14:47 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Տիգրան Պետրոսյան

Բավրայի բնակիչները վախեցած են. Շիրակի մարզպետը խորհրդակցություն է հրավիրել

© Sputnik / Armenuhi Mkhoyan
Հասարակություն
Ստանալ կարճ հղումը
326030

Հայաստանում գրանցված երկրաշարժից հետո Բավրայի բնակիչների մեծ մասը բակ են դուրս եկել ու վախենում են տուն մտնել։ Շիրակի մարզպետն ԱԻՆ-ի մարզային ծառայության և ոստիկանության պատասխանատուների հետ խորհրդակցություն է անցկացնում։

ԵՐԵՎԱՆ, 10 սեպտեմբերի – Sputnik. Այսօր Հայաստանում գրանցված երկրաշարժը վախեցրել է Բավրա վարչական շրջանի բնակիչներին։ Sputnik Արմենիային այս մասին ասաց վարչական շրջանի ղեկավար Պավլիկ Սումբուլյանը։

«Քանդված տներ ու տուժածներ չկան, բայց գյուղի բնակիչները վախեցած են։ Մեծ մասը դրսում են, վախենում են տներ մտնել։ Ցնցումները շատ ուժեղ էին ու զուգակցվում էին բարձր ձայնով»,– ասաց նա։

ԱԻՆ Սեյսմիկ պաշտպանության տարածքային ծառայության սեյսմոլոգիական ցանցն այսօր, տեղական ժամանակով 20:22-ին երկրաշարժ է գրանցել Հայաստան-Վրաստան սահմանային գոտում՝ Բավրա գյուղից 13 կմ հյուսիս-արևելք։ Էպիկենտրոնային գոտում ստորգետնյա ցնցման ուժգնությունը կազմել է 6-7 բալ։ Ըստ նախնական տվյալների՝ երկրաշարժը զգացվել է ՀՀ Շիրակի, Լոռու, Տավուշի, Արագածոտնի, Արմավիրի մարզերում և Երևան քաղաքում:

Շիրակի մարզպետ Տիգրան Պետրոսյանը Facebook սոցիալական ցանցի իր էջում գրել է, որ 911 ծառայությունը Շիրակի մարզից դեռևս որևէ ահազանգ չի ստացել։

«Համայնքապետերից ևս որևէ մտահոգիչ տեղեկատվություն չունենք։ Քանի որ բջջային կապի խնդիր կար, խնդրում եմ` Շիրակի մարզում երկրաշարժի հետևանքով որևէ տեսակի վնասի մասին տեղեկություն ունենալու դեպքում հայտնել մեզ»,– նշել է նա։

Մարզպետն ավելացրել է, որ հիմա մարզային ԱԻՆ-ի և Ոստիկանության պատասխանատուների հետ խորհրդակցություն են անում։

Ըստ թեմայի

Ադրբեջան-Ռուսաստան սահմանային գոտում երկրաշարժ է գրանցվել, որը զգացվել է նաև Տավուշում
Աշոցքում երկրաշարժ է գրանցվել
Արցախում 4-5 բալանոց երկրաշարժ է գրանցվել
թեգերը:
Տիգրան Պետրոսյան, Երկրաշարժ, Հայաստան

Գլխավոր թեմաներ