18:39 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Սեյրան Օհանյանը ներկա է մարտի 1-ի գործով դատական նիստին

Ամենակարևորն այն է, որ Քոչարյանն ազատության մեջ լինի. Սեյրան Օհանյան

© Sputnik / Asatur Yesayants.
Հասարակություն
Ստանալ կարճ հղումը
Ռոբերտ Քոչարյանի գործը (317)
19301

Սեյրան Օհանյանը հայտնեց, որ իրեն առաջադրված մեղադրանքը չի ընդունում, քանի որ այն անհիմն է։

ԵՐԵՎԱՆ, 12 սեպտեմբերի — Sputnik. Այս պահին ամենակարևորն այն է, որ ՀՀ երկրորդ նախագահի նկատմամբ խափանման միջոցը փոխվի։ Այս մասին այսօր լրագրողների հետ զրույցում ասաց ՀՀ պաշտպանության նախկին նախարար Սեյրան Օհանյանը։

«Այս պահին կարևորը Քոչարյանի խափանման միջոցը փոխելն է և այն, որ վերջինս  ազատության մեջ լինի։ Մնացածը դատավարության ընթացքում պարզ կլինի»,–ասաց նա։

Նկատառմանը, թե նույն մեղադրանքը նաև իրեն է վերագրվում, Օհանյանն արձագանքեց, թե` ինքը դա չի ընդունում, որովհետև այն անհիմն է։

Նշենք, որ արդեն մեկնարկել է ՀՀ երկրորդ նախագահ Ռոբերտ Քոչարյանի, պաշտպանության նախկին նախարար Սեյրան Օհանյանի, ՀԱՊԿ նախկին գլխավոր քարտուղար Յուրի Խաչատուրովի և նախկին փոխվարչապետ Արմեն Գևորգյանի գործով առաջին նիստը։

Երևան քաղաքի ընդհանուր իրավասության դատարանի Շենգավիթի նստավայրում ընթացող դատական նիստը վարում է դատավոր Աննա Դանիբեկյանը։

Բողոքի ակցիա`դատարանի մոտ. Քոչարյանի աջակիցներից մեկին տեղափոխեցին ոստիկանություն

Դատական նիստին մասնակցում է ինչպես Ռոբերտ Քոչարյանը, այնպես էլ Յուրի Խաչատուրովը, Սեյրան Օհանյանը և Արմեն Գևորգյանը։

Վերաքննիչը վարույթ չի ընդունել Քոչարյանն ընդդեմ Փաշինյանի գործով բողոքը

Հիշեցնենք, որ հունիսի 25–ին ՀՀ Վերաքննիչ քրեական դատարանի դատավոր Արմեն Դանիելյանը որոշում կայացրեց կրկին կալանավորել Քոչարյանին, իսկ նրա և մյուսների վերաբերյալ գործի վարույթը կասեցնելու Առաջին ատյանի դատարանի դատավոր Դավիթ Գրիգորյանի որոշումը բեկանել և գործն ուղարկել նոր քննության։ Սակայն Առաջին ատյանի դատավորը, որը պետք է քններ Քոչարյանի գործը, Դավիթ Գրիգորյանն է, որի լիազորությունները ժամանակավորապես դադարեցվել են։ Գրիգորյանի դեմ քրգործ էր հարուցվել։ Ավելի ուշ Քոչարյանի գործը մակագրվեց մեկ այլ դատավորի` Աննա Դանիբեկյանի։

թեմա:
Ռոբերտ Քոչարյանի գործը (317)

Ըստ թեմայի

Մանվել Գրիգորյանը կմնա կալանքի տակ
Գյումրեցի կնոջը սպանած ռուս զինծառայողի դատը սկսվում է
Բաղրամյանում տեղի ունեցած չարաշահումների քրգործով 3 անձի մեղադրանք է առաջադրվել
Ռոբերտ Քոչարյանի գործով նոր դատավորի նախագահությամբ առաջին նիստը տեղի կունենա հաջորդ շաբաթ
թեգերը:
Դատարան, Դատավոր, Սեյրան Օհանյան, Ռոբերտ Քոչարյան, Հայաստան

Գլխավոր թեմաներ