15:51 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Արցախ. առաջնագիծ

ԱԺ-ն հավանություն տվեց առաջնագծի զինվորականներից գանձումները սահմանափակող նախագծին

© Sputnik / David Galstyan
Հասարակություն
Ստանալ կարճ հղումը
116 0 0

Օրենքը հետադարձ ուժ չի ունենա ու կվերաբերի միայն այն դեպքերին, որոնք կգրանցվեն օրենքն ուժի մեջ մտնելուց հետո։

ԵՐԵՎԱՆ, 10 սեպտեմբերի - Sputnik. ՀՀ Ազգային ժողովը երկրորդ՝ վերին ընթերցմամբ հաստատեց օրինագիծը, որի համաձայն ԴԱՀԿ-ն չի կարող մարտական հերթապահություն իրականացնող զինվորականից պարտքի դիմաց գանձել աշխատավարձի ավելի քան 30 տոկոսը։

Որոշումն ընդունվեց միաձայն` 108 կողմ ձայնով։

«Դատական ակտերի հարկադիր կատարման մասին»  Օրենքի փոփոխությունը ենթադրում է, որ առաջնագծում մարտական հերթապահություն իրականացնող զինծառայողներից չեն կարող գանձել աշխատավարձի կամ պարգևների 30%–ից ավելին՝ մինչև պարտքի ամբողջական մարումը։

ԴԱՀԿ-ն զինվորներին պարգևավճարներից չի զրկի

Դրա համար բավարար է ներկայացնել տեղեկանք զորամասից, որը պարտավոր են ներկայացնել երեք ամիսը մեկ։

Օրենքը հետադարձ ուժ չի ունենա ու կվերաբերի միայն այն դեպքերին, որոնք  կգրանցվեն օրենքն ուժի մեջ մտնելուց հետո։

«Առաջարկում էի այնպես անել, որ գանձումը աշխատավարձի 10%–ից ավելին չլիներ։ Բայց կառավարության հետ բանակցությունների արդյունքում որոշեցինք սահմանել 30%–ի շեմը», – նախորդ քննարկման ժամանակ ասել էր օրինագծի հեղինակներից մեկը՝ ԲՀԿ խմբակցության պատգամավոր Սերգեյ Բագրատյանը։

Նրա կարծիքով` օրենքը կթեթևացնի այն զինվորականների սոցիալական վիճակը, որոնք վարկեր են վերցնում։

«Իմ քայլը» դաշինքի պատգամավոր Հայկ Գևորգյանն իր հերթին մտահոգություն է հայտնել, որ բանկերը կարող են բարդացնել մարտական հերթապահություն իրականացնող զինվորականներին վարկերի տրամադրումը։ Նա առաջարկել է մտածել` ինչպես է կարելի խուսափել դրանից։

Ըստ թեմայի

Խմբով ծեծել են սպային. ժամկետային զինծառայողները ձերբակալվել են
ՊՆ–ն ինձ ծաղրում է. նախկին զինծառայողը կրկին հացադուլ է սկսել
Նախկին զինծառայողներին կտրամադրվեն բնակարանի գնման վկայագրեր. ՊՆ–ն վերջնաժամկետ է հրապարակել
թեգերը:
պարգևավճար, աշխատավարձ, Օրենք, Բանկ, զինծառայող, Զինվոր, ԱԺ

Գլխավոր թեմաներ