ԵՐԵՎԱՆ, 3 սեպտեմբերի – Sputnik. Չինական ZAO հավելվածը, որի միջոցով հնարավոր է հանրահայտ մարդու դեմքը փոխարինել սեփականով, վերջին օրերին իսկական հիթ է դարձել, որովհետև ներբեռնումների թիվը միլիոնների է հասել։ Այս մասին հայտնում է slashgear-ը։
Երբ ZAO-ն հայտնվել է App Store-ի չինական սեգմենտում, մի քանի ժամվա ընթացքում վիրուսային է դարձել։ Տեղեկություններ կան, որ անգամ ZAO-ի սերվերները չեն դիմացել տրաֆիկի կտրուկ աճին։
In case you haven't heard, #ZAO is a Chinese app which completely blew up since Friday. Best application of 'Deepfake'-style AI facial replacement I've ever seen.
— Allan Xia (@AllanXia) 1 сентября 2019 г.
Here's an example of me as DiCaprio (generated in under 8 secs from that one photo in the thumbnail) 🤯 pic.twitter.com/1RpnJJ3wgT
Օգտատերերը գրանցվում են ZAO-ում՝ նշելով իրենց հեռախոսահամարը, վերբեռնում են իրենց լուսանկարները կամ պարզապես սելֆի են անում։ Դրանից հետո նրանք կարող են հանրաճանաչ մարդկանց մասնակցությամբ մի շարք տեսանյութերից ընտրել մեկը, դրա մեջ «աստղի» դեմքը փոխարինել սեփականով և վերջնական արդյունքը տարածել ընկերների շրջանակում։
Here’s for Asian representation in Hollywood 😂 #ZAO #AI #Deepfake pic.twitter.com/qrSs3VajfL
— Allan Xia (@AllanXia) 1 сентября 2019 г.
Բնականաբար, սրան զուգահեռ առաջանում են անձնական տվյալների և լուսանկարների անվտանգության հետ կապված հարցեր։ Բանն այն է, որ օգտատիրոջ հետ կնքվող համաձայնագրում ասվում է` օգտատերը, որը հավելվածում վերբեռնում է իր լուսանկարները, համաձայնում է հրաժարվել դրանց նկատմամբ ունեցած իրավունքներից և թույլատրում է ZAO-ին դրանք օգտագործել մարքեթինգային նպատակներով։
Փարիզում կտուգանեն չափազանց աղմկոտ մեքենաների վարորդներին
ZAO-ի ներկայացուցիչներն արդեն հայտնել են, որ հասկանում են մտահոգության պատճառը։ Նրանք խոստացել են ուղղել օգտատիրոջ հետ կնքվող համաձայնագրի մի քանի կետերը։
Այ քեզ բան․ «ինքնակապկպվող» մարզակոշիկները, ոսկե անլար ականջակալները և «խելացի» սեղանը
