինե Հարությունյան. 

«Տես, տղես, ինքն է Սևանը «ճղել», մերոնցից է` Գավառից»,– ասում է Սևանի ափին կանգնած տղամարդը որդուն` հպարտորեն ցույց տալով 60–ամյա Գագիկ Գոզեյանին։

Օրերս Գագիկ Գոզեյանը լողալով հատել է Սևանա լիճը` Արտանիշի ափից Նորատուս հասել` 7 կմ ճանապարհն անցնելով 8.5 ժամում։ Իր երկար «ճանապարհորդությունը» նա նվիրել է Ապրիլյան պատերազմի հերոսների հիշատակին:

© Sputnik / Karine Harutyunyan, Aram Nersesyan
Գագիկ Գոզեյանը 8 ժամ լողալով հատել է Սևանը

«Գիտեք, չէ՞, որ Օլիմպիական խաղերը Հին Հունաստանի հերոսներին է նվիրված. ինչի մենք պակա՞ս ազգ ենք, որ մեր հերոսներին չպատվենք։ Ապրիլյան պատերազմի մասնակից  բոլոր տղաներն իմ հարազատներն են, ու մի ամբողջ կյանք մենք պարտական ենք նրանց»,–ասաց Գոզեյանը։

Пловец Гагик Гозеян
© Sputnik / Aram Nersesyan ,
Գագիկ Գոզեյանը

Սա, ի դեպ, նրա` լիճը հատելու 4-րդ հաջողված փորձն էր, ավելին` նախավերջին անգամ 22 կմ է կտրել–անցել` Դրախտիկից Ծովազարդ լողալով։

Մասնագիտությամբ կարի մեքենաների մեխանիկ Գոզեյանը նշում է, որ նման փորձերից առաջ ոչ մի ֆիզիկական պատրաստվածություն պետք չէ իրեն, քանի որ նա ամեն կիրակի Սևան է այցելում ու լողում, անգամ ձմռանն է լողում։ Ասում է` ճիշտ է, լավ կլիներ, որ երկար լողալիս հետը ջրում մի հոգի լիներ, խոսեին, բայց խոստովանում է` մենակ էլ վատ չի անցնում։ Գոզեյանը մենակ լողալիս երգում–արտասանում է, նաև Սևանի հետ զրուցում։

Հայաստանի ոսկին` Սևանա լիճը. ի՞նչ պետք է անեն իշխանություններն այն պահպանելու համար
60–ամյա տղամարդն ասում է` չգիտեի ինչ է բժշկի գնալը, ինչը պայմանավորված է առողջ ապրելակերպով` հաճախ լողում է, չի ծխում, իսկ խմելն էլ՝ առիթից–առիթ։ «Քյավառցի եմ,  իմա՞լ առիթներին մի երկու բաժակ չխմեմ»,–ասում է նա։

Пловец Гагик Гозеян
© Sputnik / Aram Nersesyan ,
Գագիկ Գոզեյանը

Լողալ դեռ մանկուց է սիրել, երբ ծնողները Գավառից հանգստյան օրերին գնում էին Սևան։ Բացի այդ, Գոզեյանը ծիծաղով է նշում, որ հորոսկոպով ձուկ է, ու գուցե նաև այդտեղից է գալիս ջրի հանդեպ սերը։ Լողը, ըստ նրա, ամենաուժեղ սպորտն է, ավելի ճիշտ` սպորտի թագուհին, ու այն բազմաթիվ հիվանդությունների «դեմն է առնում»` սիրտ–անոթային համակարգից սկսած` մինչև հենաշարժական ապարատի հիվանդություններ։

«Լողալն ինձ լազաթ է տալիս (հաճույք է պատճառում), հատկապես` Սևանում լողալը։ Գիտեմ, որ կան մարդիկ՝ Սևանին ինչ անուն ասես, որ չեն կպցնում, բայց դե Սևա՞նն է մեղավոր, որ իրենք լողալ չգիտեն ու խեղդվում են»,–ասում է նա։

Գոզեյանը նշում է, որ ափից 5-7 կմ հեռու արդեն ջուրն այնքան մաքուր է, որ անգամ խմում է։ Նա հիշում է` տարիներ առաջ Սևանի հատակը 12 մետր խորությունից էլ երևում էր, իսկ հիմա ամենուր աղբ է։ Նրա խոսքով` դեռ հույս կա, որ Սևանը, ինչպես պաշտոնապես ներկայացնում են, իրոք մաքրվելու է աղբից ու ջրի տակ մնացած ծառերից։

Ո՞ւր գնալ հանգստանալու. Սևանա լիճն ԱՊՀ լավագույն հանգստավայրերի ցանկում է
Գոզեյանն այժմ մի շարք ծրագրեր ու երազանքներ ունի, բայց առաջնայինը Վանա լիճն ափից ափ անցնելն է...

Ըստ թեմայի

Գործերն աղմուկով հարուցվում են, անաղմուկ մոռացվում. Սևանի նկատմամբ հանցանքները անպատիժ են
Այստեղ եղել են Մանդելշտամն ու Սարտրը. Սևանի հանգստյան տունը կարող է վերանալ. տեսանյութ
«Կոռուպցիոն սողանցքները փակված են». նախարարը կփրկի և՛ Սևանը, և՛ բյուջեի փողերը
Սևանա լիճ. Հայաստանի կապուտաչյա գեղեցկուհին
Ողջույն տիեզերքից. Սևանա լիճը` ռուս տիեզերագնացի դիտակետից
թեգերը:
Սևան, Սևանա լիճ, Գագիկ Գոզեյան

Գլխավոր թեմաներ