10:43 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Անգելինա Խաչատուրյան

Խաչատուրյան քույրերի գործը. փաստաբանը հրապարակել է նրանց հոր սկանդալային նամակագրությունը

© Photo: Кардашов Антон / АГН "Москва"
Հասարակություն
Ստանալ կարճ հղումը
188 0 0

Միխայիլ Խաչատուրյանը նամակագրությունում վիրավորում է աղջիկներին, զազրախոսում: Նա նաև սպառնում է ֆիզիկական հաշվեհարդար տեսնել ու վռնդել տնից:

ԵՐԵՎԱՆ, 10 սեպտեմբերի — Sputnik.  Խաչատուրյան քույրերից մեկի՝ Անգելինայի փաստաբանը հրապարակել է Անգելինայի ու հոր նամակագրությունը և ձայնային հաղորդագրությունների սղագրությունները: Ալեքսեյ Պարշինը միաժամանակ որևէ մեկնաբանություն չի տվել՝ հասարակությանը հնարավորություն տալով ինքնուրույն հետևություններ անել:

Հայրասպան Խաչատուրյան քույրերից կրտսերն անմեղսունակ է ճանաչվել

«Հերթական նորությունները Խաչատուրյան քույրերի գործով: Մենք շարունակում ենք ծանոթանալ գործի նյութերին: Ստորև ներկայացվում է հեռախոսային նամակագրությունը և Միխայիլ Խաչատուրյանի ձայնային հաղորդագրությունների վերծանումը, որոնք նա ուղարկել է իր դստերը՝ Անգելինային: Ես սա թողնում եմ առանց մեկնաբանության: Ինքներդ հետևություններ արեք»,- գրել է փաստաբանը:

Դատելով հրապարակված նյութերից՝ Միխայիլն իմացել է աղջիկների եղբոր՝ Սերգեյի այցի մասին և վրդովվել դրանից: Նամակագրությունում նա սպառնացել է, վիրավորել նրանց, զազրախոսել: Նա նաև սպառնացել է ֆիզիկական հաշվեհարդար տեսնել աղջիկների հետ ու վռնդել տնից:

Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում՝ 2018 թվականի հուլիսի 27-ին։ 57-ամյա տղամարդու դիակը` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Ալտուֆևսկի մայրուղում գտնվող տան շքամուտքում։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։ Քննության ընթացքում պարզվել է, որ Խաչատուրյանը տարիներ շարունակ բարոյական և ֆիզիկական բռնության է ենթարկել դուստրերին։

Խաչատուրյանների գործը կկասեցվի. ապացուցվել է, որ հայրը խոշտանգել է նրանց. փաստաբան

Նշենք, որ քննության վարկածի համաձայն` կրտսեր դուստրը` 11–րդ դասարանի աշակերտուհին, հոր պարանոցին ու մարմնին դանակի առնվազն 35 հարված է հասցրել։ Մյուս երկուսը` գլխին են հարվածել։ Դրանից հետո քույրերից մեկը փոքրի ձեռքից խլել է դանակն ու հարվածել հոր սրտին։ Սպանությունից հետո կրտսեր քույրն անձամբ է ոստիկանություն զանգել։

Դուստրերի ձեռքով սպանված Միխայիլ Խաչատուրյանի դեմ քրեական գործ է հարուցվել

Հիշեցնենք` Մոսկվայի Օստանկինյան դատարանը 2018–ի օգոստոսի 2-ին կալանավորել էր երեք քույրերին։ Սեպտեմբերի 27-ին Մոսկվայի Բասմանյան դատարանը հավանություն էր տվել Խաչատուրյան քույրերի կալանքը «որոշակի գործողությունների արգելքով» փոխարինելու միջնորդությանը։ Նրանք տեղավորվել էին առանձին բնակարաններում։

Ըստ թեմայի

Խաչատուրյանների գործը կկասեցվի. ապացուցվել է, որ հայրը խոշտանգել է նրանց. փաստաբան
Քրիստինան եկել է բղավոցների վրա. փաստաբանը` Խաչատուրյանների ավագ քրոջ վարքագծի մասին
Թաթոյանը հայրասպան Խաչատուրյան քույրերի հարցը քննարկել է Մոսկալկովայի հետ
Խաչատուրյան քույրերի խափանման միջոցը երկարացվել է
թեգերը:
Սպանություն, աղջիկ, Դատարան, Խաչատուրյան քույրեր

Գլխավոր թեմաներ