ԵՐԵՎԱՆ, 3 սեպտեմբերի — Sputnik. Հայաստանում ներառական միջոցառումներ կանցկացվեն ինչպես երեխաների, այնպես էլ մեծահասակների համար։
«Ռոսատոմ» պետկորպորացիայի աջակցությամբ միջոցառումը կազմակերպել են Հաշմանդամային սպորտի հայկական ազգային ֆեդերացիան, «Սպիտակ ձեռնափայտ» ոչ առևտրային կազմակերպությունը։
Խաղերում ներկայացված են իրավիճակներ, որոնցում դրսևորվում են հաշմանդամություն ունեցող անձանց հնարավորությունները։ Նրանք փորձելու են ներկայացնել իրենց յուրահատուկ ունակությունները` փակ աչքերով անցնելով լաբիրինթով ու գոլֆ խաղալով, օգտվելով մյուս մասնակիցների հուշումներից և մասնակցելով կազմակերպիչների գաղտնի հանձնարարություններին, որոնք հայտնի կդառնան միջոցառման օրը։ Խաղերի վերջում հյուրերը բացառիկ հնարավորություն կունենան սովորել ժեստերի լեզվով երգեցողություն։
Միջոցառման երկրորդ օրը Սևանի ափին գտնվող Հայկական ճամբարում կանցկացվեն սպորտային մրցելույթներ` աշխարհի տարբեր երկրներից ժամանած հաշմանդամություն ունեցող անձանց մասնակցությամբ։ Ներառական միջոցառումները նախատեսված են ինչպես ջրում, այնպես էլ` ցամաքում։ Մասնակիցներին հնարավորություն կտրվի հաղթահարել տարածություններ կամ լուծել խնդիրներ, սեփական անձի վրա փորձելով հաշմանդամություն ունեցող անձի կերպարը, որպեսզի հասկանալի լինի, թե ինչպես են ակտիվանում մարդու մյուս ունակությունները, երբ անձը դառնում է սահմանափակ հնարավորությունների տեր։
Ի՞նչ խնդիրեր ենք լուծում ներառական կրթությամբ. 3 մարզում անցկացվել է հետազոտություն
«Ներառականությունը ցույց է տալիս, որ յուրաքանչյուր անձ ընդունակ է, և որ մարդիկ ունեն միմյանց կարիքը: Նմանօրինակ նախագծերն ու միջոցառումները հնարավորություն են տալիս փաստել, թե որքան կարևոր է որքան կարևոր է հասարակության բոլոր անդամների միջև փոխգործակցությունը` տարբեր ոլորտներում առաջընթաց արձանագրելու համար»-նշում է «Սպիտակ ձեռնափայտ» ինքնավար ոչ առևտրային կազմակերպության նախագահ Օլեգ Կոլպաշչիկովը:
Քվեսթ ձևաչափով երիտասարդական ներառական խաղերի մասնակիցներին սպասվում են նվերներ։
