18:22 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Աղբ

Երևանի քաղաքապետարանը սկսել է տեսակավորել աղբը. տեսանյութ

© Sputnik / Andranik Ghazaryan
Հասարակություն
Ստանալ կարճ հղումը
19620

Համայնքային մեքենան ստվարաթուղթը կհավաքվի խանութներից ու այլ տնտեսվարողներից և կհանձնի վերամշակողին։

ԵՐԵՎԱՆ, 7 սեպտեմբերի – Sputnik. Երևանի քաղաքապետարանը աղբահանության կարգավորմանը զուգընթաց սկսում է աղբի տեսակավորման գործընթացը: Այդ մասին Facebook-ի իր էջում հայտնել է Երևանի քաղաքապետի խոսնակ Հակոբ Կարապետյանը։

«Սկսում ենք ստվարաթղթի տեսակավորումից. քաղաքապետարանին պատկանող մեքենան կսկսի աղբը հավաքել տնտեսվարողներից, խանութներից և այն կհանձնի վերամշակող ընկերությանը»,- նշել է Կարապետյանը:

Աղբակույտեր և գարշահոտ. մինչև երբ են խավարասերներն ու առնետները «վխտալու» Երևանում

Նախագիծն առայժմ իրականացվում է Դավթաշեն վարչական շրջանում: Ըստ Կարապետյանի` մի քանի շաբաթում հավաքվել է բավականաչափ ստվարաթուղթ, որն աղբամաններում զգալի տեղ է զբաղեցնում:

Շուտով ստվարաթղթից բացի կսկսվի նաև աղբի այլ (ապակի, պլաստիկե շշեր և այլն) տեսակավորման գործընթացը:

Հիշեցնենք, որ աղբահանության խնդիրը Երևանում սրվեց այս ամառ, երբ Երևանի քաղաքապետարանի և աղբահանությամբ զբաղվող «Սանիթեք» ընկերության միջև խնդիրներ առաջացան։ «Սանիթեք» ընկերությունը մեղադրվում է խոշոր չափի հարկեր չվճարելու մեջ։ «Սանիթեք ինթերնեյշնլ» ՍՊԸ և «Սանիթեք» ՍՊԸ հայաստանյան մասնաճյուղի վերաբերյալ նախապատրաստված նյութերով քրեական գործ է հարուցվել դեռևս փետրվարի 22-ին։

Հետ եմ կանչել տղաներին ու խնդրել, որ աղբը նետեն աղբամանը. Հայկ Մարության

Քրեական գործով որպես մեղադրյալ ներգրավված անձինք չկան:

Քրեական գործի նախաքննության ընթացքում «Սանիթեք» ՍՊԸ հայաստանյան մասնաճյուղի և «Սանիթեք ինթերնեյշնլ» ՍՊ ընկերության իրավախախտումների ծավալը պարզելու համար նշանակվել են համալիր հարկային ստուգումներ, որոնք դեռ ընթացքի մեջ են:

Ըստ թեմայի

«Սանիթեքի» ղեկավարն ասել է՝ մինչև երբ է շարունակվելու բոյկոտը. նամակ քաղաքապետին
Տուգանքները պայմանագրի համաձայն էին. Երևանի քաղաքապետարանը պատասխանել է «Սանիթեքին»
«Սանիթեքը» հրաժարվել է քաղաքապետարանին տալ աղբահանություն իրականացրած տարածքների ցանկը
«Սանիթեքն» ասաց ու արեց. Երևանի վիճակն ավելի է վատացել. իսկ ի՞նչ է անելու քաղաքապետարանը
թեգերը:
Սանիթեք, աղբի վերամշակում, աղբի տեսակավորում, աղբաման, աղբ, Հակոբ Կարապետյան, Երևանի քաղաքապետարան, Հայաստան

Գլխավոր թեմաներ