15:48 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Գագիկ Ծառուկյան. արխիվային լուսանկար

Ծառուկյանն անձամբ պատրաստ է մասնակցել Ամուլսարի շահագործման դեմ բողոքի ակցիային

© Sputnik / Aram Nersesyan ,
Հասարակություն
Ստանալ կարճ հղումը
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (76)
47020

Երկրի ամենահարուստ մարդկանցից մեկը պատրաստ է փակել սեփական ձեռնարկությունները, եթե «այդպես ուզի ժողովուրդը»։

ԵՐԵՎԱՆ, 9 սեպտեմբերի - Sputnik. «Բարգավաճ Հայաստան» կուսակցության նախագահ Գագիկ Ծառուկյանը պատրաստ է անձամբ մասնակցել Ամուլսարի հանքի շահագործման դեմ բողոքի ակցիային։ Այդ մասին նա խորհրդարանում ասաց լրագրողներին։

Ծառուկյանի խոսքով՝ եթե մշտապես ասվում է, որ իշխանությունը պատկանում է ժողովրդին՝ դա նշանակում է, որ Ամուլսարի ճակատագիրը պետք է որոշի հենց նա։

«Հիմա ամենակարևոր խնդիրը ժողովրդին լսելն է։ Եթե ժողովուրդը համաձայն է, հանքը պետք է բացել: Եթե այդ համաձայնությունը չկա՝ չպետք է բացել: Ժողովուրդն է այնտեղ ապրել և ապրելու. ինչպե՞ս կարելի է նրա կարծիքը հաշվի չառնել»,–ասաց Ծառուկյանը։

Եթե այս իշխանությունն ազնիվ է, Ամուլսարի հարցում անաչառ քննություն կիրականացնի. տնտեսագետ

Նրա խոսքով` իշխանությունները հասկանում են, որ կանգնած են լուրջ խնդրի առաջ և առայժմ չեն կարողանում կողմնորոշվել։ Ծառուկյանը կարծում է, որ պետք է լիարժեք ուսումնասիրություններ կատարվեն և արդյունքները ներկայացվեն ժողովրդին։

Նա նշեց, որ երկու հանքարդյունաբերող ընկերություն ունի` Արարատի ցեմենտի գործարանը և Մղարթի ոսկու հանքը։ Եթե այնտեղ ապրող մարդիկ դրանց չաշխատելու հարցը բարձրացնեն՝ խնդիրը կլուծվի։

«Չկասկածեք, դրանք չեն աշխատի», – ասաց Ծառուկյանը։

Ամուլսարի գործով քննչական խմբի ղեկավար Յուրա Իվանյանի նկատմամբ ծառայողական քննություն է սկսվել

Նրան զարմացնում է Lydian Armenian–ի ներդրումների թիվը` 400 միլիոն դոլար։

«Երկու պոչամբար են կառուցել, 50 միավոր տեխնիկա են բերել։ Ի՞նչ են արել»,– ասաց Ծառուկյանը։

Նրա կարծիքով` այդ գումարով կարելի էր կառուցել 10 գործարան` 20 հազար աշխատատեղով։

Հիշեցնենք, որ այսօր ՀՀ վարչապետ Նիկոլ Փաշինյանը Facebook-յան ուղիղ եթերի ժամանակ հայտարարեց, որ այս պահի դրությամբ Ամուլսարի հանքի շահագործումն արգելող որևէ պատճառ չկա: Փաշինյանը հիշեցրեց, որ Moody's- ը վերջերս թարմացրեց Հայաստանի վարկային վարկանիշը, ինչը նշանակում է, որ հայկական բանկերը հնարավորություն են ունենալու ներգրավել ավելի մատչելի վարկային միջոցներ: Այս առումով, եթե իշխանությունը սկսի առանց որևէ պատճառի խնդիրներ ստեղծել ընկերության համար, դա էական վնաս կհասցնի երկրի միջազգային իմիջին:

թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (76)

Ըստ թեմայի

«Լիդիան Արմենիան» պատրաստ է ցանկացած ստուգման. ընկերությունը պատասխանում է ցուցարարներին
Փակուղում. «Լիդիան Արմենիայի» աշխատակիցները միայն մի պայմանով խոստացան չբորբոքել կրքերը
«Լիդիան Արմենիան» դիմում է Նիկոլ Փաշինյանին. ընկերությունը մեղադրում է Արթուր Գրիգորյանին
Միջազգային դատարանից մենք չենք վախենում. Փաշինյանը խոսեց «Լիդիանի» մասին
Որոշում` հօգուտ «Լիդիանի». ըստ դրա ոստիկանությունը տարածքից պետք է հեռացնի ցուցարարներին
թեգերը:
Բողոքի ակցիա, Գագիկ Ծառուկյան, Նիկոլ Փաշինյան, Ամուլսար, Լիդիան

Գլխավոր թեմաներ